Urdu Poetry

Urdu Poetry
Urdu poetry is a rich tradition of classical poetry and it also have many different forms. We have some beautiful collection of urdu poetry that you will never find anywhere else. Ghazal is main focus of young generation of countries that understands urdu language. Here below you will find beautiful ghazals ever, famous ghazal ever.

 

Yeh Jo Deewanay Se Do Chaar Nazar Aate Hain
In Mein Kuchh Saahab E Israar Nazar Aate Hain

 

Yeh Jo Deewanay Se Do Chaar Nazar Aate Hain
In Mein Kuchh Saahab E Israar Nazar Aate Hain

Teri Mehfil Ka Bharam Rakhte Hain So Jate Hain
Warnaa Yeh Log To Bedaar Nazar Aate Hain

Door Tak Koi Sitaaraa Hai Na Koi Jugnoo
Marg E Ummeed Ke Aasaar Nazar Aate Hain

Mere Daaman Mein Shararon K Siwa Kuchh Bhi Nahi
Aap Phoolon Ke Khareedaar Nazar Aate Hain

Kal Jinhein Chhu Nahi Sakti Thi Farishton Ki Nazar
Aaj Woh Raunaq E Baazaar Nazar Aate Hain

Hashr Mein Kaun Gawaahi Meri Dega ‘Saghar’
Sab Tumhaare Hi Tarafdaar Nazar Aate Hain

(Saghar Siddiqi)

Wo Hu-Msafar Tha Magar Us Se Hum-Nawaai Na Thi

Ke Dhoop Chhaanv Ka Aalam Raha, Judaai Na Thi

 

Wo Hu-Msafar Tha Magar Us Se Hum-Nawaai Na Thi

Ke Dhoop Chhaanv Ka Aalam Raha, Judaai Na Thi

Muhabbaton Ka Safar Is Tarah Bhi Guzraa Tha

Shikasta Dil The Musaafir, Shikasta-Paayi Na Thi

Adavatein Thin, Taghaful Tha, Ranjishein Thin Bahut

Bichharne Wale Mein Sab Kuchh Tha Be-Wafaai Na Thi

Bichharte Waqt Un Ankhon Mein Thi Hamari Ghazal

Ghazal Bhi Woh, Jo Kisi Ko Abhi Sunaai Na Thi

Kise Pukaar Raha Tha Woh Doobta Hua Din

Sadaa To Aayi Thi Lekin Koi Duhaai Na Thi

Ajeeb Hoti Hai Raah E Sukhan Bhi, Dekh ‘Naseer’

Wahaan Bhi Aagaye Aakhir, Jahaan Rasaai Na Thi

(Naseer Turrabi)

 

Bhuli Bisri Hui Yaadon Mein Kasak Hai Kitni

Doobti Shaam Ke Atraaf Chamak Hai Kitni

 

Bhuli Bisri Hui Yaadon Mein Kasak Hai Kitni

Doobti Shaam Ke Atraaf Chamak Hai Kitni

Manzar E Gul To Bus Ek Pal K Liye Thahra Tha

Aati Jaati Hui Saanson Mein Mahak Hai Kitni

Gir Ke Too-Ta Nahi Shayed Woh Kisi Pat-Thar Per

Uski Aawaz Mein Taabindaa Khanak Hai Kitni

Apni Har Baat Mein Woh Bhi Hai Hasinon Jaisa

Us Saraapay Mein Magar Nok Plak Hai Kitni

Jaate Mausam Ne Jinhein Chhor Diya Hai Tanha

Mujh Mein Un Toot-Te Patton Ki Jhalak Hai Kitni

(Zubair Rizvi)

Pahunch Se Door, Chamakta Saraab – Yaa’ni Tu

Mujhe Dikhaaya Gaya Aek Khaab – Yaa’ni Tu

 

Pahunch Se Door, Chamakta Saraab – Yaa’ni Tu

Mujhe Dikhaaya Gaya Aek Khaab – Yaa’ni Tu

Main Jaanta Hun Babul Aur Gulaab Ke Maani

Babool Yaani Zamaana, Gulaab – Yaa’ni Tu

Jamaaliyaat Ko Parhne Ka Shauq Tha, So Mujhe

Ataa Hua Hai Mukammal Nisaab – Yaa’ni Tu

Kahaan Yeh Zarra E Taar-K-Bakht, Yaani Main

Kahaan Woh Noor Bhara Maahtaab – Yaa’ni Tu

Badal Gayi Hai Bahut Mamlekat Mere Dil Ki

K Aagayaa Hai Yahaan Inqilaab – Yaa’ni Tu

Har Ek Ghazal Ko Samajhne Ka Waqt Hai Na Dimagh

Mujhe Bahut Hai Faqat Intekhaab – Yaa’ni Tu

Kabhi To Mere Andheron Ko Raushni Dega

Gurez Karta Hua Maahtaab – Yaa’ni Tu

Idhar Hai Koh-Kan-E-Dasht-E-Ishq Yaani Main

Udhar Hai Husn E Nazaakat Ma’aab – Yaa’ni Tu

Ujaar Gulshan E Dil Ko Bari Duaaon Ke Baad

Hua Naseeb, Gul E Baaryaab – Yaa’ni Tu

Bahut Taveel Sahi Daastaan E Dil Lekin

Bus Ek Shakhs Hai Lubb-E-Labaab – Yaa’ni Tu

Kabhi Kabhi Nazar Aata Hai Dasht E Hijraan Mein

Junun Ki Pyaas Barhata Saraab – Yaa’ni Tu

Chakhe Beghair Hi Jis Ka Nasha Mukammal Hai

Mujhe Baham Hai Ek Aisi Sharaab – Yaa’ni Tu

Koi Sawaal Hai Jis Ko Jawaab Milta Nahi

Sawaal Yaani K ‘Faaris’, Jawaab – Yaa’ni Tu

(Rahman Faaris)

Wafaa Ke Baab Mein Ilzaam E Aashiqui Na Liyaa

Ke Teri Baat Ki Aur Teraa Naam Bhi Na Liyaa

Wafaa Ke Baab Mein Ilzaam E Aashiqui Na Liyaa

Ke Teri Baat Ki Aur Teraa Naam Bhi Na Liyaa

Khushaa Wo Log K Mehroom E Iltefaat Rahay

Tere Karam Ko Ba Andaaz E Saadgi Na Liyaa

Tumhaaray Baad Kayi Haath Dil Ki Simt Barhay

Hazaar Shukar Girebaan Ko Ham Ne Si Na Liyaa

Tamaam Masti O Tishnaa-Labii Ke Hangaamay

Kisi Ne Sang Uthaaya, Kisi Ne Meenaa Liyaa

‘Faraz’ Zulm Hai Itni Khud Aitmaadi Bhi

Ke Raat Bhi Thi Andheri, Charaagh Bhi Na Liyaa

(Ahmad Faraz)

Wafaa Ke Baab Mein Ilzaam E Aashiqui Na Liyaa

Ke Teri Baat Ki Aur Teraa Naam Bhi Na Liyaa

Khushaa Wo Log K Mehroom E Iltefaat Rahay

Tere Karam Ko Ba Andaaz E Saadgi Na Liyaa

Tumhaaray Baad Kayi Haath Dil Ki Simt Barhay

Hazaar Shukar Girebaan Ko Ham Ne Si Na Liyaa

Tamaam Masti O Tishnaa-Labii Ke Hangaamay

Kisi Ne Sang Uthaaya, Kisi Ne Meenaa Liyaa

‘Faraz’ Zulm Hai Itni Khud Aitmaadi Bhi

Ke Raat Bhi Thi Andheri, Charaagh Bhi Na Liyaa

(Ahmad Faraz)

 

 

Zamiin Kaisi Lagegi, Aasman Kaisa Lagega
Hamare Baad Tumko Ye Jahaan Kaisa Lagega

 

Zamiin Kaisi Lagegi, Aasman Kaisa Lagega
Hamare Baad Tumko Ye Jahaan Kaisa Lagega

Thake Haare Hue Suraj Ki Bhigi Raushni Men
Hawaaon Se Ulajhta Baadbaan Kaisa Lagega

Jame Qadmon Ke Niche Phisalti Jaegi Ret
Bikhar Jaegi Jab Umr-E-Rawaan Kaisa Lagega

Isi Mitti Men Mil Jaegi Punji Umr Bhar Ki
Giregi Jis Ghari Diwar-E-Jaan Kaisa Lagega

Bahut Itra Rahe Ho Dil Ki Bazi Jeetne Par
Ziyan Baad Az Ziyan Baad Az Ziyan Kaisa Lagega

Wo Jis Ke Baad Hogi Ek Musalsal Be-Neyazi
Ghari Bhar Ka Wo Sab Shor O Fughan Kaisa Lagega

Abhi Se Kya Bataen Marg-E-Majnun Ki Khabar Par
Suluk-E-Kucha-E-Na-Mehrbaan Kaisa Lagega

Batao To Sahi Ai Jaan-E-Jaan Kaisa Lagega
Sitaron Se Bhara Ye Aasman Kaisa Lagega

Dil Giraftaa Hi Sahii Bazm Sajaali Jaye

Yaad E Janan Se Koi Shaam Na Khaali Jaye

Rafta-Rafta Yahi Zandaan Mein Badal Jate Hain

Ab Kisi Shahr Ki Buniyaad Na Daali Jaye

Mushaf E Rukh Hai Kisi Ka K Beyaaz E Hafiz

Aise Chehre Se Kabhi Faal Nikaali Jaye

Wo Murawwat Se Mila Hai To Jhukadun Gardan

Mere Dushman Ka Koi Waar Na Khaali Jaaye

Be-Nawaa Shahr Ka Saaya Hai Mere Dil Pe ‘Faraz’

Kis Tarah Se Meri Aashufta Khyaali Jaye

(Ahmad Faraz)

 

 

 

 

 

 

 

 

Ab Mehfil E Ghazal Mein Ghazal Aashna Hai Kaun?

Maanaa K Aek Hum Hain Magar Dusraa Hai Kaun?

Qaatil Ne Jab Pukaara K Ahl E Wafaa Hai Kaun?

Sab Log Jab Khamosh Rahe Bol Utha Hai Kaun?

Tum Apni Anjuman Ka Zaraa Jaayezaah To Lo

Kahne Ko To Chiraagh Bahut The, Jala Hai Kaun?

Daa’va Sukhan Ka Sab Ko Hai Lekin Tamaam Umr

Ek Dushman E Sukhan Se Mukhatib Raha Hai Kaun?

Sab Dekhte Jidhar Hain Udha Kya Hai Kuchh Nahi

Hum Dekhte Jidhar Hain Udhar Dekhta Hai Kuan?

Tasveer E Maikada Meri Ghazlon Mein Dekhiye

Sanbhla Raha Hai Kaun, Nashe Mein Gira Hai Kaun?

Main Ek Naqsh E Paa Hun Magar Main Bataunga

Is Raah Se Jo Guzra Hai Woh Qaafila Hai Kaun?

Sab Dost Aek Ek Kar Ke Mujhe Chhorte Gaye

Dushman Bhi Dang Hai K Ye Tanha Khara Hai Kaun?

Ghar Bhi Tera, Gali Bhi Teri, Shahr Bhi Tera

Jo Chahe Jis Ko Kah De Tujhe Rokta Hai Kaun?

‘Aajiz’ Ye Kis Se Baat Karo Ho Ghazal Mein Tum?

Parda Uthao, Hum Bhi To Dekhien Chhupa Hai Kaun?

(Kalim Ajiz)

Peet Karna To Hum Se Nibhaana Sajan, Hum Be Pahlay Hi Din Tha Kahaa Na Sajan

Tum Hi Majboor Ho, Hum Hi Mukhtaar Hain, Khair Maana Sajan, Yeh Bhi Maana Sajan

Ab Jo Hone Ke Qissay Sabhi Ho Chuke, Hum Tumhein Kho Chuke, Tum Humein Kho Chuke

Aagay Dil Ki Naa Baaton Mein Aanaa Sajan, K Yeh Dil Hai Sadaa Ka Diwaana Sajan

Yeh Bhi Sach Hai Na Kuchh Baat Ji Ki Bani, Sooni Raaton Mein Dekha Kiye Chaandni

Per Yeh Sauda Hai Hum Ko Puraanaa Sajan, Aur Jeene Ka Apnay Bahaana Sajan

Shahr Ke Log Achchhe Hain Hum-Dard Hain, Per Hamaari Suno Hum Jahaan-Gard Hain

Daagh-E-Dil Na Kisi Ko Dikhaana Sajan, Yeh Zamaana Nahi Woh Zamaana Sajan

Us Ko Muddat Hui Sabr Kartay Hue, Aaj Koo-E-Wafaa Se Guzartay Hue

Poochhh Kar Is Gadaa Ka Thikaana Sajan, Apne ‘Insha’ Ko Bhi Dekh Aana Sajan

(Ibn E Insha)

Rooh Mein Le Ke Zamaanon Ki Thakan Aaye The Ham

Raat Yun Tha K Sar E Shahr E Badan Aaye The Ham

Khush-Libaasi Thi Jahaan Shart Usi Mehfil Mein

Log Kahte Hain Tera Hijr Pahan Aaye The Ham

Yaad To Hoga Khili Dhoop Ke Maanind Ik Roz

Rauzan E Jaan Se Teri Rooh Mein Chhan Aaye The Ham

Teri Aankhon Mein Kabhi Aaye The Hairat Ki Tarah

Tere Maathe Pa’ Kabhi Misl E Shikan Aaye The Ham

Tumko Dekha To Mili Quvvat E Goyaayi Hamein

Varna Khaamosh The Jab Shahr E Sukhan Aaye The Ham

Ye To Accha Hua Jee Khol Ke Roya Wo Hamein

Kaisa Bacchon Ki Tarah Dhool Mein San Aaye The Ham

Usne Kuchh Aisa Banaya Tha Ki Bigde Hue The

Usne Kuchh Aisaa Bigada Tha Ki Ban Aaye The Ham

(Abhishek Shukla)

Wo Dushman-E-Jan, Jaan Se Pyaara Bhi Kabhi Tha

Ab Kis Se Kahain, Koii Humaara Bhi Kabhi Tha

Utra Hai Rag-O-Pai Mein To Dil Kat Sa Gaya Hai

Yeh Zehr-E-Judaai K Gawaara Bhi Kabhi Tha

Har Dost Jahan Abr-E-Gurezaan Ki Tarah Hai

Ye Shehar Kabhi Shehr Humaara Bhi Kabhi Tha

Titli Ke Ta’aaqub Mein Koi Phool Sa Bachcha

Aisaa Hi Koi Khaab Humaara Bhi Kabhi Tha

Ab Agle Zamaane Ke Milen Log Toh Puchhein

Jo Haal Humara Hai Tumhaara Bhi Kabhi Tha?

Har Bazm Mein Hum Ne Usay Afsurda Hi Dekha

Kahte Hain ‘Faraz’ Anjuman-Aara Bhi Kabhi Tha

(Ahmad Faraz)

Ajab Hai Rang E Chaman, Jaa-Ba-Ja Udaasi Hai

Mahek Udaasi Hai, Baad-E-Sabaa Udaasi Hai

Nahi Nahi Yeh Bhala Kis Ne Kah Diya Tumse

Main Thik Thak Hun, Haan Bus Zara Udaasi Hai

Main Mubtila Kabhi Hota Nahi Udaasi Mein

Main Wo Hun Jis Mein K Khud Mubtila Udaasi Hai

Tabeeb Ne Koi Tafseel To Bataayi Nahi

Bahut Jo Poochhha To Itna Kaha Udaasi Hai

Gudaaz Qalb Khushi Se Bhala Kisi Ko Mila?

Azeem Wasf Hi Insaan Ka Udaasi Hai

Shadeed Dard Ki Rau Hai Ravaan Rag-E-Jaan Mein

Bala Ka Ranj Hai Be Inteha Udaasi Hai

Firaaq Mein Bhi Udaasi Bare Kamaal Ki Thi

Pas-E-Visaal To Us Se Siwaa Udaasi Hai

Tumhen Mile Jo Khazaane Tumhein Mubrak Hon

Meri Kamaayi To Yeh Be-Bahaa Udaasi Hai

Chhupa Rahi Ho Magar Chhup Nahi Rahi Meri Jaan

Jhalak Rahi Hai Jo Zer-E-Qaba Udaasi Hai

Dimaagh Mujh Ko Kahaan Kaainaati Mas’alon Ka

Mera To Sab Se Bara Mas’alaa Udaasi Hai

Falak Hai Sar Pe Udaasi Ki Tarah Phaila Hua

Zameen Nahi Mere Zer-E-Paa Udaasi Hai

Ghazal Ke Bhes Mein Aayi Hai Aaj Mahram-E-Dard

Sukhan Ki Orhe Hue Hai Ridaa, Udaasi Hai

Ajeeb Tarh Ki Haalat Hai Meri Be-Ahwaal

Ajeeb Tarha Ki Be-Maajraa Udaasi Hai

Wo Kah Rahe The K Shair Ghazab Ka Hai ‘Irfan’

Har Aek She’r Mein Kya Gham Hai Kya Udaasi Hai

(Poet:Irfan Sattar)

Baat Karni Mujhe Mushkil Kabhi Aisii To Na Thi
Jaisi Ab Hai Teri Mehfil Kabhi Aisii To Na Thi

Le Gayaa Chheen Ke Kaun Aaj Tera Sabr-O-Qaraar
Be-Qaraari Tujhe Ai Dil Kabhi Aisii To Na Thi

Us Kii Aankhon Ne Khudaa Jaane Kiya Kya Jaadu
K Tabi’at Meri Maa’il  Kabhi Aisii To Na Thi

Aks-E-Rukhsaar Ne Kis Ke Hai Tujhe Chamkaayaa
Taab Tujh Mein Mah-E-Kaamil Kabhi Aisii To Na Thi

Ab Ki Jo Raah-E-Muhabbat Mein Uthaayi Takliif
Sakht Hoti Hamen Manzil Kabhi Aisii To Na Thi

Paa-E-Kubaan Koi Zindaan Men Naya Hai Majnun
Aatii Aavaaz-E-Salaasil Kabhi Aisii To Na Thi

Nigah-E-Yaar Ko Ab Kyuun Hai Tagaaful Ae Dil
Wo Tere Haal Se Ghaafil Kabhi Aisii To Na Thi

Chashm-E-Qaatil Meri Dushman Thii Hamesha Lekin
Jaisii Ab Ho Gayi Qaatil Kabhi Aisii To Na Thi

Kyaa Sabab Tu Jo Bigadta Hai ‘Zafar’ Se Har Bar
Khoo Teri Huur-Shamaail Kabhii Aisii To Na Thi

(Bahadur Shah Zafar)

Dekh To Dil K Jaan Se Uth-Ta Hai
Ye Dhuaan Sa Kahaan Se Uth-Ta Hai

Gor Kis Dil-Jale Ki Hai Ye Falak
Sho’la Ek Subh Yaan Se Uth-Ta Hai

Baithne Kaun De Hai Phir Usko
Jo Tere Aastaan Se Uth-Ta Hai

Yun Uthe Aaah! Us Gali Se Hum
Jaise Koi Jahaan Se Uth-Ta Hai

Khaana-E-Dil Se Zeenhaar Na Jaa
Koi Aise Makaan Se Uth-Ta Hai

Naalaa Sar Kheenchta Hai Jab Mera
Shor K Aasmaan Se Uth-Ta Hai

Ishq Ek ‘Meer’ Bhaari Patthar Hai
Kab Ye Tujh Naatawaan Se Uth-Ta Hai

(Mir Taqi Mir)

Wahshat E Jaan Ki Pazeeraayi Na Kar Paayega Tu
Khud Ko Itnaa Kabhi Sahraayi Na Kar Paayega Tu

Hanstaa Gaata Hua Ik Shahr Hai Mujhmein Maujood
Mere Atraaf Mein Tanhaayi Na Kar Paayegaa Tu

Mujhko Dekhegaa Baharhaal Junoon Karte Hue
Haan Meri Hauslaa-Afzaayi Na Kar Paayega Tu

Abke Lagta Hai K Beemaar Hun Main Sach-Much Ka
Abke Lagtaa Hai Maseehaayi Na Kar Paayega Tu

Aaray Aa Jaayegii Har Baar Meri Naadaani
Mere Aage Koi Daanaayi Na Kar Paayega Tu

Khair Duniyaa Ka Bhalaa Tujhse Kahaan Mumkin Hai
Aur Mere Saath Bhi Acchaayi Na Kar Paayega Tu

Main Wo Patthar Hun K Jismein Koi Taaseer Nahin
Mukhtasar Ye K Jabeensaayi Na Kar Paayega Tu

Ab To Har Dasht Meri Zaat Ka Partau Hai Yahaan
Is Se Badhkar Mujhe Saudaayi Na Kar Paayega Tu

Tujhse Mansoob Hain Ash’aar Kuchh Aise Bhi Mere
Ghaaliban Jinki Pazeeraayi Na Kar Paayega Tu

(Abhishek Shukla)

Tere Tan Ke Bahut Rang Hain Jaan-E-Man, Aur Nihaan Dil Ke Nairang-Khanon Mein Hain! 
Laamsaah, Shaammah, Zaaiqaah, Saameaah, Baasraah Sab Mire Raaz Daanon Mein Hain!! 
Aur Kuchh Daaman-E-Dil Kushaadah Karo! Dosto, Shukr-E-N’emat Ziyaadaa Karo! 
Per, Dariya, Hava, Raushni, Aurten, Khushbuen Sab Khuda Ke Khazaanon Mein Hain!! 
Naaqa-E-Husn Kii Ham Rakaabii Kahaan ?! Khaima-E-Naaz Mein Baraayaabii Kahaan?! 
Ham To Ai Baano-E-Kishwar-E-Dilbari, Paasdaaron Mein Hain! Saarbaanon Mein Hain!! 
Mere Andar Bhii Hai Ek Shehar-E-Digar, Mere Mehtaab Ik Raat Idher Se Guzar! 
Kaise Kaise Chiraagh In Dariichon Mein Hain! Kaise Kaise Qamar In Makaanon Mein Hain! 
Ik Sitaarah Ada Ne Yeh Kya Kar Diya?! Merii Mitti Se Mujh Ko Juda Kar Diya! 
In Dinon Paaon Mere Zamiin Par Nahiin, Ab Miri Manzilen Aasmaanon Mein Hain!
(Irfan Siddiqui)

Tujhe Kho Kar Bhi Tujhe Paaun, Jahaan Tak Dekhun

Husn-E-Yezdaan Se Tujhe Husn-E-Butaan Tak Dekhun

Tu Ne Yun Dekha Hai Jaise Kabhi Dekhaa Hi Na Tha

Main To Dil Mein Tere Qadmon Ke Nishaan Tak Dekhun

Faqat Is Shouq Mein Poochhi Hain Hazaaron Baatein

Main Tera Husn,  Tere Husn-E-Bayaan Tak Dekhun

Mere Veeraana-E-Jaan Mein Tere Gham Ke Dam Se

Phool Khilte Nazar Aate Hain Jahaan Tak Dekhun

Waqt Ne Zehn Mein Dhundhla Diye Tere Khad-O-Khaal

Yun To Main Toot-Te Taaron Ka Dhuaan Tak Dekhun

Dil Gaya Tha To Yeh Aankhein Bhi Koi Le Jaataa

Main Faqat Aek Hi Tasveer Kahaan Tak Dekhun

Ek Haqeeqat Sahi Firdous Mein Hooron Ka Wajood

Husn-E-Insaan Se Nimat Lun To Wahaan Tak Dekhun

(Extracted From ‘Moheet’ By Ahmed Nadeem Qasmi)

 

 

 

 

 

 

Sookhe Pokhar, Banjar Dharti, Neer Bhaye Ban-Chhaon

Mitti Mitti Lagta  Hai Ab  Soona – Soona Gaaon

Kutte Jaise Haanp Rahe Hain Piichhe Piichhe Log

Aage Al-Lhar Si Ek Larki, Jeevan Jis Ka Naaon*

Shahron Ke Andaaz Kahaan Sah Paayega Dehaat

Gili Kachchi Pagdandi Par, Mat Rakhiyega Paaon

Gori Rangat,  Kaali Zulfein, Teekhay Sab Aakaar

Uska Sab Kuchh Yad Hai Mujhko, Bhulun Apna Naaon

Mamta Ka Dhan Baant Rahi Hai Saari Kachli Naar

Gobar-Gobar Haath Hain Jiske, Kichar-Kichhar Paaon

Saanjh Bhayii, Sab Revar Pahunche Apne Apne Thor

Ek ‘Badnam’ Phire Aawaara, Jis Ka Ghar Na Gaaon

(By: Badnam Nazar)

Sookhe Pokhar, Banjar Dharti, Neer Bhaye Ban-Chhaon

Mitti Mitti Lagta  Hai Ab  Soona – Soona Gaaon

Kutte Jaise Haanp Rahe Hain Piichhe Piichhe Log

Aage Al-Lhar Si Ek Larki, Jeevan Jis Ka Naaon*

Shahron Ke Andaaz Kahaan Sah Paayega Dehaat

Gili Kachchi Pagdandi Par, Mat Rakhiyega Paaon

Gori Rangat,  Kaali Zulfein, Teekhay Sab Aakaar

Uska Sab Kuchh Yad Hai Mujhko, Bhulun Apna Naaon

Mamta Ka Dhan Baant Rahi Hai Saari Kachli Naar

Gobar-Gobar Haath Hain Jiske, Kichar-Kichhar Paaon

Saanjh Bhayii, Sab Revar Pahunche Apne Apne Thor

Ek ‘Badnam’ Phire Aawaara, Jis Ka Ghar Na Gaaon

(By: Badnam Nazar)

Jaisa Hun Vaisa Kyun Hun Samjha Sakta Tha Main

Tum Ne Poochha To Hota, Batlaa Sakta Tha Main

Aasoodaa Rahne Ki Khaahish Maar Gayii Varnaa

Aagay Aur Bahut Aage Tak Jaa Sakta Tha Main

Chhotii Motii Ek Lahar Hii Thii Mere Andar

Ek Lahar Se Kyaa Toofaan Uthaa Sakta Tha Main

Kahin-Kahin Se Kuchh Misre, Ek Aadh Gazal, Kuchh Sher

Is Poonjii Par Kitnaa Shor Machaa Sakta Tha Main

Jaise Sab Likhte Rahte Hain Gazlen, Nazmen, Geet

Vaise Likh Likh Kar Ambaar Lagaa Sakta Tha Main

(Iftekhar Arif)

.

Siskiyaan Leti Hui Ghamgeen Hawao, Chup Raho
So Rahe Hain Dard, In Ko Mat Jagao, Chup Raho

Raat Ka Pat_Thar Na Pighlega Shuaa’on Ke Baghair
Subaah Hone Tak Na Bolo Ham Nawao, Chup Raho

Band Hain Sab Mai Kaday, Saaqi Bane Hain Muhtasib
Ae Garajtii Goonjti Kaali Ghataao,Chup Raho

Tum Ko Hai Maaloom Aakhir Koun Sa Mausam Hai Ye
Fasl-E-Gul Aane Talak Ae Khushnawao, Chup Raho

Soch Ki Deewaar Se Lag Kar Hain Gham Baithay Hue
Dil Mein Bhi Naghma Na Koi Gungunao, Chup Raho

Chhat Gaye Haalaat Ke Baadal To Dekha Jaayega
Waqt Se Pehle Andhaire Mein Na Jao, Chup Raho

Kiun Sharik-E-Gham Banate Ho Kisi Ko Ae ‘Qateel’
Apni Sooli Apne Kaandhe Per Uthaao, Chup Raho

(By Qateel Shifai)

Wafa Kar! Magar Ustawaari Na Rakh

Koii Bojh Seene Pe Bhaari Na Rakh

Mohabbat Ke Badle Muhabbat Na Maang

K Yeh Silsilaa, Karobaari Na Rakh

Kisii Aur Heelay Se Kar Mustafeez

Faqat Rasm-E-Bada-Gusaari Na Rakh

Tu Aaya Hai To Harf-E-Matlab Pe Aa

Zabaan Per Bahut Khaksaari Na Rakh

Salamat Nahii Sar  To Dastaar Kya

Bahut Apni Oonchi Ataari Na Rakh

Haqeeqat Tujhe Maar Dalegi Sun!!

‘Mujeebi’ Bahut Jaan Kaari Na Rakh

[Siddique Mujeebi]

Khuli Jo Aankh To Woh Tha Na Woh Zamaanaa Thaa

Dahakati Aag Thi, Tanhaayii Thi, Fasaanaa Thaa

Ghamon Ne Baant Liyaa Hai Mujhe Yun Aapas Mein

K Jaise Main Koii Lootaa Huaa Khazaanaa Thaa

Ye Kya K Chand Hi Qadmon Pe Thak Ke Baith Gaye

Tumhein To Saath Mera Door Tak Nibhaanaa Thaa

Mujhe Jo Mere Lahuu Mein Dubo Ke Guzaraa Hai

Woh Koi Ghair Nahiin! Yaar Ek Puraanaa Thaa

Khud Apne Haath Se ‘Shahzad’ Us Ko Kaat Diyaa

K Jis Darakht Kii Tahnii Pe Aashiyaanaa Thaa

{ By : Farhat Shahzad }

Aaj Zara Fursat Payi Thi, Aaj Use Phir Yaad Kiya

Band Gali K Aakhri Ghar Ko Khol K Phir Aabaad Kiya

Khol K Khirki Chand Hansa, Phir Chand Ne Donon Hathon Se

Rang Uraye Phool Khilaye Chiryon Ko Aazad Kiya

Bare Bare Gham Khare Hue The Rasta Roke Rahon Mein

Choti Choti Khushiyon Se Hi Hum Ne Dil Ko Shad Kiya

Baat Bahut Maamooli Si Thi, Ulajh Gayi Takraaron Mein

Ek Zara Si Zid Ne Aakhir Donon Ko Barbaad Kiya

Daanaon Ki Baat Na Maani! Kaam Aayi Nadani Hi

Suna Hawa Ko Parhaa Nadi Ko Mausam Ko Ustaad Kiya

(Nida Fazli)

Aaj Zara Fursat Payi Thi, Aaj Use Phir Yaad Kiya

Band Gali K Aakhri Ghar Ko Khol K Phir Aabaad Kiya

Khol K Khirki Chand Hansa, Phir Chand Ne Donon Hathon Se

Rang Uraye Phool Khilaye Chiryon Ko Aazad Kiya

Bare Bare Gham Khare Hue The Rasta Roke Rahon Mein

Choti Choti Khushiyon Se Hi Hum Ne Dil Ko Shad Kiya

Baat Bahut Maamooli Si Thi, Ulajh Gayi Takraaron Mein

Ek Zara Si Zid Ne Aakhir Donon Ko Barbaad Kiya

Daanaon Ki Baat Na Maani! Kaam Aayi Nadani Hi

Suna Hawa Ko Parhaa Nadi Ko Mausam Ko Ustaad Kiya

(Nida Fazli)

Hamare Zakhm-E-Tamanna Puraane Hogaye Hain

K Us Gali Mein Gaye Ab Zamaane Hogaye Hian

Tum Apne Chaahne Walon Ki Baat Mat Suniyo!

Tumhaare Chaahne Waale Diwaane Hogaye Hain

Wo Zulf, Dhup Mein Furqat Ki Ayi Hai Jab Yad

To Baadal Aye Hain Aur Shamiyaane Hogaye Hain

Jo Apne Taur Se Hum Ne Kabhi Guzaare The

Wo Subh-O-Shaam To Jaise Fasaane Hogaye Hain

Ajab Mahak Thi Mere Gul Tere Shabishtaan Ki

So Bulbulon Ke Wahaan Aashiyaane Hogaye Hain

Hamaare Baad Jo Aayein Unhein Mubarak Ho

Jahaan The Kunj Wahaan Kaarkhane Hogaye Hain

(Joan Alia)

 

 

 

 

 

 

 

 

Azaab-E-Wehshat-E-Jaan Ka Silaa Na Maange Koi

Naye Safar Ke Liye Raastaa Na Maange Koi

Buland Haathon Mein Zanjeer Daal Dete Hain

Ajeeb Rasm Chali Hai, Duuaa Na Maange Koi

Tamaam Shahr Mukarram, Bus Aek Mujrim Main

So Mere Baad Meraa Khun-Bahaa Na Maange Koi

Koi To Shahr-E-Tazabzub Ke Saakinon Se Kahe

Na Ho Yaqiin To Phir Mo’jezaa Na Maange Koi

Azaab-E-Gard-Zezaan Bhi Na Ho Bahaar Bhi Aaye

Is Ehteyaat Se Ajr-E-Wafaa Na Maange Koi

(Iftekhaar Arif)

Imkaan Dekhnay Ko Ruka Tha Main Jast Ka

Ailaan Kar Diya Gaya Meri Shikast Ka

Saye Se Apne Qadd Ka Lagata Hai Tu Hisab

Andaza Ho Gaya Hai Tere Zehn-E-Past Ka

Tujh Ko Badan Ki Had Se Nikalna Kahan Nasib

Samjhe Ga Kaise Rooh Ko Aalooda Hast Ka

Tu Hai K Kal Ki Baat Ka Rakhta Nahin Hai Paas

Main Hoon Ke Paasdaar Hoon Ehd-E-Alast Ka

Jis Se Garoh-E-Badaa-Faroshaan Hasad Kare

Taari Hai Mujh Pe Nassha Usi Chashm-E-Mast Ka

Ja, Shehr-E-Kam-Nigaah Mein Shuhrat Samait Le

Yeh Kaam Hai Bhi Tujh Se Hi Mauqa-Parast Ka

Shah-E-Junoon Ka Takht Bicha Hai Ba-Ehtamaam

Pehlu Mein Intizaam Hai Meri Nashast Ka

Wus’at Mili Hai Zabt Ko Mere Baqadr-E-Dard

Bolo Koyi Jawaab Hai Is Band-O-Bast Ka?

‘Irfan’, Teri Laaj Bhi Allah Key Supurd

Sattar Hai Wohi To Har Ik Tang-Dast Ka

(Irfan Sattar)

Shahr-E-Kitaab Ujar Gaya, Harf Barahnaa Sar Hue

Naghma Hai Surma Dar -Gulu, She’r Watan Badar Hue

Mausam-E-Dard Ke Safiir Jo Bhi Nadeem The So The

Ab To Sabhi Farefta, Daanaa-O-Daam Par Hue

Jam-O-Suboo Ki Aabroo, Ahl-E-Hawas Ke Haath Hai

Jab Se Faqiih-O-Muhtasib, Shahr Mein Mo’tebar Hue

Sarv_Jawaan Ki Maut Par Royeingi Qumriyaan Bahut

Yun To Ba-Faiz-E-Baghbaan, Qatl Kayi Shajar Hue

Dar Khor-E-Harf-E-Yaar The Jin Ke Liye Hamin ‘Faraz’

Aaj Wohi Sitam Zareef, Ghair Ke Naama-Bar Hue

(Ahmed Faraz)

 

 

 

 

 

 

 

 

 

 

Zakhm Ka Andamaal Hote Hue
Maine Dekha Kamaal Hote Hue

Hijr Ki Dhoop Kyun Nahi Dhalti
Jashn-E-Shaam-E-Visaal Hote Hue

De Gayi Mustaqil Khalish Dil Ko
Aarzoo Paayemaal Hote Hue

Log Jeete Hain, Jeena Chahte Hain
Zindagaani Wabaal Hote Hue

Kis Qadar Ikhtelaaf Karta Hai
Woh Mera Hum Khayal Hote Hue

Pay-E Ilzaam Aa Rukin Mujh Par
Saari Aankhein Sawaal Hote Hue

Aaj Bhi Log Ishq Karte Hain
Saamnay Ki Misaal Hote Hue

Khud Se Hans Kar Na Mil Sake Ahmed
Khush Sukhan, Khush Khisaal Hote Hue

(Muhammad Ahmed)

Yeh Kahna To Nahi Kaafi K Bus Pyaare Lage Hum Ko

Unhein Kaise Bataayein Hum K Woh Kaise Lage Hum Ko

Makeen The Ya Kisi Khoyi Hui Jannat Ki Tasveerein

Makaan Us Shahr Ke Bhoole Hue Sapne Lage Hum Ko

Hum Un Ko Soch Mein Gum Dekh Kar Wapas Palat Aaye

Woh Apne Dhyaan Mein Baithe Hue Achchhe Lage Hum Ko

Bahut Shaffaf The Jab Tak K Masroof-E-Tamanna The

Magar Is Kaar-E-Duniya Mein Bare Dhabbe Lage Hum Ko

Jahaan Tanha Hue Dil Mein Bhanwar Se Parne Lagte Hain

Agar_Che Muddatein Guzrein Kinare Se Lage Hum Ko

(Ahmed Mushtaq : From Aankhein Purani Hogayin)

 

 

 

 

 

 

 

 

 

 

Shahr Sunsaan Hai  Kidhar Jayein

Khaak Ho Kar Kahin Bikhar Jaayein

Raat Kitni Guzar Gayii, Lekin

Itni Himmat Nahi K Ghar Jaayein

Yun Tere Dhyaan Se Laraztaa Hun

Jaise Pat_Te Hawa Se Dar Jaayein

Un Ujaalon Ki Dhun Mein Phirta Hun

Chhab Dikhaate Hi Jo Guzar Jaayein

Rain Andheri Hai Aur Kinaara Door

Chand Nikle To Paar Utar Jaayein

(Nasir Kazmi)

 

 

 

 

 

 

 

 

 

 

 

Tang Aachuke Hain Kashmakash-E-Zindagi Se Hum

Thukra Na Dein Jahaan Ko Kahin Be-Dili Se Hum

Mayoosii-E-Ma_’Aal-E-Muhabbat Na Poochhiye

Apnon Se Pesh Aaye Hain, Begaangi Se Hum

Lo, Aaj Hum Ne Tor Diya Rishtaa-E-Umeed

Lo, Ab Kabhi Gila Na Kareinge Kisi Se Hum

Ubhreinge Ek Baar Abhi Dil Ke Walwalay

Go Dab Gaye Hain Baar-E-Gham-E-Zindagi Se Hum

Gar Zindagi Mein Mil Gaye Phir Ittefaq Se

Poocheinge Apna Haal Teri Be-Basi Se Hum

Allah Re Fareb-E-Mashiyyat K Aaj Tak

Duniya Ke Zulm Sahte Rahe Khaamushi Se Hum

(Sahir Ludhiyanvi – Talkhiyan)

 

 

 

 

 

 

 

Har Aashna Mein Kahan Khooy-E-Mahramaana Woh

K Be-Wafaa Tha Magar Dost Tha Puraanaa Woh

Kahan Se Layein Ab Aankhein Use K Rakhta Tha

Adaawaton Mein Bhi Andaaz Mukhlisaana Woh

Jo Abr Tha To Use Toot Kar Barasnaa Tha

Yeh Kya K Aag Laga Kar Hua Rawaanaa Woh

Pukaarte Hain Mah-O-Saal Manzilon Ki Tarah

Laga Hai Tosan-E-Hasti Ko Taziyaanaa Woh

Hamein Bhi Gham-Talabi Ka Nahi Raha Yaaraa

Tere Bhi Rang Nahi Gardish-E-Zamaana Woh

Ab Apni Khaahishein Kya Kya Use Rulaati Hain

Yeh Baat Hum Ne Kahi Thi Magar Na Maana Woh

Yehi Kaheinge K Bus Soorat-Aashnaayi Thi

Jo Ahd Toot Gaya! Yaad Kya Dilaana Woh

Us Ek Shakl Mein Kya Kya Na Sooratein Dekhin

Nigaar Tha Nazar Aayaa Nigaar Khaana Woh

‘Faraz’ Khaab Si Ghaflat Dikhaayi Deti Hai

Jo Log Jaan-E-Jahaan The Hue Fasaana Woh

(Ahmad Faraz – From Chand Aur Main)

Main Khiradmand Rahoon Ya Tera Vahshi Ho Jaaoon

Jo Bhi Hona Hai Mujhe Ishq Mein Jaldi Ho Jaaoon

Zindagi Chaak Ki Gardish Ke Siva Kuchh Bhi Nahin

Main Agar Koozaagari Chhor Doon Mitti Ho Jaaoon

Phir Se Le Jaaye Meri Zaat Se Tu Ishq Udhaar

Aur Main Phir Se Tere Husn Pe Baaqi Ho Jaaoon

Koi Dam Tu Mere Chehre Pe Khushi Ban Ke Ubhar

Koi Dam Main Tere Chehre Ki Udaasi Ho Jaaoon

Ya To Dariyaa Mein Badal Jaaoon Ki Lahrein Utthein

Ya Bagoolon Ka Kahaa Maan Loon Aandhi Ho Jaaoon

Uski Jaanib Se Koi Hijr Mujhe Aa Ke Lage

Aur Main Maa’rka-E-Ishq Mein Zakhmi Ho Jaaoon

Jabr Ki Tarah Koi Jabr Karoon Apne Saath

Kyon Na Kuchh Der Ko Main Apne Pe Haavi Ho Jaaoon

(Abhishek Shukla)

 

 

 

 

 

Yaad Use Intehaayi Karte Hain
So Hum Uski Buraayi Karte Hain

Pasand Aata Hai Dil Se Yusuf Ko
Woh Jo Yusuf Ke Bhaaii Karte Hain

Hai Badan Khaab-E-Wasl Ka Dangal
Aao, Zor – Aazmaayi Karte Hain

Us Ko Aur Ghair Ko Khabar Hi Nahi
Hum Lagaayi – Bujhaayi Karte Hain

Halat-E-Wasl Mein Bhi Hum Donon
Lamha Lamha Judaayi Karte Hain

Aap Jo Mere Jaan Hain Main Dil Hun
Mujh Se Kaise Judaayi Karte Hain

Ba-Wafaa Aek Dusre Se Miyaan
Har Nafas Be-Wafaayi Karte Hain

Jo Hain Sarhad Ke Paar Se Aaye
Woh Bahut Khud-Setaayi Karte Hain

Pal Qyaamat Ke Sood-Khaar  Hain John
Yeh Abad Ki Kamaayi Karte Hain

(Joan Alia – Extacted From Gumaan)

Ye Bastiyaan Hain K Maqtal, Duaa Kiye Jayen

Duaa Ke Din  Hain Musalsal, Duaa Kiye Jayen

Koi Fughaan, Koi Naalaa, Koi Buka, Koi Bain

Khulega Baab -E- Muqaffal, Duaa Kiye Jayen

Ye Aztraab, Yeh Lambaa Safar, Yeh Tanhaayi

Yeh Raat Aur Yeh Jangal, Duaa Kiye Jayen

Bahaal Hoke Rahe Gi Fezaa-E-Khitta-E-Khair

Yeh Habs Hoga Mu’attal, Duaa Kiye Jayen

Guzashtagan-E-Muhabbat Ke Khaab Ki Saugand

Woh Khaab Hoga Mukammal, Duaa Kiye Jayen

Hawaaye-Sarkash-O-Saffaak Ke Muqaabil Bhi

Ye Dil Bujheinge Na Mash’al, Duaa Kiye Jayen

Ghubaar Uraati, Jhulasti Hui Zamiinon Par

Umand Ke Aayeinge Baadal, Duaa Kiye Jayen

Qubool Hona Muqaddar Hai Harf-E-Khaalis Ka

Har Aek Aan, Har Ek Pal, Duaa Kiye Jayen

(By:Iftekhar Arif)

 

 

 

Safar Ke Baad Bhi,  Zauq-E-Safar Na Rah Jaaye
Khyal-O-Khaab Mein Ab Ke Bhi Ghar Na Rah Jaaye

Main Sochtaa Hun Bahut Zindagii Ke Baaray Mein
Yeh Zindagii Bhi Mujhe Soch Kar Na Rah Jaaye

Bas Ek Khauf Mein  Hotii Hai Har Sehar Merii
Nishaan-E-Khaab Kahin Aankh Par Na Rah Jaaye

Yeh Be-Hisi Thi To Meri Zid Thi Mere Ajzaa Se
K Mujh Mein Apne Ta’aaqub Ka Dar Na Rah Jaaye

Hawaay-E-Shaam!! Teraa Raqs Naaguziir Sahi
Yeh Meri Khaak Tere Jism Per Na Rah Jaaye

Usi Ki Shakl Liya Chaahti Hai Khaak Merii
So Shahr-E-Jaan Mein Koi Kuza-Gar Na Rah Jaaye

Guzar Gayaa Ho Agar Qaafila To Dekh Aao
Pas-E-Ghubaar Kisi Ki Nazar Na Rah Jaaye

Main Aek Or Khara Hun Hisaar-E-Duniya Ke
Wo Jis Ki Zid Mein Khara Hun Udhar Na Rah Jaaye

(By: Abhishek Shukla)

Ratjagay Hon K Bhar Poor Neendein Musalsal Use Dekhna
Wo Jo Ankhon Mein Hai Aur Aankhon Se Ojhal Use Dekhna

Is Kari Dhoop Mein Dil Tapakte Hain Aur Baam Par Woh Nahi
Kal Naye Mausamon Mein Jab Aayenge Baadal Use Dekha

Wo Jo Khushbu Bhi Hai Aur Jugnu Bhi Hai Aur Aansu Bhi Hai
Jab Hawa Gunguaanyegi, Naache Ga Jangal Use Dekhna

Jo Hawaon Mein Hai Aur Fezaon Mein Hai Aur Duaon Mein Hai
Koi Phailaaye Daaman, K Lahraaye Aanchal Use Dekhna

Shairi Mein Bhi Us Jaan-E-Jaan Ka Saraapa Samaata Nahi
Aur Aankhon Ki Dereena Khaahish!! Mukammal Use Dekhna

Yeh Bhi Kya Sochnaa Hai K Har Waqt Naadaan Use Sochna
Yeh Bhi Kya Dekhna Hai K Har Samt Paagal Use Dekhna

Shaam-E-Wada Sahi, Dukh Zeyada Sahi, Phir Bhi Dekho ‘Faraz’
Aaj Shab Uski Furqat Mein Kah Lo Ghazal, Kal Use Dekhna

(Ahmad Faraz)

Woh Jo Ek Shart Thi Wahshat Ki Uthaadi Gayi Kya

Meri Basti Kisi Sehraa Mein Basaa Di Gayi Kya

Wohi Lehjaa Hai Magar Yaar Tere Lafzon Mein

Pahle Ek Aag Si Jalti Thi, Bujhaa Di Gayi Kya

Jo Barhi Thi K Kahin Mujh Ko Bahaa Kar Le Jaaye

Main Yahi Hun To Wohi Mauj Bahaadi Gayi Kya

Paaon Mein Khaak Ki Zanjeer Bhali Lagne Lagi

Phir Meri Qaid Ki Mee’aad Barhaa Di Gayi Kya

Der Se Pahunche Hain Hum Door Se Aaye Hue Log

Shahr Khaamosh Hai Sab Khaak Uraa Di Gayi Kya

(By Irfan Siddiqui)

Kyun Mujh Pe Hua Hai Mehrbaan Tu
Ek Zarra-E-Khaak Aur Kahaan Tu

Main Dhoop Ki Aadi Ho Chali Thi
Kyun Mujh Pe Bana Hai Sayebaan Tu

Main Teri Zameen-E-Nisf-E-Shab Hun
Taaron Bhara Mera Aasmaan Tu

Aise Hi Hamaari Soch Yekjaan
Main Nutq Tera, Meri Zabaan Tu

Taiyyar Hun Main Safar Ko Lekin
Kashti Ka Uthaaye Baadbaan Tu

Kitna Bhi Ho Sakht Mera Lehjaa
Deeba-O-Hareer-O-Parniyaan Tu

Ek Aam Ghareeb-E-Shahr Hun Main
Kya Sun Ke Karega Daastaan Tu

Pat_Thar Mein Gulaab Dekhta Hai
Kis Darja Hai Mujh Se Khushgumaan Tu

Ab Thora Sa Waqt Rah Gaya Hai
Zaaye’ Karun Main Na Raayegaan Tu

(Parveen Shakir)

Jab Bhi Hansne Ke Zamaane Aaye
Zakhm Phir Yaad Puraane Aaye

Baar-Ha Unko Manaaya To Hamein
Rooth Jaane Ke Bahaane Aaye

Phir Mujhe Toot Ke Chaaha Usne
Phir Bichharne Ke Zamaane Aaye

Muskuraa Kar Hamein Milne Waale
Zindagi Bhar Ko Rulaane Aaye

Kitni Mahroom Thin Neendein Unki
Khaab Bhi Jin Ko Jagaane Aaye

Teri Chahat Ne Thaharne Na Diya
Raah Mein Kitne Thikaane Aaye

Tu Nahi Hai To Hawa Ka Jhonka
Ghar Ki Zanjeer Hilaane Aaye

Dil Bujhaa Hai Na Jale Hain Kheeme
Aap Kyun Jashn Manaane Aaye

Isi Ummeed Pe Jaago Yaaro!
Ab Woh Kis Waqt Na Jaane Aaye

Raas Aaya Jinhein Sehra ‘Muhsin’
Unki Qismat Mein Khazaane Aaye

(Mohsin Naqvi)

Apne Jaisi Hi Kisi Shakl Mein Dhaalenge Tumhein

Hum Bigar Jaayenge Itnaa Ki Banaa Lenge Tumhein

Apni Aankhon Mein Dhuaan Kar Ke To Mushkil Hogi

Apne Seene Pa Baharhaal Bujhaa Lenge Tumhein

Mujhmein Paivast Ho Tum Yun Ke Zamaane Waale

Meri Mitti Se Mere Baad Nikaalenge Tumhein

Faislaa Kar Hi Liya Hum Ne Agar Mitne Ka

Kaasa E Jism Mein Thora Sa Bachaa Lenge Tumhein

Jaane Kya Kuch Ho Chhupa Tum Mein Muhabbat Ke Siva

Ham Tasallii Ke Liye Phir Se Khangaalenge Tumhein

Ye Zamin Kuchh Bhi Nahin Aur Ye Jahan Kuchh Bhi Nahin

Ham Agar Chaahein To Ik Jast Mein Jaa Lenge Tumhein

Toot Saktaa Hai Bahut Jald Ye Zindaan E Badan

Tum Hamein Chhoo Lo To Ham Yun Bhi Chhura Lenge Tumhein

Hamne Sochaa Hai K Is Baar Junoon Karte Hue

Khud Ko Is Tarh Se Kho Denge K Paa Lenge Tumhein

Tum Se Ik Jang To Larni Hai So Larte Hue Ham

Apne Kheme Mein Kisi Roz Mila Lenge Tumhein

(Abhishek Shukla)

 

 

Meri Saari Zindagi Ko Be-Samar Usne Kiya

Umr Meri Thi Magar Us Ko Basar Usne Kiya

Main Bahut Kamzor Tha Is Mulk Mein Hijrat Ke Bad

Par Mujhe Is Mulk Mein Kamzor Tar Usne Kiya

Raahbar Mera Bana, Gumraah Karne Ke Liye

Mujh Ko Seedhe Raaste Se Dar-Ba-Dar Usne Kiya

Shahr Mein Woh Mo’tebar Meri Gawaahi Se Hua

Phir Mujhe Is Shahr Mein Na-Mo’tebar Usne Kiya

Shahr Ko Barbaad Kar Ke Rakh Diya Usne ‘Munir’

Shahr Par Yeh Zulm Mere Naam Par Usne Kiya

(Munir Neyazi)

Badan Mein Jaise Lahu Taaziyaanaa Hogaya Hai

Usay Gale Se Lagaaye Zamaanaa Hogaya Hai

Chamak Raha Hai Ufaq Tak Ghubaar E Tiira-Shabi

Koi Chiraagh Safar Par Rawaanaa Hogaya Hai

Humein To Khair Bikharna Hi Tha Kabhi Na Kabhi

Hawaay-E-Taaza Ka Jhonka Bahaanaa Hogaya Hai

Gharaz K Poochhte Kya Ho Ma’aal E Sokhtagaan

Tamaam Jalna – Jalaana Fasaanaa Hogaya Hai

Fazaay E Shouq Mein Uski Bisaat Hi Kya Thi

Parindaa Apne Pron Ka Nishaanaa Hogaya Hai

Kisi Ne Dekha Hai Patjhar Mein Phul Khilte Hue

Dil Apni Khush Nazarii Mein Divaanaa Hogaya Hai

(Irfan Siddiqui)

Chaandii Jaisa Rang Hai Tera, Sone Jaise Baal 
Aek Tu Hi Dhanvaan Hai Gori, Baqi Sab Kangaal

Har Aangan Mein Saje Na Tere Ujle Roop Ki Dhoop 
Chhail-Chhabeeli Raani Thora Ghunghat Aur Nikaal

Bhar Bhar Nazrein Dekhein Tujh Ko Aate Jaate Log 
Dekh Tujhe Badnaam Na Karde Harni Jaisi Chaal

Beech Mein Rang-Mahal Hai Tera Khayii Charon Or 
Hum Se Milne Ki Ab Gorii Tu Hi Raah Nikaal

Yeh Duniya Hai Khud Gharzon Ki Lekin Yaar ‘Qateel’ 
Tu Ne Hamaara Saath Diya Tu Jiye Hazaaron Saal

By : Qateel Shifayi

Teri Soorat Jo Dilnasheen Ki Hai
Aashna Shakl Har Haseen Ki Hai

Husn Se Dil Lagaa Ke Hastii Ki
Har Ghari Hum Ne Aatisheen Ki Hai

Subh E Gul Ho K Sham E Maikhana
Madh Us Rooy E Naazneen Ki Hai

Shekh Se Be-Haraas Milte Hain
Hum Ne Touba Abhi Naheen Ki Hai

Zikr E Dozakh, Byan E Hur-O-Qasur
Baat Goya Yahin Kaheen Ki Hai

Ashk To Kuchh Bhi Rang La Na Sake
Khoon Se Tar Aaj Aasteen Ki Hai

Kaise Manein Heram Ke Sahl-Pasand
Rasm Jo Aashiqon Ke Deen Ki Hai

‘Faiz’ Auj E Khyaal Se Hum Ne
Aasmaan Sindh Ki Zmeen Ki Hai

(Faiz)

Koi Mila To Kisi Aur Ki Kami Hui Hai 
So Dil Ne Be-Talabi Ikhtiyaar Ki Hui Hai 
 
Jahaan Se Dil Ki Taraf Zindagi Utarti Thi 
Nigaah Ab Bhi Usi Baam Par Jami Hui Hai 
 
Hai Intezaar Use Bhi Tumhaari Khushbu Ka 
Hawaa Gali Mein Bahut Der Se Ruki Hui Hai 
 
Tum Aagaye Ho To Ab Aayiina Bhi Dekhenge 
Abhi Abhi To Nigaahon Mein Raushni Hui Hai 
 
Hamara Ilm To Marhun E Lauh E Dil Hai Miyan 
Kitaab E Aql To Bas Taaq Par Dhari Hui Hai 
 
Banao Saaye, Haraarat Badan Mein Jazb Karo 
K Dhoop Sehn Mein Kab Se Yunhi Pari Hui Hai 
 
Nahi Nahi, Main Bahut Khush Raha Hun Tere Beghair 
Yaqeen Kar K Yeh Haalat Abhi Abhi Hui Hai 
 
Woh Guftagoo Jo Meri Sirf Apne Aap Se Thi 
Teri Nigaah Ko Pahunchi To Shairy Hui Hai

(By: Irfan Sattar)

Safar Mein Hai Jo Azal Se Yeh Woh Balaa Hi Na Ho

Kiwaar Khol Ke Dekho, Kahin Hawaa Hi Na Ho

Nigaah E Aayiina Maloom, Aks E Na-Maaloom

Dikhayi Deta Hai Jo Asl Mein Chhupaa Hi Na Ho

Zamin Ke Gird Bhi Paani, Zamin Ki Tah Mein Bhi

Jo Shahr Jam Ke Khara Hai Woh Tairtaa Hi Na Ho

Na Jaa K Is Se Paray, Dasht-E-Marg Ho Shaayad

Palatna Chahe Wahaan Se To Raastaa Hi Na Ho

Main Is Khyaal Se Jaata Nahi Watan Ki Taraf

K Mujh Ko Dekh Ke Us But Ka Ji Buraa Hi Na Ho

Kati Hai Jis Ke Khyaalon Mein Apni Umr ‘Munir’

Mazaa To Jab Hai K Us Shokh Ko Pataa Hi Na Ho

(Munir Neyazi)

 

 

 

 

 

 

 

 

 

Yeh Samundar Hai!  Kinaare Hi Kinaare Jaao

Ishq Har Shakhs Ke Bas Ka Nahi Pyaare Jaao

Yun To Maqtal Mein Tamashaayi Bahut Aate Hain

Aaao Us Waqt, K Jis Waqt  Pukaare Jaao

Dil Ki Baazi Lage Phir Jaan Ki Bazi Lag Jaye

Ishq Mein Haar Ke Abitho Nahi, Haare Jaao

Kaam Ban Jaye Agar Zulf Junun Ban Jaaye

Is Liye Us Ko Sanvaaro K Sanvare Jaao

Koi Rastaa Koi Manzil Use Dushwaar Nahi

Jis Jagah Jaao Muhabbat Ke Sahaare Jaao

Hum To Mitti Se Ugaayenge Muhabbat Ke Gulab

Tum Agar Torne Jaate Ho Sitaare, Jaao

Doobna Hoga Agar Doobna Taqdeer Mein Hai

Chaahe Kashti Pe Raho Chaahe Kinare Jaao

Tum Hi Socho Bhal Yeh Shouq Koi Shouq Hua

Aaj Oonchayi Pe Baitho Kal Utaare Jaao

Maut Se Khel Ke Karte Ho Muhabbat ‘Ajiz’

Mujh Ko Dar Hai Kahin Be-Maut Na Maare Jaao

(By Kalim Ajiz)

 

Bazaahir Log Kitne Mehrbaan The !

Magar Dukh Bantne Wale Kahaan The

Labon Per Muskurahat Ki Dhanak Thi

Lahoo Lathre Sukhan Zer E Zuban The

Jo Manzil Aashna The Wo Musafir !!

Pus E Khak E Ghubaar E Karvaan The

Mai Aise Shahr Ka Baasi Bana Hoon

Makin Patther The, Shishe K Makan The

Jala Jab Aashyaan To Hum Ne Jana

K Tinke Bhi Hawa Ke Raazdaan The

Kisi Ne Haal Tak Puchha Na ‘Mohsin’

Hum Ahl E Dil Bhi Kitne Rayegaan The

By: Mohsin Naqvi

Abhi To Aap Hi Haayil Hai Raasta Shab Ka
Qareeb Aaye To Dekhenge Hausla Shab Ka

Chali To Aayi Thi Kuch Door Saath Saath Mere
Phir Uske Baad – Khuda Jaane Kya Hua Shab Ka

Mere Khayaal K Wahshat Kade Mein Aate Hii
Junoon Ki Nonk Se Phoota Hai Aabla Shab Ka

Sahar Ki Pahli Kiran Ne Use Bikher Diya
Mujhe Sametne Aaya Tha Jab Khuda Shab Ka

Zameein Pe Aake Sitaaron Ne Ye Kaha Mujhse
Tere Qareeb Se Guzrega Qaafila Shab Ka

Sahar Ka Lams Meri Zindagi Badha Deta
Magar Giraan Tha Bahut Mujhpe Kaatna Shab Ka

By: Abhishek Shukla

Abhi To Aap Hi Haayil Hai Raasta Shab Ka
Qareeb Aaye To Dekhenge Hausla Shab Ka

Chali To Aayi Thi Kuch Door Saath Saath Mere
Phir Uske Baad – Khuda Jaane Kya Hua Shab Ka

Mere Khayaal K Wahshat Kade Mein Aate Hii
Junoon Ki Nonk Se Phoota Hai Aabla Shab Ka

Sahar Ki Pahli Kiran Ne Use Bikher Diya
Mujhe Sametne Aaya Tha Jab Khuda Shab Ka

Zameein Pe Aake Sitaaron Ne Ye Kaha Mujhse
Tere Qareeb Se Guzrega Qaafila Shab Ka

Sahar Ka Lams Meri Zindagi Badha Deta
Magar Giraan Tha Bahut Mujhpe Kaatna Shab Ka

By: Abhishek Shukla

 

 

 

 

 

 

 

 

 

 

 

 

Ye Rang Ye Raushni Yahin Hai

Aage Koi Sehar Nahin Hai

Lagte Hain Ye Pair Dekhe Bhale

Shayad Wo Gali Yahin Kahin Hai

Ya Ek Fareb Hai Muhabbat

Ya Mere Naseeb Men Nahin Hai

Hai Roop Magar Kisi Kisi Per

Hai Dhoop Magar Kahain Kahin Hai

Saayaa Hi Nahi Raha Hai ‘Mushtaq’

Deewaar To Aaj Bhi Wahin Hai

By : Ahmad Mushtaq

 

 

 

 

 

 

 

 

 

 

Itne Bhi To Woh Khafaa Nahi The

Jaise Kabhi Aashnaa Nahi The

Maanaa K Beham Kahaan The Aise

Per Yun Bhi Judaa Judaa Nahi The

Thi Jitni Bisaat! Ki Parastish!

Tum Bhi To Koi Khudaa Nahi The

Had Hoti Hai Tanz Ki Bhi Aakhir

Hum Tere Nahi The, Jaa Nahi The

Kis Kis Se Nibaahte Rafaaqat

Hum Log K Bewafaa Nahi The

Rukhsat Hua Woh To Maine Dekha

Phool Utne Bhi Khush-Numaa Nahi The

The Yun To Hum Uski Anjuman Mein

Koi Hamein Dekhtaa, Nahi The

Jab Usko Tha Maan Khud Pe Kya Kya!

Tab Hum Bhi ‘Faraz’ Kya Nahi The

(Ahmad Faraz)

Buzurg E Waqt, Kisi Shai Ko La-Zawaal Bhi Kar

Tu Kaisa Sho’badaa-Gar Hai, Koi Kamal Bhi Kar

Darakht Hoon, To Kabhi Baith  Mere Saaye Mein

Main Sabzaa Hun, To Kabhi Mujhko Payemaal Bhi Kar

Yeh Tamkanat Kahin Pat_Thar Bana Na De Mujhko

Tu Aadmi Hai, Khushi Bhi Dikha , Malaal  Bhi Kar

Main Chahta Hoon K Ab Jo Bhi Ji Mein Aaye Karun

Tujhe Bhi Meri Ijaazat Hai, Jo Khayaal Bhi Kar

Pighal Rahi Hain Is Aashob E Waqt Men Sadiyaan

Wo Kah Raha Hai K Tu Fikr E Maah O Saal Bhi Kar

(Irfan Siddiqui)

 

 

 

 

 

 

 

 

 

 

 

Khabar E Tahayyur E Ishq Sun, Na Junoon Rahaa, Na Parii Rahii

Na To Tuu Rahaa, Na To Main Rahaa, Jo Rahii So Bekhabarii Rahii

Shah E Bekhudii Ne Ataa Kiyaa Mujhe Ab Libaas E Barahnagii

Na Khirad Kii Bakhiyaagari Rahii, Na Junoon Kii Pardadarii Rahii

Chali Simt E Ghaib Se Kya Hava K Chaman Zahoor Kaa Jal Gaya

Magar Ek Shaakh E Nihaal E Gham Jise Dil Kaho So Harii Rahii

Voh Ajab Ghari Thi Main Jis Ghari Liya Dars Nuskha E Ishq Ka

K Kitaab Aql Kii Taaq Men Joon Dharii Thii Tyuun Dharii Rahii

Nazr E Taghaaful E Yaar Kaa Gila Kis Zubaan Se Bayaan Karun

K Sharab E Sad Qadah E Aarzu Khum E Dil Men Thi So Bhari Rahii

Tere Josh E Hairat E Husn Ka Asar Is Qadar Se Yahan Hua

K Na Aayiine Men Rahii Jilaa, Na Parii Ko Jalvagarii Rahii

Kiyaa Khaak Aatish E Ishq Ne Dil E Benavaa E Siraj Ko

Na Khatar Raha, Na Hazar Raha, Magar Ek Bekhatarii Rahii

(Siraj Aurangabadi)

Yun Hausla Dil Ne Haaraa Kab Tha
Sartaan  Mera Sitaaraa Kab Tha

Laazim Tha Guzarna Zindagi Se
Bin Zehr Piye Guzaaraa Kab Tha

Kuchh Pal Use Aur Dekh Sakte
Ashkon Ko Magar Gawaaraa Kab Tha

Hum Khud Bhi Judaayi Ka Sabab The
Uska Hi Qusoor Saaraa Kab Tha

Ab Aur Ke Saath Hai To Kya Dukh
Pahle Bhi Koi Hamaaraa Kab Tha

Ek Naam Par Zakhm Khil Uthe The
Qaatil Ki Taraf Ishaaraa Kab Tha

Aaye Ho To Raushni Hui Hai!!
Is Baam Par Koi Taaraa Kab Tha

Dekha Hua Ghar Tha Par Kisi Ne
Dulhan Ki Tarah Sanwaaraa Kab Tha

(From Khud  Kalaami By Parvin Shakir)

Tum Haqiqat Nahi Ho Hasrat Ho  
Jo Mile Khaab Men Wo Daulat Ho

Main Tumhare Hi Dam Se Zinda Hun 
Mar Hi Jaun Jo Tum Se Fursat Ho

Tum Ho Khushbu K Khab Ki Khushbu 
Aur Utni Hi, Be – Murawwat Ho

Tum Ho Pahlu Men Par Qaraar Nahi  
Yaani Aisa Hai Jaise Furqat Ho

Tum Ho Angrayii Rang O Nikhat Ki 
Kaise Angrayi Se Shikaayat Ho

Kis Tarah Chor Dun Tumhein Janan 
Tum Meri Zindagi Ki Aadat Ho

Kis Liye Dekhti Ho Aayeena  
Tum To Khud Se Bhi Khubsurat Ho

Daastaan Khatm Hone Wali Hai  
Tum Meri Aakhri Muhabbat Ho

(Jaun Alia)

Chupke Chupke Raat Din Aansu Bahaana Yaad Hai 
Hum Ko Abtak Aashiqi Ka Wo Zamaana Yaad Hai

Ba-Hazaraan Izteraab O Sad Hazaaraan Ishtiyaaq 
Tujh Se Wo Pahle Pehal, Dil Ka Lagaana Yaad Hai

Baar Baar Uthna Usi Janib Nigaah E Shouq Ka 
Aur Tera Ghurphe Se Wo, Aankhen Laraana Yaad Hai

Tujh Se Kuch Milte Hi Wo Bebaak Ho Jana Mera  
Aur Tera Danton Men Wo Ungli Dabaana Yaad Hai

Khainch Lena Wo Mera Parde Ka Kona Daf’a-Atan 
Aur Dupatte Se Tera Wo Munh Chupaana Yaad Hai

Jaan Kar Sota Tujhe Woh Qasd E Pa-Bosi Mera 
Aur Tera Thukra K Sar, Wo Muskuraana Yaad Hai

Tujhko Jab Tanha Kabhi Pana To Az-Raah-E-Lehaaz 
Haal E Dil Batoon Hi Batoon Men Jataana Yaad Hai

Ghair Ki Nazron Se Bach Kar, Sab Ki Marzi K Khilaaf 
Wo Tera Chori Chhupe Raton Ko Aanaa Yaad Hai

Aa Gaya Gar Wasl Ki Shab Bhi Kahin Zikr E Firaaq 
Woh Tera Ro Ro K Mujhko Bhi Rulaana Yaad Hai

Do-Pahar Ki Dhoop Men Mere Bulane Ke Liye  
Woh Tera Kothe Pe Nange Paon Aana Yaad Hai

Aaj Tak Nazron Men Hai Wo Sohbat E Raz O Neyaz 
Apna Jaana Yaad Hai, Tera Bulaana Yaad Hai

Mithi Mithi Cher Kar Baaten Niraali Pyaar Ki 
Zikr Dushman Ka Wo Baton Men Uraana Yaad Hai

Dekhna Mujhko Jo Barghushta To Sau Sau Naaz Se 
Jab Mana Lena To Phir, Kud Rooth Jaana Yaad Hai

Chori Chori Hum Se Tum Aa Kar Mile The Jis Jagah 
Muddatein Guzrin Par Ab Tak Wo Thikaana Yaad Hai

Shauq Men Menhdi K Wo Be-Dast-O-Pa Hona Tera  
Aur Mera Wo Chherna, Wo Gudgudana Yaad Hai

Ba-Wajood E Iddaaye Itteqa ‘Hasrat’ Mujhe 
Aaj Tak Ahd E Hawas Ka Wo Fasaana Yaad Hai

By : Hasrat Mohani (From His Book “Aansoo Bahaanaa Yaad Hai”)

 

 

 

 

 

 

 

 

 

 

 

 

 

 

 

 

Baqadr E Paimaana E Takhaiyyul, Suroor Her Dil Mein Hai Khudi Ka

Agar Na Ho Ye Farayb E Paiham,  To Dam Nikal  Jaye Aadmi Ka

Bas Ek   Ehsaas  E Naa-Rasaii, Na Josh Us Mein Na Hosh Usko

Junun Pe Haalat Raboodgii Ki, Khirad Pe Aalam Ghunoodgi Ka

Hai Rooh Tarikiyon Mein Hairan, Bhujha Hua Hai Chiragh E Manzil

Kahin Sar E Raah Yeh Musaafir Patak Na De Bojh Zindagi Ka

Khuda Ki Rahmat Mein Bhool Baithun Yahi Na Manii Hai Iske Waez

Wo  Abr Ka Muntazir Khara Ho, Makaan Jalta Hai Jab Kisi Ka

Wo Lakh Jhukwa Le Sar Ko Mere, Magar Ye Dil Ab Nahi Jhuke Ga

K Kibreyaii Se Bhi Zeyada ,Mizaaj Naazuk Hai Bandagii Ka

‘Jamil’ Hairat Mein Hai Zamaana , Mere Taghazzul Ki Muflisi Per

Na Jazba E  ‘Ijtiba E Rizvi’, Na  Kaif  ‘Perwez Shahidi’ Ka

Syed Kazim Ali ‘Jamil Mazhari‘

Kahin Khayaam Lagen Qarya E Wisaal Bhi Aaye

Shab E Safar Men Koi Sa’at E Zawaal Bhi Aaye

Kisi Ufaq  Pe To Ho Ittesaal E Zulmat O Noor

K Hum Kharaab Bhi Hon, Aur Vo Khush Khesaal Bhi Aaye

Sukhan Mein Kab Se Hai Raushan! Ye Kya Zaruri Hai

K Woh Sitaara Sar E Matla’ E Misaal Bhi Aaye

Suna Hai Sair Ko Nikli Hui Hai Mauj E Nishaat

Ajab Nahi Hai Taraf E Kucha E Malaal Bhi Bhi Aaye

Hamen ‘Atiyya E Tark E Talab Qubool Na Tha

So Hum To Uski Inayat Pe Khaak Daal Bhi Aaye

By :Irfan Siddiqi

Hum Ko Junun Kya Sikhlate Ho Ham The Pareshaan Tum Se Zeyaada

Chaak Kiye Hain Hamne Azizon Chaar Garebaan Tum Se Zeyaada

Chaak-E-Jigar Muhtaaj-E-Rafoo Hai Aaj To Daaman Sirf Lahoo Hai

Ek Mausam Tha Ham Ko Raha Hai Shauq-E-Baharaan Tum Se Zeyada

Jaao Tum Apani Baam Ki Khaatir Saari Lawen Sham’on Ki Katar Lo

Zakhmon K Mehr-O-Mah Slamat Jashn-E-Chiraghan Tum Se Zeyada

Ham Bhi Hameshaa Qatl Hue Aur Tum Ne Bhi Dekhaa Door Se Lekin

Ye Na Samjhe Hamko Huaa Hai Jaan Ka Nuqsaan Tum Se Zeyaada

Zanjir-O-Diwaar Hi Dekhi Tumne To ‘Majrooh’ Magar Ham

Koocha-Koocha Dekh Rahe Hain Aalam-E-Zandaan Tum Se Zeyaada

(By : Majrooh Sultanpuri)

Sunehraa Hii Sunehraa Waada-E-Farda Rahaa Hoga
Qayaas-Aaraayi Kaa Besaakhtaa   Lamha  Raha Hoga

Samandar Mein Chunay Moti, Na Taaron Ka Jahaan Dekha
Zaroor  Iskool   Mein  Takh’eel  Par  Pehra Raha Hoga

Kahaa Thha Jisne Tumse “Haan Main Tum Se Pyaar Karta Hun”
Mere Andar Chhupaa   Ek  Bedhadak  Ladka  Raha Hoga.

Main  Ab  Bhi Darte Darte Apne Haq Kii Baat Karta Hoon
Merii  Taaleem  Mein  Dar  Ka   Bara  Hissaa  Raha  Hoga

Tumhaari Bazm Se Ghussay Mein  Uth  Ke  Aa Gaya Thha Main
Na Jaane Baad Mein  Kis   Qism   Ka   Charchaa  Raha Hoga

Gaya  Hai  Chhor   Kar   Mehfil  Ko  Itnee  Bedilee  Se Vo
Ki   Baahar  Bheed  Mein Bhi  Waaqaaee Tanhaa Raha Hoga

Voh Jisne  Mujh Ko Registaan  Mein  Paani  Pilaaya Thha
Muje Lagtaa Hai  Khud  Voh  Mehrbaan Pyasaa Raha Hoga

By:  Subodhlal(Subodh“Saaqi”)

 

 

 

 

 

 

 

Kisi Ko De Ke Dil  Koi Nawaa-Sanj-E-Fughaan Kyun Ho?? ??
Na Ho Jab Dil Hi Sine Mein To Phir Munh Main Zubaan Kyun Ho

Wafaa Kaisi? Kahan Ka Ishq? Jab Sar Phorna Thehra
To Phir Ae Sangdil Tera Hi Sang-E-Aastaan Kyun Ho?

Yehi Hai Aazmaanaa To Satana Kis Ko Kehte Hain?
Adu Ke Ho Lye Jab Tum To Mera Imtihaan Kyun Ho?

Ye Keh Sakte Ho “Hum Dil Main Nahin Hain?” Par Ye Batlao!
K Jab Dil Mein Tum Hi Tum Ho To Aankhon Se Nihaan Kyun Ho?

Qafas Mein Mujh Se Roodad-E-Chaman Kehte Na Dar Humdum
Giri Hai Jis Pe Kal Bijli Woh Mera Aashiyaan Kyun Ho?

Nikala Chahta Hai Kaam Kya Taa’non Se Tu Ghalib?
Tere Be-Mehar Kehne Se Wo Tujh Par Mehrbaan Kyun Ho?

(Mirza Ghalib)

 

 

 

 

Tumhaarii Anjuman Se Uth Ke Diivaane Kahaan Jaate

Jo Vaabastaa Hue Tum Se Voh Afsaane Kahaan Jaate

Nikal Kar Dair-O-Kaa’ba Se Agar Milta Na Maikhaana

To Thukraaye Hue Insaan Khudaa Jaane Kahaan Jaate

Tumhaari Be-Rukhii Ne Laaj Rakh Lii Baada-Khaane Kii

Tum Aankhon Se Pilaa Dete To Paimaane Kahaan Jaate

Chalo Achchhaa Huaa Kaam Aa Gaiyi Diivaangi Apnii

Vagar Na Ham Zamaane Bhar Ko Samjhaane Kahaan Jaate

‘Qateel’ Apnaa Muqaddar Gham Se Be-Gaanaa Agar Hota

To Phir Apne Paraaye Ham Se Pahchaane Kahaan Jaate

(By:Qateel Shifai)

Bahut Roya Woh Hum Ko Yaad Kar Ke

Hamaari Zindagii  Barbaad Kar Ke

Palat Kar Phir Yahin Aajayenge Hum

Woh Dekhe To Hamain Aazaad Karke

Rihaayii Ki Koi Soorat Nahii Hai

Magar Haan! Minnat E Saiyaad Kar Ke

Badan Mera Chhuaa Tha Usne Lekin

Gaya Hai Rooh Ko Aabaad Kar Ke

Har Aamir Tool Dena Chaahta Hai

Muqarrar Zulm Ki Mee’aad Kar Ke

(Parveen Shakir)

Naam Hi Kya Nishan Hi Kya Khaab O Khyaal Ho Gaye
Teri Misaal De Ke Hum Teri Misaal Ho Gaye

Saya E Zaat Say Bhi Rum, Aks E Sifaat Se Bhi Rum
Dasht E Ghazal Main Aa Ke Dekh Hum To Ghazaal Ho Gaye

Kitne Hi Nashsha-Ha-E-Zouq, Kitne Hi Jazba-Ha-E-Shouq
Rasm E Tapaak E Yaar Se Ru Ba Zawaal Ho Gaye

Ishq Hai Apna Paidaar, Us Ki Wafa Hai Ustawaar
Hum To Halaak E Warzish E Farz E Mahaal Ho Gaye

Kaise Zameen Parast The Ahd E Wafa Ke Paasdaar
Ur Kar Bulandyun Mein Hum, Gard E Malaal Ho Gaye

Qurb E Jamaal Aur Hum, Aish E Wisaal Aur Hum ?
Haan Ye Hua K Sakin E Shahr E Jamaal Ho Gaye

Jadaa E Shouq Main Para Qahat E Ghubar E Karwan
Waan Ke Shajar To Sar Ba Sar Dast E Sawaal Ho Gaye

Kaun Sa Qafila Hai Yeh Jis Ke Jaras Ka Hai Yeh Shor
Main To Nidhal Hogaya Hum To Nidhal Hogaye

Khaar Ba Khaar Gul Ba Gul, Fasl E Bahaar Aa Gayi
Fasl E Bahaar Aa Gayi , Zakhum Bahaal Ho Gaye

Shor Utha Magar Tujhy Lazat E Gosh To Milii
Khoon Bahaa Magar Teray Hath To Laal Ho Gaye

Hum Nafasaan E Waz’a-Daar, Mustam’aaan E Burd Baar
Hum To Tumharay Waastay Ek Wabaal Ho Gaye

‘Joan’ Karoge Kab Talak Apna Misalia Talash
Ab Kayi Hijr Hogaye, Ab Kayi Saal Hogaye

(Joan Alia)

Phir Usi Raah Guzar Par Shayad

Hum Kabhi Mil Sakein Magar, Shayad

Jinke Hum Muntazar Rahe Unko

Mil Gaye Aur Humsafar Shayad

Jaan Pahchaan Se Bhi Kya Hoga

Phir Bhi Ae Dost, Ghaur Kar Shayad

Ajnabeeyat Ki Dhund Chhat Jaye

Chamak Utthe Teri Nazar Shayad

Zindagi Bhar Lahu Rulaayegi

Yaad-E-Yaaran-E-Bekhabar Shayad

Jo Bhi Bichhre Wo Kab Mile Hain ‘Faraz’

Phir Bhi Tu Intezaar Kar Shayad..!!!

(Ahmad Faraz)

Faseel E Jism Gira De Makaan E Jaan Se Nikal

Ye Intshaar Zada Shahr Hai..Yahaan Se Nikal

Teri Talaash Mein Phirte Hain Aaftaab Kayi

So Ab Ye Farz Hai Tujh Par Ki Saaybaan Se Nikal

Tamaam Shahr Par Ik Khaamushi Musallat Hai

Ab Aisa Kar K Kisi Din Meri Zabaan Se Nikal

Maqaam E Vasl To Arz O Samaa Ke Beech Mein Hai

Main Is Zameen Se Nikloon..Tu Aasmaan Se Nikal

Main Apni Zaat Mein Taareekiyaan Samete Hoon

Tu Ik Charaagh Jala..Aur Ab Yahaan Se Nikal

Kaha Tha Mujhse Bhi Ik Din Hawaa E Sahra Ne

Meri Panaah Mein Aa Ja..Ghbaar E Jaan Se Nikal

Safar Khud Apne Musafir Ka Dhyaan Rakhta Hai

Bas Apni Khaak Utha..Aur  Is Makaan Se Nikal

(By : Abhishek Shukla)

Main Umr Ke Rastay Mein Chup-Chap Bikhar Jata

Ek Din Bhi Agar Apni Tanhai Se Dar Jata

Main Tark E Ta’alluq Pe Zinda Hun So Mujrim Hun

Kash Uske Liye Jeeta!! Apne Liye Mar Jata

Kal Saamne Manzil Thi Peechhe Meri Aawazien

Chalta To Bichhar Jata, Rukta To Safar Jata

Main Shehr Ki Rounaq Mein Gum Ho Ke Bahut Khush Tha

Ek Shaam Bacha Leta, Ek Roz To Ghar Jata

Uss Jaan E Takkallum Ko Tum Mujhse To Milwatay

Tas_Kheer Na Kar Pata, Hairaan To Kar Jata

(Azm Behzad)

Phool Saare Teri Khush Rang Nazar Ke Liye Hain

Zakhm Jitne Bhi Hain Sab Mere Jigar Ke Liye Hain

Jane Kis Kaam Ke Hain, Kya Hai  Hamaara Masraf??

Hum Kisi Ghar Ke Liye Hain Na Safar Ke Liye Hain

Kitne Aalaam O Masaayeb Ke Hain Mahvar Hum Log

Kashtiyan Jo Bhi Hain Apni Woh Bhanvar Ke Liye Hain

Meri Tanhaayi Ke Mo’nis Hain! Mere Gham Ke Rafeeq!

Saare Aansoo, Jo Mere Deeda E Tar Ke Liye Hain

Apni Taqdeer Mein Kuchh Bhi Nahi Patjhar Ke Siwa

Yeh Bahaarein To Faqat Aek Shajar Ke Liye Hain

Mujh Se Kahne Lagii Yeh Raat, K ‘Tariq’ Saheb

Aap Jaage Hue Kis Khaab E Sehar Ke Liye Hain?

(By Tariq Matin)

Khaab Mein Soyaa Thha Main, Kissne Jagaaya Mujhko?
Kisski  Aawaaz  Ne   Andar   Se   Bulaaya   Mujhko?

Kaun  Hoon   Main?  Ye Kisi  Ne  Na Bataaya Mujhko
Aaj Tak Mujh Se Kisi   Ne   Na   Milaaya   Mujhko

Man  Ke  Kuchh  Aur  Taqaaze  Hain, Mere Tan Ke  Aur 
Mujh  Se Milne Naheen  Deti,   Meri   Kaayaa  Mujhko

Raat  Ho, Dinn  Ho, Azakhaana  Ho,   Maikhaana  Ho
Chhortaa Hee  Naheen  Tanhaayi   Ka  Saayaa  Mujhko

Lafz Harr Tol  Ke  Bolo, Kahaa  Karte  Thhe  Buzurg
Ye  Saleeqaa  Magar  Ab  Tak  Naheen  Aayaa  Mujhko

Raat   Ke   Dariyaa  Ke  Uss Paar  Suhaana  Dinn  Hai
Thhapkiyaan   Deke  Shab-E-Gham Ne Sulaayaa Mujhko

Ab To   Aakaash  Hee Aakaash  Hai Aur  Meri  Uraan  
Vehm   Ke  Saayon   Ne   Go   Laakh Daraaya   Mujhko

Written By : Subodh Lal (Subodh “Saaqi”)

Har Ek Baat Pe Kehte Ho Tum K ‘Too Kya Hai’ ?
Tumheen Kaho K Yeh Andaaz-E-Guftgoo Kya Hai ?

Na Sho’le Mein Yeh Karishma Na Barq Mein Ye Ada
Koee Bataao K Woh Shokh-E-Tund_Khoo Kya Hai ?

Yeh Rashk Hai Ki Wo Hota Hai Ham_Sukhan Tumse
Wagarna Khauf-E-Bad_Aamozi-E-Adoo Kya Hai ?

Chipak Raha Hai Badan Par Lahoo Se Pairaahan
Hamaaree Jeb Ko Ab Haajat-E-Rafoo Kya Hai ?

Jalaa Hai Jism Jahaan Dil Bhee Jal Gaya Hoga
Kuredate Ho Jo Ab Raakh, Justjoo Kya Hai ?

Ragon Mein Daurte Phirne Ke Ham Naheen Qaayal
Jab Aankh Hi Se Na Tapka To Phir Lahoo Kya Hai ?

Woh Cheez Jiske Liye Hamko Ho Bahisht Azeez
Siwaay Baada-E-Gul_Faam-E-Mushkaboo Kya Hai ?

Piyoon Sharaab Agar Khum Bhee Dekh Loon Do Chaar
Yeh Sheesha-O-Qadah-O-Kooza-O-Suboo Kya Hai ?

Rahee Na Taaqat-E-Guftaar, Aur Agar Ho Bhee
To Kis Ummeed Pe Kahiye Ke Aarzoo Kya Hai ?

Bana Hai Shaah Ka Musaahib, Phire Hai Itraata
Wagarna Shahar Mein ‘Ghalib’ Kee Aabroo Kya Hai ?

(By: Mirza Ghalib)

Dil Hijr Ke Dard Se Bojhal Hai, Ab Aaan Milo To Behtar Ho

Is Baat Se Humko Kya Matlab, Yeh Kaise Ho Yeh Kyun Kar Ho

Ik Bheek Ke Donon Kaasay Hain, Ik Pyaas Ke Donon Pyase Hain

Hum Khaitee Hain, Tum Badal Ho,Hum Nadiya Hain,Tum Saagar Ho

Hum Sanjh Samay Ki Chhaya Hain, Tum Charhti Raat Ke Chandarmaan

Hum Aate Hain, Tum Jate Ho, Phir Mel Ki Soorat Kyun Kar Ho

Ab Husn Ka Rutbaa Aali Hai, Ab Husn Se Sehra Khali Hai

Chal Basti Mein Banjara Ban, Chal Nagri Me Saudaagar Ho

Jis Cheez Se Tujhko Nisbat Hai,Jis Cheez Se Tujh Ko Chahat Hai

Wo Sona Hai,Wo Heera Hai, Wo Maati Ho Ya Kunkar Ho

Wo Raatein Chand Ke Saath Gain, Wo Baatein Chand Ke Sath Gain

Us Sukh K Sapne Dekhein Kyun, Jab Dukh Ka Sooraj Sar Par Ho

Ab ‘Insha Ji’ Ko Bulana Kya, Ab Pyaar Ke Deep Jalana Kya??

Jab Dhoop Aur Chhaaya Aik Se Hon, Jab Din Or Raat Barabar Ho!!

(By: Insha Ji)

Raushan Kaheen Bahaar Ke Imkaan Hue To Hain
Gulshan Mein Chaak Chand Garebaan Hue To Hain

Ab Bhi Khizaan Ka Raaj Hai Lekin Kaheen Kaheen,
Gosh E Rah E Chaman Mein Ghazal-Khaan Hue To Hain

Thahri Huii Hai Shab Ki Siyaahi Vaheen Magar
Kuchh Kuchh Sahar Ke Rang Purafshaan Hue To Hain

In Mein Lahu Jalaa Ho Hamara K Jaan O Dil
Mehfil Mein Kuch Chiraagh Farozaan Hue To Hain

Haan Kaj Karo Kulaah K Sab Kuch Luta Ke Hum
Ab Be-Niyaaz E Gardish E Dauraan Hue To Hain

Ahl E Qafas Ki Subah E Chaman Mein Khulegi Aankh
Baad E Sabaa Se Vada O Paimaan Hue To Hain

Hai Dasht Ab Bhi Dasht Magar, Khoon E Pa Se ‘Faiz’
Sairaab Chand Khaar E Mugelaan Hue To Hain

(Faiz)

Gham Kaa Vo Zor Ab Mere Andar Nahi Rahaa
Is Umr Mein, Main Itana Samar_Var Nahi Rahaa

Is Ghar Mein Jo Kashish Thi Gayi Un Dinon Ke Sath
Is Ghar Kaa Saayaa Ab Mere Sar Par Nahi Rahaa

Vo Husn-E-Naubahaar, Abad Shauq Jism Sun
Rahna Tha Us Ko Saath Mere, Par Nahi Rahaa

Mujh Mein Hi Kuchh Kami Thi K Behtar Main Un Se Tha
Main Shahar Mein Kisii Ke Baraabar Nahi Rahaa

Rahbar Ko Un Ke Haal Ki Ho Kis Tarah Khabar
Logon Ke Daramiyaan Vo Aakar Nahi Rahaa

Waapas Na Jaa Vahaan K Tere Shahar Mein ‘Munir’
Jo Jis Jagah Pe Tha Vo Vahaan Par Nahi Rahaa

(By : Munir Neyazi)

Sab Qareenay, Usi Dildaar Ke, Rakh Dete Hain

Hum Ghazal Men Bhi Hunar Yaar Ke Rakh Dete Hain

Shayad Ajayen Kabhi Chashm E Khariidar Men Hum

Jan O Dil Biich Mein Bazaar Ke Rakh Dete Hain

Zikr E Janan Mein Yeh Duniya Ko Kahan Le Aaye

Log Kyun Mas’alay Bekaar Ke Rakh Dete Hain

Zindagii Teri Amaanat Hai Magar Kya Kijiye

Log Yeh Bojh Bhi Thak Haar Ke Rakh Dete Hain

Hum To Chahat Men Bhi Ghalib Ke Muqallid Hain ‘Faraz’
Jis Pe Marte Hain Use Maar Ke Rakh Dete Hain

(Ahmad Faraz)

De Uthi Lau Jo Tere Saath Guzaari Hui Shaam
Hujra E Jaan Ki Har Ik Cheez Pe Taari Hui Shaam

Umr Bhar Dhoop Lapete Rahe Apne Tan Se
Ham Se Pahni Na Gayi Uski Utaari Hui Shaam

Pahle To Mujhse Meri Zaat Ka Matlab Poochha
Aur Phir Apne Hi Ehsaas Se ‘Aari Hui Shaam

Ae Junoon Pooch Isi Lamha E Maujood Se Poochh
Lams Ye Kiska Uthaaya Hai K Bhaari Hui Shaam

Do Hi Kirdar Numaayaan Hain Kahaani Mein Meri
Bekaraan Dasht Hua Main To Shikaari Hui Shaam

Is Taraf Dasht E Badan Mein Koi Sooraj Dooba
Us Taraf Seena E Aflaak Se Jaari Hui Shaam

Main Nasein Kaat Ke Sooraj Mein Utar Hi Jaata
Par Khayaal Aaya Tera Hijr Ki Maari Hui Shaam

Kya Faqat Hamse Sawaalaat Kiye Jaayenge??
Kya Faqat Hamse Mukhatib Hai Ye Haari Hui Shaam?

Ham Ne Har Shai Mein Utarte Hue Dekha Khud Ko
Yaad Aayi Jo Tere Qurb Pe Waari Hui Shaam

By: Abhishek Shukla

Kaleja Thaam Lo Roodad E Gham Ham Ko Sunaane Do
Tumhein Duk_Kha Hua Dil Ham Dikhate Hain Dikhane Do

Usi Ke Dam Se Thori Raushni Hai Khaana E Dil Mein
Bujhaate Kyun Ho Sham- E Aarzoo Ko Jhilmilane Do

Usi Se Tum Kisii Kii Zulf Ki Roodaad Sun Lena
Udhar Dekho Wo Deewaana Chala Aata Hai Aane Do

Suna Hai Ishq Ka Me’raaj Pinhan Hai Shahadat Me
Chhuri Laao Mujhe Bhi Apni Qismat Aazmaane Do

Na Dagh Aayega Apne Daman E Husn E Tabiy’at Per
Wafaa Per Mere Jo Tohmat Lagate Hain Lagane Do

Zamana Sabr Kar Leta Hai ‘Ajiz’ Ham Bhi Kar Lenge
Khalish Dil Ki Mita Lene Ke Do Aansoo Bahane Do

(Kalim Ajiz)

Na Hamsukhan Se, Na Main Hamzabaan Se Poochhoonga

Main Apnay Ghar Ka Pataa Laamakaan  Se Poochhoonga

“Bataao  Ishq   Ke   Kya   Aur   Imtihaan    Hain    Abhi?”

Main  Raaste  Kee Harik  Kahkashaan   Se  Poochhoonga

Tamaam    Lutf-E-Sama’at     Ke    Jaadooee   Pehloo –

Khamoshiyon   Mein  Kissee  Bezubaan Se Poochhoonga

Naee   Talaash    Naye   Raaston   Ke   Baaray    Mein

Kissee    Bhatakte   Hue    Kaarvaan   Se   Poochhoonga

Vohee    Sawaal   Mere  Bachche  Mujh  Se Poochheinge

Jo Main’ne Socha  Thhaa  Abba Miyaan Se Poochhoonga

By : Subodh Lal (Subodh “Saaqi”)

 

 

 

 

 

 

 

 

 

Zindagi Bhar Wafaa Hamin Se Huii
Sach Hai Yaro Khataa Hamin Se Huii

Dil Ne Har Daagh Ko Rakha Mehfooz
Ye Zameen Khushnuma Hamin Se Huii

Ham Se Pehle Zameen E Shehr E Wafa
Khaak Thi, Keemiyaa Hamin Se Huii

Kaun Uthata Shab E Firaaq Ke Naaz
Yeh Bala Aashnaa Hamin Se Huii

Be-Gharaz Kaun Dil Ganwaata Hai
Teri Qeemat Adaa Hamin Se Huii

Sitam E Naarawa Tujhi Se Hua
Tere Haq Mein Dua Hamin Se Huii

Sa’yi – Tajdeed E Dosti ‘Nasir’
Aaj Kya, Baarha Hamin Se Huii

(Nasir Kazmi)

Tu Hai Gar Mujh Se Khafa Khud Se Khafaa Hun Main Bhii
Mujh Ko Pahchaan K Teri Hi Adaa Hun Main Bhii

Aek Tujh Se Hi Nahin Fasl E Tamannaa Shaadaab 
Vohi Mausam Hun Vohii Aab O Havaa Hun Main Bhii

Sabt Hun Dast E Khamoshii Pe Hinaa Kii Suurat 
Naashunidaa Hi Sahii Teraa Kahaa Hun Main Bhii

Chaand Ban Kar Tere Aangan Men Utar Hii Jaaun 
Raat Ke Pichhale Pahar Maang Duaa Hun Main Bhii

Yuun Na Murjhaa K Mujhe Khud Pe Bharosaa Na Rahe 
Pichhle Mausam Men Tere Saath Khilaa Hun Main Bhii

Jaane Kis Raah Chalun, Kaun Se Rukh Mur Jaaun 
Mujh Se Mat Mil K Zamaane Ki Havaa Hun Main Bhii

Wahshatein Barhti Gayin Hijr Ke Aazaar Ke Saath
Ab To Hum Baat Bhi Karte Nahi Ghamkhaar Ke Saath

Hum Ne Ek Umr Basar Ki Hai Gham E Yaar Ke Saath
‘Meer’ Do Din Na Jiye Hijr Ke Aazaar Ke Saath

Ab To Hum Ghar Se Nikalte Hain To Hans Dete Hain
Taaq Par Izzat E Saadaat Bhi Dastaar Ke Saath

Is Qadar Khauf Hai Ab Shahr Ki Galiyon Me K Log
Chaap Sunte Hain To Lag Jaate Hain Diiwaar Ke Saath

Aek To Khaab Liye Phirte Ho Galiyon Galiyon
Us Pe Takraar Bhi Karte Ho Khareedaar Ke Saath

Shahr Ka Shahr Hi Naaseh Ho To Kya Kijiyega
Warna Hum Rind To Bhir Jate Hain Do Chaar Ke Saath

Hum Ko Us Shahr Mein Taa’miir Ka Sauda Hai Jahaan
Log Me’maar Ko Chun Dete Hain Deewaar Ke Saath

Jo Sharaf Hum Ko Mila Koocha E Jaanaan Se ‘Faraz’
Sooye-Maqtal Bhi Gaye Hain Usi Pindaar Ke Saath

(Ahmad Faraz)

Guftagu Karta Tha, Gaataa Tha, Hansaa Karta Tha
Jism   Meraa  Thaa,  Koyee  Aur   Rahaa  Karta Tha

Aahatein,  Dastakein, Rah Rah Ke Sunaa Karta Tha
Dinn Mein Sau Baar Ye Darwazaa Khulaa Karta Tha

Pahle Voh Mere  Liye Jab Bhee Duaa  Karta Tha
Uski Aawaaz  Mein  Ek  Dard  Huaa  Karta Tha

Jiska Saaya  Mere Hamraah  Chala Khata  Hai
Pahle Voh Khud Mere Hamraah Chalaa Karta Tha

Aasmaan Ab Bhi Vohi, Khaahishein Ab Bhi Hain Vohi
Voh Magar  Par  Kahaan  Jin  Se Main Uraa Karta Tha

Raat Ho, Din Ho, Karee Dhoop Ho Ya Thandi Chhaaon
Har Qadam  Sar  Pe Mere  Saayaa Rahaa  Karta Tha

Khauf Jo  Mujh  Ko  Pareshaan   Kiyaa   Karte  Thay
Un  Ko   Aksar   Nazar-Andaaz   Kiyaa   Kkarta Tha

By: Subodh Lal (Subodh ‘Saaqi’)

Apni Tanhaayii Mere Naam Pe Aabaad Kare

Kaun Hoga Jo Mujhe Us Ki Tarah Yaad Kare

Dil Ajab Shahr K Jis Par Bhi Khula Dar Iska

Woh Musaafir Ise Har Samt Se Barbaad Kare

Apne Qaatil Ki Zahanat Se Preshan Hun Main

Roz Ek Maut Naye Tarz Ki Eejaad Kare

Itnaa Hairaan Ho Meri Be-Talabi Ke Aage

Wa Qafas Mein Koi Dar Khud Mera Saiyyad Kare

Salb E Beenaayii Ke Ahkaam Mile Hain Jo Kabhi

Raushni Chhune Ki Khashish Koi Shabzaad Kare

Soch Rakhna Bhi Jaraayem Mein Hai Shamil Ab To

Wohi Maasoom Hai Har Baat Pe Jo Saad Kare

Jab Lahoo Bol Pare Uske Gawaahon Ke Khilaf

Qaazii-E-Shahr Kuchh Is Baab Mein Irshaad Kare

Uski Mutthi Mein Bahut Roz Raha Mera Wajood

Mere Saahir Se Kaho Ab Mujhe Aazaad Kare

(Parveen Shakir)

Aap Apna Ghubaar The Hum To
Yaad The, Yaadgaar The Hum To

Pardagi! Hum Se Kyun Rakha Parda
Tere Hi Pardaa-Daar The Hum To

Waqt Ki Dhoop Mein Tumhare Liye
Shajar E Saayaa Daar The Hum To

Urte Jaate Hain Dhool Ke Manind
Aandhiyon Par Sawaar The Hum To

Hum Ne Kyun Khud Pe Aetebaar Kiya
Sakht Be-Aetebaar The Hum To

Sharm Hai Apni Baar Baari Ki
Be Sabab Baar Baar The Hum To

Kyun Hamain Kar Diya Gaya Majboor
Khud Hi Be-Ikhtiyaar The Hum To

Tum Ne Kaise Bhulaadiya Hum Ko
Tum Se Hi Musta’aar The Hum To

Khush Na Aaya Hamain Jiye Jaana
Lamhe Lamhe Pe Baar The Hum To

Sah Bhi Lete Hamaare Ta’anon Ko
Jan E Man, Jaan Nisaar The Hum To

Khud Ko Dauraan E Haal Mein Apne
Be Tarah Naa-Gawaar The Hum To

Tum Ne Hum Ko Bhi Kar Diya Barbaad
Naadir E Rozgaar The Hum To

Hum Ko Yaron Ne Yaad Bhi Na Rakha
‘Joan’ Yaaron Ke Yaar The Hum To

(Joan Alia)

Teri Shoreedaa Mizaaji Ke Sabab Tere Nahi
Ae Mere Shahr!  Tere Log Bhi Ab Tere Nahi

Mainne Ek Aur Bhi Mahfil Men Inhen Dekha Hai
Yeh Jo Tere Nazar Aate Hain Ye Sab Tere Nahi

Yeh Ba-Har-Lamhaa Nayi Dhun Pe Thirakte Hue Log
Kaun Jaane K Yeh Kab Tere Hain Kab Tere Nahi

Tera Ehsaan K Jaane Gaye, Pahchaane Gaye
Ab Kisi Aur Ke Kya Honge Yeh Jab Tere Nahi

Dar-Ba-Dar Hoke Bhi Jo Teri Taraf Dekhte The
Woh Tere Khaanumaan Barbaad Bhi Ab Tere Nahi

Ab Gila Kya K Hawaa Hogaye Sab Halqa-Bagosh
Main Na Kahta Tha K Yeh Ahl E Talab Tere Nahi

Ho Na Ho Dil Pe Koi Bojh Hai Bhaai Warnaa
Baat Kahne Ke Yeh Andaaz Yeh Dhab Tere Nahi

(By: Iftekhar Aarif)

Teri  Ummid,       Tera   Intezar   Jab   Se   Hai

Na Shab Ko Din Se Shikayat Na Din Ko Shab Se Hai

Kisi Ka Dard Ho Karte Hain Tere Naam Raqam

Gilaa Hai Jo Bhi Kisi Se, Tere Sabab Se Hai

Hua Hai Jab Se Dil E Na – Saboor Be – Qaboo

Kalam Tujh Se Nazar Ko Bare Adab Se Hai

Agar Sharar Hai To Bharke, Jo Phool Hai To Khile

Tarah Tarah Ki Talab, Tere Rang E Lab Se Hai

Kahaan Gaye Shab E Furqat Ke Jaagne Wale

Sitaara E Sehari Hum-Kalaam Kab Se Hai

(Faiz)

Namaa-Bar Apna Hawaaon Ko Banaane Wale

Ab Na Aayenge Plat  Kar Kabhi Jaane Wale

Kya Milega Tujhe Bikhre Hue Khaabon Ke Siwa

Ret Par Chaand Ki Tasveer Banaane Wale

Sabne Pehna Tha Bare Shouq Se Kaghaz Ka Libas

Jis Qadar Log The Barish Mein Nahaane Wale

Mar Gaye Hum To Ye Katbay Pe Likha Jaayega

So Gaye Aap  Zamaane Ko Jagaane Wale

Dar O Deewar Pe Hasrat Si Barasti Hai ‘Qateel’

Jaane Kis Des Gaye Pyaar Nibhaane Wale

(Qateel Shifayi)

Mil Hi Jaayega Kabhi,   Dil Ko  Yaqeen Rahta Hai

Wo Isi Shahr Ki Galiyon Mein Kaheen Rahta Hai

Jis Ki Saanson Se Mahakte The Dar O Baam Tere

Ae Makaan Bol, Kahan Ab Wo Makeen Rahta Hai

Ek Zamaana Tha K Sab Ek Jagah Rahtay  The

Aur Ab Koi Kaheen, Koi Kaheen Rahta Hai

Roz Milne Pe Bhi Lagta Hai Ja Jug Beet Gaye

Ishq Mein Waqt Ka Ehsaas Naheen Rahta Hai

Dil Fasurdaa To Hua Dekh Ke Usko Lekin

Umr Bhar Kaun Jawaan, Kaun Haseen Rahta Hai

(By: Ahmad Mushtaq)

Meri Aankhon Ke Aage Aaeena Hai, Main Kahaan Hoon?
Faqat Saaya Hi Saaya  Rah  Gaya  Hai, Main Khaan Hoon?

Parosi, Dost,  Rishte-Daar  Aur  Kuchh  Ajnabee   Hain
Mere Aangan Mein Aisa Jamghata Hai, Main Kahaan Hoon?

Na Jaane Kab Se Main Duniyaa Mein Kya Kya Dhoondta Thaa
Wajood Ab Mera Mujh Ko Dhoondta Hai, Main Kahaan Hoon?

Vo   Meree Shakl  Aur Kapre  Pehan  Kar  Ghoomtaa  Hai
Jahaan Miltaa Hai, Mujhse Poochhta Hai, Main Kahaan Hoon?

Ye Bastee Hai Naye Chehron Ki Bastee, Aur Yahaan Par
Faqat Bahroopiyon  Ka   Silsilaa  Hai,  Main  Kahaan  Hoon?

Milaa “Saaqi”  Se Pyaason  Ko Bulawaa, Aur   Sunaa  Hai
Sar-E-Fehrist    Koee    Paarsaa   Hai, Main Kahaan Hoon?

By: Subodh Lal (Subodh ‘Saaqi’)

Bichhar Ke Tum Se Yeh Sochun, K Dil Kahaan Jaaye
Sehar  Udaas Kare,  Shaam Raayegaan Jaaye

Zameen – Badar Jo Hue Ho To Mere Ham-Safaro
Chalay Chalo K Jahaan Tak Yeh Aasmaan Jaaye

Tamaam Shahr Mein Phailii Hui Hai Tanhaayii
Ye Dil Jawaan Sahi, Lekin Kahaan Kahaan Jaaye

Jalun To Yun K Azal Jagmagaa Uthe Mujh Se
Bujhun To Yun K Abad Tak Mera Dhuwaan Jaaye

Abhi To Dil Se Nikal Kar Zabaan Tak Aayi Hai
Kise Khabar K Kahaan Tak Yeh Daastaan Jaaye

Qadam-Qadam Pe Hai Zandan Ravish-Ravish Pe Salib
Koi To Ho Jo K Jo Ab Bahr E Imtehaan Jaaye

Bichhar Chalaa Hai To Meri Duaa Bhi Leta Ja
Wahaan-Wahaan Mujhe Paye, Jahaan-Jahaan Jaye

Main Apne Ghar Ki Taraf Jaarahaa Hun Yun ‘Muhsin’
K Jaise Lut Ke, Kisi Ban Mein Kaarvaan Jaaye

(Mohsin Naqvi)

Sukhan Mein Rang Tumhare Khyaal Hi Ke To Hain
Ye Sab Karishmay, Hawaaye Visaal Hi Ke To Hain

Kaha Tha Tum Ne K Deta Hai Kaun Ishq Mein Jaan
So Hum Jawaab, Tumhaare Sawaal Hi Ke To Hain

Zara Si Baat Hai Dil Mein Agar Bayaan Ho Jaaye
Tamaam Mas’alay, Izhaar Haal Hi Ke To Hain

Yahaan Bhi Is Ke Siwa Aur Kya Naseeb Hamain
Khutan Me Rahke Bhi Chashm-E-Ghazaal Hi Ke To Hain

Jasaarat E Sukahan E Shairaan Se Darna Kya
Ghreeb, Mashghala E Qeel O Qaal Hi Ke To Hain

Haawaa Ki Zad Pe Hamara Safar Hai Kitni Der
Chiraagh Hum Kisi Shaam E Zawaal Hi Ke To Hain

(Irfan Siddiqui)

Hum Rahe, Par Nahi Rahe Aabaad

Yaad Ke Ghar Nahi Rahe Aabaad

Kitni Aankhen Huin Halaak E Nazar

Kitne Manzar Nahi Rahe Aabaad

Hum K Ae Dil Sukhan The Sar-Ta-Pa

Hum Labon Par Nahi Rahe Aabad

Shahr E Dil Mein Ajab Mohalle The

Jin Mein Aksar Nahi Rahe Aabad

Jane Kya Waqeaa Hua, Kyun Log

Apne Andar Nahi Rahe Aabad

Zindagi Karne Ki Phir  Tahreek Andar Se Hui
Zakham Bahar The, Tabii’at Theek Andar Se Hui

Tu Ne Kyun Itni Salakhain Khirkiyon Par Taan Din
Dor Saanson Ki Teri Baareek Andar Se Hui

Main Jisay Baizaar Ho Kar Chor Aaya Tha Kabhi
Ab Wohi Basti Bahut Nazdeek Andar Se Hui

Hum Yeh Samajhe The Mu’mma Zindagi Ka Hul Hua
Aur Phir Paida Nayee Tashkeek Andar Se Hui

Bhar Liya Hoga Parosi Ka Ujaala Chheen Kar
Aap Ki Qandeel Kyun Tareek Andar Se Hui

Kashmakash Thi Ae ‘Muzaffar’ Is Zamin Aur Bahr Me
Doob Janay Ki Mujhay Tahreek Andar Se Hui

(Muzaffar Hanfi)

Khamoshiyon  Mein  Hai  Sangeet  Jaisee  Jaadugaree
Kabhee  Khayaal,   Kabhee   Daadra,  Kabhee  Thumree

Vahaan   Na   Kaam  Karegi  Khirad   Kee   Kaareegaree
Jahaan   Hawaa   Mein   Ghulaa  Ho  Tilism-E-Bekhabree

Thee Afra-Tafri Bahut Dil Ki Anjuman Mein Magar
Na Tumne Waada Nibhhaaya Na Bheji Khushkhabari

Main   Dhoondtaa Hee Rahaa Us Ko Jo Mujhee Mein Hai
Ye Mera  Zauq-E-Nazaaraa,   Ye  Meree   Kamnazaree

Abhi   Khamosh  Hai   Paani, Hawaa Bhi Chup Hai Magar
Ubaal    Aayegaa,    Uphnegee    Aur    Besabaree

Naye  Padaao,  Naye  Shehr  Aur  Naye   Sehraa
Hazaar    Tajrube Paaye  Ba-Raahe- Dar-Badaree

Vo  Log   Qaus-O-Qazah Se Bhee  Khauf  Khaayeinge
Ki  Jinn Ki  Sirf   Guphaaon   Mein  Zindagi   Guzree

 

 

 

 

 

 

 

 

 

Jab Yaar Ne Rakht E Safar Baandha Kab Zabt Ka Yaara Us Din Tha

Har Dard Ne Dil Ko Sehlaayaa!!  Kya Haal Hamaara  Us Din Tha

Jab Khaab Hui Us Ki Aankhain Jab Dhund Hua Us Ka Chehraa

Har Ashk Sitaara Us Shab Tha Har Zakhm Angaara Us Din Tha

Sab Yaaron Ke Hote Sote –  Hum Kis Se Gale Mil Kar Rote

Kub Galiyan Apni Galiyan Thein Kab Shahr Hamaara Us Din Tha

Jab Tujh Se Zara Ghafil Thehre Har Yaad Ne Dil Per Dastak Di

Jab Lab Pe Tumhara Nam Na Tha Her Dukh Ne Pukaara Us Din Tha

Ek Tum Hi ‘Faraz’ Na Thay Tanha! Ab Ke To Bulaawa Jab Aaya

Ek Bheer Lagi Thi Maqtal Mein Her Dard Ka Mara Us Din Tha

(Ahmad Faraz)

Muhabbat Mein Wafaadaari Se Bachiye

Jahaan Tak Ho Adaakaari Se Bachiye

Har Ek Soorat Bhali Lagti Hai Kuchh Din

Lahoo Ki Sho’bdaa-Kaari Se Bachiye

Sharaafat, Aadmiyat, Dard – Mandi !!

Bare Shahron Mein Bimaari Se Bachiye

Zaroori Kya Har Ek Mehfil Mein Aana

Takalluf Ki  Rawaadaari Se Bachiye

Bina Pairon Ke Sar Chalte Nahi Hain

Buzurgon Ki Samajhdaari Se Bachiye

Tere    Darwaaze    Pe   Meri  Dastakein  Rah Jaayeingee
Tere Dil Mein Mere Dil  Kee Dharrkanein Rah Jaayeingee

Kitne Deewaane Thhay Ham, Ye Atkalein Rah Jaayeingee
Lok  Virsay   Mein  Hamaari  Laghzishein  Rah Jaayeingee

Pankh  Jab  Kholainge  Ham, Urte  Hee Urte  Jaayeinge
Aur  Peechhe  Manzilein  Hee Manzilein Rah Jaayeingee

Zehn Mein, Dil Mein, Nazar Mein, Rang Rach-Bas Jaayeinge
Aur Fizaa Mein  Fasl-E-Gul  Kee Khushbooein Rah Jaayeingee

Mauqay- Mauqay Par  Mere  Ash’aar  Dohraaogay  Tum
Main  Chalaa  Jaaoongaa  Meri   Aahatein  Rah Jaayeingee

Waqayaa  Maazi  Kee Galiyon  Mein  Kaheen  Rah  Jaayega
Waqt  Ke  Daaman  Pe   Thhoree  Silwatein  Rah Jaayeingee

Kaun  Jaane  Inquilaab  Aaye  Na Aaye  Phirr  Kabhee
Aasmaano!   Raat  Dinn Kee   Gardishein   Rah  Jaayeingee!

By :  Subodh “Saaqi”

 

 

 

 

 

 

 

Zara Si Der Ko Aaye The Khaab Aankhon Mein
Phir Us Ke Bad Musalsal Azaab Aankhon Mein

Wo Jis Ke Nam Ki Nisbat Se Raushani Tha Wujood
Khatak Raha Hai Wohi Aaftaab Aankhon Mein

Jinhen Mata-E-Dil-O-Jan Samajh Rahe The Ham
Wo Aa’iine Bhi Hue Behijaab Aankhon Mein

Ajab Tarah Ka  Hai Mausam  K Khak Urti Hai
Wo Din Bhi The K Khile The Gulaab Aankhon Mein

Mere Ghazaal Teri Wahshaton Ki Khair, K Hai
Bahut Dinon Se Bahut Iztaraab Aankhon Mein

Na Jane Kaisi Qayaamat Ka Peshkhema Hai
Ye Uljhanen Teri Be-Intasaab Aankhon Mein

Koyee Had Nahi Hai Kamaal Ki
Koyee Had Nahi Hai Jamaal Ki

Wohi Qurb O Door Ki Manzilen
Wohi Sham Khaab O Khyaal Ki

Na Mujhe Hi Uska Pata Koyee
Na Use Khabar Mere Haal Ki

Ye Jawaab Meri Sada Ka Hai
K Sada Hai Uske Sawaal Ki

Wo Qayamaten Jo Guzar Gayin
Thin Amanaten Kayee Saal Ki

Ye Namaaz E Asr Ka Waqt Hai
Ye Ghari Hai Din K Zawaal Ki

Hai ‘Munir’ Subh E Safar Nayii
Gayee Baat Shab Ke Malaal Ki

O Mere Masroof Khuda
Apni Duniya Dekh Zara

Itni Khilqat  Ke Hote
Shahron Men Hai Sannata

Jhonpri Walon Ki Taqdeer
Bujha Bujha Sa Aek Diya

Khaak Urate Hain Din Raat
Meelon Phail Gaye Sehra

Zaag O Zaghan Ki Gunjon Se
Suna Jangale Gunj Utha

Suraj Sar Pe Aa Pahuncha
Garmi Hai Ya Roz E Jaza

Peyasi Dharti Jalti Hai
Sukh Gaye Bahte Dariya

Faslain Jal Kar Raakh Huin
Nagri Nagri Kaal Para!!

O Mere Masroof Khuda
Apni Duniya Dekh Zara

 

 

 

 

 

 

Mar Jaaye Koi Un Ko Gham Naeen Hona
Un Doo Ankhoon Mein Nam Naeen Hona

Pat_Ta Hai To Lashon Se Pat Jaanay Do
Dekho, Is Kuchay Mein Mataam Naeen Hona

Kala Badal Ghor Nirasha Ka Hoon Main
Pyaray Tum Bhi Bijli Sai Kam  Naeen  Hona

Jungle Ka Qanoon Chalay Ga, Suntay Hain
Basti Mein Adam Wadam Naeen Hona

Hum Bhi Istiqbal Ko Janay Walay Thai
Wo Kahta Hai Kala Parcham Naeen Hona

Qatra Hoon To Shabnam Rah Kar Ji Loonga
Logo, Mujh Ko Darya Mein Zam Naeen Hona

Wo Mujh Ko Beshak Thanda Kar Saktai Hain
Aag ‘Muzaffar’ Ghazlon Mein Kam Naeen Hona

Be-Rukhi Tu Ne Bhi Ki, Uzr-E-Zmana Ker Ke

Ham Bhi Mehfil Se Uth Aaye Hain Bahana Ker Ke

Kitni Baaten Thin Na Kehna Thin, So Keh Bheji Hain

Ab Pasheman Hain Qaasid Ko Rawana Ker Ke

Kya Kahen Kya Hai Un Ankhon Me K Rakh Deti Hain

Aik Achchay Bhalay Insaan Ko Diwana Ker Ke

Koi Weerana E Hasti Ki Khabr Kya Lata

Khud Bi Ham Bhool Gaye Dafn Khzana Ker Ke

Wo Agar Ankhon Me Rehta To Ham Khush The ‘Fraz’

Us Ne Kya Zulm Kiya Dil Me Thikana Ker Ke

Tera Hijr   Mera Naseeb Hai,  
Tera Gham Hi  Meri Hyaat Hai
Mujhe Teri Doori Ka Gham Ho Kyun 
Tu Kahin Bhi Ho Mere Saath Hai

Mere Vaaste Tere Naam Par 
Koi Harf Aaye! Nahi, Nahi!!
Mujhe Khauf E Duniya Nahi Magar
Mere Roo-Baru Teri Zaat Hai

Tera Vasl Ae Meri Dilruba 
Nahi Meri Qismat To Kya Hua
Meri Mahjabeen Yahi Kam Hai Kya
Teri Hasraton Ka To Saath Hai

Tera Ishq Mujh Pe Hai Mehrbaan
Mere Dil Ko Haasil Hai Do Jahan
Meri Jaan E Jaan Isi Baat Par 
Meri Jaan Jaaye To Baat Hai

Dil Ne Wafa Ke Naam Par Kaar E Jafa Nahi Kiya
Khud Ko Halaak Kar Diya! Khud Ko Fida Nahi Kiya

Kaise Kahen K Tujh Ko Bhi Ham Se Hai Vaasta Koi
Tu Ne To Hamase Aaj Tak Koi Gilaa Nahi Kiya

Jane Teri ‘Nahi’ Ke Sath Kitne Hi Jabr The, K The 
Main Ne Tere Lehaaz Mein Tera Kaha Nahi Kiya

Tu Bhi Kisi Ke Baab Mein Ahd Shikan Ho Ghaliban
Main Ne Bhi Ek Shakhs Ka Qarz Ada Nahi Kiya

Jo Bhi Ho Tum Per Mo’tariz Usko Yahi Jawaab Do
Aap Bahut Sharif Hain Aapne Kya Nahi Kiya

Jis Ko Bhi Shaikh O Shah Ne Hukm E Khuda Diya Qarar
Humne Nahi Kiya Woh! Han, Bakhuda Nahi Kiya

Nisbat E Ilm Hai Bahut Haakim E Waqt Ko ‘Aziiz
Usne To Kaar E Jehl Bhi Be Olamaa Nahi Kiya

Main  To Bin Dekhe Bahal Jaunga, Lekin Tum Log
Toor Kahta Hai Ke Jal Jaunga, Lekin Tum Log

Khak Se Raabta Rakhna Tumhen Manzoor Nahi
Main To Mitti Men Bhi Ral Jaunga, Lekin Tum Log

Dagmagata Jo Nahi Hai Wo Sambhalta Bhi Nahi
Dagmagaun Ga, Sambhal Jaunga, Lekin Tum Log

Tum Bhi Charhte Hue Suraj Ke Pujari Nikle
Ek Pahar Aur  Hai! Dhal Jaunga, Lekin Tum Log

Khud Hi Ek Shola E Jawwala Hun Mera Kya Hai
Bhujh Ke Us Paar Nikal Jaunga, Lekin Tum Log

Qaeda Hai Hai Ke Pighal Jata Hai Jalne Wala
Raoshni Deke Pighal Jaunga, Lekin Tum Log

Hum Kahan Aur Tum Kahan Jaanaan 
Hain Kayee Hijr Darmiyan Jaanaan

Raaygan Wasl Men Bhi Waqt Hua 
Par Hua Khoob Raayegan Jaanaan

Mere Ander Hi Tu Kahin Gum Hai
Kis Se Puchhun Tera Nishan Jaanaan

Aalam E Bekaran Men Rang Hai Tu
Tujh Men Thahrun Kahan Kahan Jaanaan

Raushni Bhar Gayee Nigaahon Men
Ho Gaye Khaab Be Aman Jaanaan

Ab Bhi Jheelon Men Aks Parte Hain
Ab Bhi Neela Hai Aasman Jaanaan

 

 

 

 

 

 

 

 

 

 

Gayi Ruton Me To Shaam O Sehar Na The Aise
K Hum Udaas Bahut The Magar Na The Aise

Yahaan Bhi Phool Se Chehre Dikhayi Dete The
Yeh Ab Jo Hain, Yahi Deewaar O Dar Na The Aise

Mile To Khair, Na Milne Pe Ranjishenn Kaisi
K Us Se Apne Marasim The Par Na The Aise

Rafaaqaton Se Mara Hun, Musaafaton Se Nahi
Safar Wohi Tha Magar Hum-Safar Na The Aise

Hameen The Jo Tere Aane Talak Jalay Warnaa
Sabhi Chiraagh Sar E Rahguzar Na The Aise

Dil E Tabaah! Tujhe Aur Kya Tasalli Den
Tere Naseeb, Tere Chara-Gar Na The Aise

Kisi Ke Jaur O Sitam Yaad Bhi Nahi Karta 
Ajeeb Shahr Hai Fariyaad Bhi Nahi Karta

Koi To Hai Jo Parindon Ko Baal O Par Dekar
Zamin Ki Qaid Se Aazad Bhi Nahi Karta

Na Jane Kaisi Qayamat  Guzar Gayi Ab Ke
Gharib Shikwa E Bedaad Bhi Nahi  Karta

Kabhi Kabhi Ye Giran-Gosh Cheekh Parta Tha 
Ye Kaam Ab Mera Hum-Zaad Bhi Nahi Karta

Wahi Salib O Salasil, Sukoot,  Sang Zani
Naye Sitam Koi Eejaad Bhi Nahi Karta

Kab Tak Baithe Hath Malen

Chal Sathi Kahin Aur Chalen

Ab Kis Ghaat Pe Bandhen Nao

Ab Yeh Toofan Kaise Talen

Ab Ye Mangen Kaun Bhare

Ab Ye Paude Kaise Phalen

Jug Jug Jiyen Mere Saathi

Jalne Waale Aur Jalen

Tujhko Chain Mile ‘Nasir’

Tere Dukh Geeton Men Dhalen

Ye Jaah O Hasham Nahi Rahe Ga
Ye Tabl O Alam Nahi Nahi Rahega

Aayegi,  Zaroor Aayegi Subh
Ye Ahd E Sitam Nahi Rahe Ga

Palte Ga Palat Ke Aaye Ga  Din
Adbaar O Alam Nahi Rahe Ga

Ankhon Men Sajenge Khab Bas Khab 
Daman Koi Nam Nahi Rahe Ga

Aalam Men Kharaba E Khush Aasaar 
Qamat Tera Kam Nahi Rahe Ga

Ya Baat Rahegi Ahle Huq Ki
Ya Phir Ye Qalam Nahi Rahe Ga

Shab Wohi Lekin Sitara Aur Hai 
Ab Safar Ka Iste’ara Aur Hai

Ek Muththi Rait Men Kaise Thame
Is Samandar Ka Kinara Aur Hai

Mauj K Murne Men Kitni Der Hai
Nao Dali Aur Dhara Aur Hai

Jang Ka Hathyar Tai Kuch Aur Tha 
Teer Seene Men Utara Aur Hai

Matn Men To Jurm Sabit Hai Magar
Haashiya, Sare Ka Sara Aur Hai

Sath To Mera Zamin Deti Mager 
Aasman Ka Hi Ishara Aur Hai

Dhoop Men Dewaar Hi Kaam Ayegi 
Tez Barish Ka Sahara Aur Hai

Haarne Men Ek Anaa Ki Baat Thi 
Jeet Jane Men Khasara Aur Hai

Sukh Ke Mausam Ungliyon Pe Gin Liye
Fasl E Gham Ka Goshwara Aur Hai

Der Se Palken Nahi  Jhapkin Meri
Pesh E Jan Abke Nazara Aur Hai

Aur Kuch Pal Us Ka Rasta Dekh Lun
Aasman Par Ek Tara Aur Hai

Had Chiraghon Ki Yahan Se Khatm Hai
Aaj Se Rasta Hamara Aur Hai

Be-Naam Sa Yeh Dard Thehar Kyun Nahi Jaataa

Jo Beet Geya Hai Woh Guzar Kyun Nahi Jaataa

Sab Kuch To Hai Kya Dhoondti Rahti Hain Nigaahain

Kya Baat Hai Main Waqt Pe Ghar Kyun Nahi Jaataa

Woh Ek Hi Chehraa To Nahi Saare Jahaan Mein

Jo Door Hai Woh Dil Se Utar Kyun Nahi Jaataa

Mein Apni Hi Uljhi Huii Raahon Ka Tamaashaa

Jaate Hain Jidhar Sab Main Udhar Kyun Nahi Jaataa

Woh Naam Jo Barson Se Samaayaa Hai Zehen Men

Woh Khaab Agar Hai To Bikhar Kyun Nahi Jaataa

Sundar Komal Sapnon Ki Baaraat Guzar Gayi Jaanaan
Dhup Ankhon Tak Aa Pahunchi Hai Raat Guzar Gayi Jaanaan

Bhor Samay Tak Jis Ne Hamain Baaham Uljhaaye Rakkha
Woh Albeli Resham Jaisi Baat Guzar Gayi Jaanaan

Sadaa Ki Dekhi Raat Hamain Is Baar Mili To Chupke Se
Khaali Hath Pe Rakh K Kya Saughat Guzar Gayi Jaanaan

Kis Konpal Ki Aas Men Ab Tak Waise Hi Sar-Sabz Ho Tum
Ab To Dhup Ka Mausam Hai Barsaat Guzar Gayi Jaanaan

Log Na Jane Kin Raaton Ki Muraaden Maanga Karte Hain
Apni Raat To Woh Jo Tere Saath Guzar Gayi Jaanaan

 

 

 

 

 

 

 

 

 

 

 

Chiraagh Apne Hawa Dene Se Pahle
Jalaane The Bujhaa Dene Se Pahle

Miyaan Kya Lazmi Tha Khaak Urana
Kisi Ko Raastaa Dene Se Pahle

Naseem E Subh Ko Aayaa Paseena
Khazaan Ko Bad Dua Dene Se Pahle

Mila Sakte Ho Kya Hum Se Nigaahen
Baghavat Ki Sazaa Dene Se Pahle

Munaasib Hai K Parh Li Jaaye Takhti
Kisi Dar Par Sadaa Dene Se Pahle

Hamaaraa Haarna Tai Ho Chukaa Tha
Tumhaare Haath Utha Dene Se Pahle

Sakhi Mashhoor The Hum Bhi ‘Muzaffar’
Magar Sab Kuchh Luta Dene Se Pahle

Ek Naye Roop Me Nazar Aaya
Wo Kahin Jake Kya Sanwar Aaya

Mere Yadon Ke Thum Gaye Hain Paon
Us Haweli Ka Jab Khandar Aaya

Apne Daaman Ko Phaar Kar Rona
Muddaton Baad Ek Hunar Aaya

Log Izzat Se Tak Rahe Hain Mujhe
Mera Kirdaar Ab Nikhar Aaya

Chaaon Jaisi Thi Shakhsiyat Jiski
Dhoop Orhay Hue Nazar Aaya

Apne Par Ko Samet Kar ‘Javed’
Aasmanon Se Main Utar Aaya

Ek Naye Roop Me Nazar Aaya
Wo Kahin Jake Kya Sanwar Aaya

Mere Yadon Ke Thum Gaye Hain Paon
Us Haweli Ka Jab Khandar Aaya

Apne Daaman Ko Phaar Kar Rona
Muddaton Baad Ek Hunar Aaya

Log Izzat Se Tak Rahe Hain Mujhe
Mera Kirdaar Ab Nikhar Aaya

Chaaon Jaisi Thi Shakhsiyat Jiski
Dhoop Orhay Hue Nazar Aaya

Apne Par Ko Samet Kar ‘Javed’
Aasmanon Se Main Utar Aaya

Be-Qaraari Si Be-Qaraari Hai
Wasl Hai Aur Firaaq Taari Hai

Jo Guzaari Na Ja Saki Hum Se
Hum Ne Woh Zindagi Guzaari Hai

Us Se Kahiyo K Dil Ki Galion Men
Raat Din Teri Intezaari Hai

Ik Mehak Samt-E-Jaan Se Aayi Thi
Main Yeh Samjha Teri Sawaari Hai

Haad-Son Ka Hisab Hai Apna
Warna Har Aan Sab Ki Baari Hai

Bin Tumhare Kabhi Nahin Aayi
Kya Meri Neend Bhi Tumhari Hai

Nig-Habaan Kya Hue K Logon Par
Apna Saaya Bhi Ab To Bhaari Hai

Khush Rahe Tu Ke Zindagi Apni
Umr Bhar Ki Ummeed Waari Hai

Aap Men Kaisay Aaun Main Tujh Bin
Saans Jo Chal Rahi Hai Aari Hai

Hijr Ho Ya Wisal Ho Kuchh Ho
Hum Hain Aur Us Ki Yaadgaari Hai

Tere Siwa Bhi Mujhe Koyii Yad Aane Waalaa Tha
Main Warna Yun Hijr Se Kab Ghabraane Waalaa Tha

Jaan Boojh Kar, Soch Samajh Kar Main Ne Bhula Diya
Har Woh Qissaa Jo Dil Ko Bahlaane Waalaa Tha

Mujhko Nadamat Bas Is Per Hai Log Bahut Khush Hain
Is Lamha Ko Kho Kar Main Pachtaane Waalaa Tha

Yeh To Khair Huyii Dariya Ne Rukh Tabdeel Kiya
Mera Shahr Bhi Us Ki Zad Men Aane Waalaa Tha

Ek Ek Kar Ke Sab Rastay Kitne Sunsan Huye
Yad Aaya Main Lambe Safar Per Jaane Waalaa Tha

(Prof. Shahr Yar)

Kahin Goyaayi Ke Haathon Samaa’at Ro Rahi Hai
Kahin Lab Bastaa Rah Jaane Ki Hasrat Ro Rahi Hai

Kisi Deewaar Par Nakhun Ne Lik_Kha Hai Rihaayi
Kisi Ghar Men Aseeri Ki Aziyyat Ro Rahi Hai

Kahin Member Pe Baitha Hai Ek Sajde Ka Nashsha
Kisi Mehraab Ke Neeche Ibaadat Ro Rahi Hai

Yeh Maathe Par Paseene Ki Jo Larzish Tumne Dekhi
Yeh Ek Chehre Pe Laa-Haasil Mushaqqat Ro Rahi Hai

Ajab Mahfil Hai Sab Ek Dusre Pe Hans Rahe Hain
Ajab Tanhaayi Hai Khilwat Ki Khilwat Ro Rahi Hai

Yeh Khamoshi Nahi, Sab Iltejaayen Thak Chuki Hain
Yeh Aankhen Tar Nahi, Rone Ki Himmat Ro Rahi Hai

Jo Ba’ad Az Hijr Aaya, Us Ko Kaise Wasl Kah Dun?
Shikaayat Se Gale Mil Ke Nidaamat Ro Rahi Hai

Ise Ghussa Na Samjho! ‘Azm’ Yeh Mere Lahoo Me
Musalsal Zabt Karne Ki Riwaayat Ro Rahi Hai

Wo Har Jumla Adhoora Bolta Hai
Phir Uske Baad Chehra Bolta Hai

Wo Taht-Ul-Lafz Ho Ya Ho Tarannum
Ghazal Kiski Hai Lahja Bolta Hai

Jahannum Naam Likhwa Lega Apne
Buzurgon Se Jo Ooncha Bolta Hai

Hai Aaurat Ek Saleeqe Mand Ghar Me
Sajawat Ka Tareeqa Bolta Hai

Ghazal ‘Javed’ Ne Chheri Hai Jab Se
Jidhar Dekho Ujaala Bolta Hai

(Malikzada Javed)

Har Taraf Har Jagah Be Shumaar Aadmi
Phir Bhi Tanhaaiyon Ka Shikaar Aadmi

Subh Se Shaam Tak Bojh Dhotaa Hua
Apni Hi Laash Ka Khud Mazaar Aadmi

Har Taraf Bhaagte Daurte Raaste
Har Taraf Aadmi Ka Shikaar Aadmi

Roz Jeetaa Hua Roz Martaa Hua
Har Naye Din, Naya Intezaar Aadmi

Zindagi Ka Muqaddar Safar Dar Safar
Aakhri Saans Tak Be-Qaraar Aadmi

Tumne Khud Ko Chalo Sajaayaa To
Aaiinaa Aaj Muskuraayaa To

Ishq Kar Lunga Dushmanon Se Main
Woh Agar Ho Gaya Paraayaa To

Soch Kar Dil Ko Torna Mere
Ye Diya Bujh Ke Jal Na Paayaa To

Dhoop Kamron Se Rooth Jaayegi
Per Aangan Me Gar Lagaayaa To

Meri Aankhen Thin Khushk Muddat Se
Aashiqui Ne Chalo Rulaayaa To

Be Qaraari Si Be Qaraari Hai …

Be-Qaraari Si Be-Qaraari Hai
Wasl Hai Aur Firaaq Taari Hai

Jo Guzaari Na Ja Saki Hum Se
Hum Ne Woh Zindagi Guzaari Hai

Us Se Kahiyo K Dil Ki Galion Men
Raat Din Teri Intezaari Hai

Ik Mehak Samt-E-Jaan Se Aayi Thi
Main Yeh Samjha Teri Sawaari Hai

Haad-Son Ka Hisab Hai Apna
Warna Har Aan Sab Ki Baari Hai

Bin Tumhare Kabhi Nahin Aayi
Kya Meri Neend Bhi Tumhari Hai

Nig-Habaan Kya Hue K Logon Par
Apna Saaya Bhi Ab To Bhaari Hai

Khush Rahe Tu Ke Zindagi Apni
Umr Bhar Ki Ummeed Waari Hai

Aap Men Kaisay Aaun Main Tujh Bin
Saans Jo Chal Rahi Hai Aari Hai

Hijr Ho Ya Wisal Ho Kuchh Ho
Hum Hain Aur Us Ki Yaadgaari Hai

Tere Siwa Bhi Mujhe Koyii Yad Aane Waalaa Tha
Main Warna Yun Hijr Se Kab Ghabraane Waalaa Tha

Jaan Boojh Kar, Soch Samajh Kar Main Ne Bhula Diya
Har Woh Qissaa Jo Dil Ko Bahlaane Waalaa Tha

Mujhko Nadamat Bas Is Per Hai Log Bahut Khush Hain
Is Lamha Ko Kho Kar Main Pachtaane Waalaa Tha

Yeh To Khair Huyii Dariya Ne Rukh Tabdeel Kiya
Mera Shahr Bhi Us Ki Zad Men Aane Waalaa Tha

Ek Ek Kar Ke Sab Rastay Kitne Sunsan Huye
Yad Aaya Main Lambe Safar Per Jaane Waalaa Tha

(Prof. Shahr Yar)

Kahin Goyaayi Ke Haathon Samaa’at Ro Rahi Hai
Kahin Lab Bastaa Rah Jaane Ki Hasrat Ro Rahi Hai

Kisi Deewaar Par Nakhun Ne Lik_Kha Hai Rihaayi
Kisi Ghar Men Aseeri Ki Aziyyat Ro Rahi Hai

Kahin Member Pe Baitha Hai Ek Sajde Ka Nashsha
Kisi Mehraab Ke Neeche Ibaadat Ro Rahi Hai

Yeh Maathe Par Paseene Ki Jo Larzish Tumne Dekhi
Yeh Ek Chehre Pe Laa-Haasil Mushaqqat Ro Rahi Hai

Ajab Mahfil Hai Sab Ek Dusre Pe Hans Rahe Hain
Ajab Tanhaayi Hai Khilwat Ki Khilwat Ro Rahi Hai

Yeh Khamoshi Nahi, Sab Iltejaayen Thak Chuki Hain
Yeh Aankhen Tar Nahi, Rone Ki Himmat Ro Rahi Hai

Jo Ba’ad Az Hijr Aaya, Us Ko Kaise Wasl Kah Dun?
Shikaayat Se Gale Mil Ke Nidaamat Ro Rahi Hai

Ise Ghussa Na Samjho! ‘Azm’ Yeh Mere Lahoo Me
Musalsal Zabt Karne Ki Riwaayat Ro Rahi Hai

 

 

 

 

 

Wo Har Jumla Adhoora Bolta Hai
Phir Uske Baad Chehra Bolta Hai

Wo Taht-Ul-Lafz Ho Ya Ho Tarannum
Ghazal Kiski Hai Lahja Bolta Hai

Jahannum Naam Likhwa Lega Apne
Buzurgon Se Jo Ooncha Bolta Hai

Hai Aaurat Ek Saleeqe Mand Ghar Me
Sajawat Ka Tareeqa Bolta Hai

Ghazal ‘Javed’ Ne Chheri Hai Jab Se
Jidhar Dekho Ujaala Bolta Hai

(Malikzada Javed)

Har Taraf Har Jagah Be Shumaar Aadmi
Phir Bhi Tanhaaiyon Ka Shikaar Aadmi

Subh Se Shaam Tak Bojh Dhotaa Hua
Apni Hi Laash Ka Khud Mazaar Aadmi

Har Taraf Bhaagte Daurte Raaste
Har Taraf Aadmi Ka Shikaar Aadmi

Roz Jeetaa Hua Roz Martaa Hua
Har Naye Din, Naya Intezaar Aadmi

Zindagi Ka Muqaddar Safar Dar Safar
Aakhri Saans Tak Be-Qaraar Aadmi

Ye Tajrubaa Bhi Karun, Ye Bhi Kar Dikhaaun Main
K Khud Ko Yaad Rakhun Us Ko Bhul Jaaun Main

Fareb-Kaar Men Kuchh To Hai, Koi Baat To Hai
K Jaan Boojh Ke Itne Fareb Khaaun Main

Vo Pal Kahan Hain Jo Duniyaa Se Jorta Tha Mujhe
Jo Paaun Tujh Ko To Sab Ke Qarib Aaun Main

Kabhi To Ho Mere Ehasaas E Kam-Tari Men Kami
Kabhi To Ho K Use Khul Ke Aazmaaun Main

Vo Shakhs Hai K Nasim E Sahar Ka Jhonkaa Hai
Bikhar Hi Jaaun Jo Us Ko Gale Lagaaun Main

Azaan Ke Baad Duaa Ko Jo Haath Uthaaye Voh
‘Imam’ Apani Namaazen Bhi Bhul Jaaun Main

 

 

 

 

 

 

 

 

 

 

Kaha Tha Kisne Tujhe Aabru Ganwaane Jaa
‘Faraz’ Aur Use Haal E Dil Sunaane Jaa

Kal Ek Faqeer Ne Kis Saadgi Se Mujhse Kaha
Tere Jabeen Ko Bhi Tarsainge Aastaane Jaa

Use Bhi Hamne Ganwaaya Teri Khushi Ke Liye
Tujhe Bhi Dekh Liya Hai, Aray Zamaane Jaa

Bahut Hai Doulat E Pindaar Phir Bhi Dewaane
Jo Tujhse Rooth Chuka Hai Use Manaane Jaa

Suna Hai Usne So’ember Ki Rasm Taza Ki
‘Faraz’ Tu Bhi Muqaddar Ko Aazmaane Jaa

Tamannaaon Men Uljhaayaa Gaya Hoon
Khilaune De Ke Bahlaayaa Gaya Hoon

Hoon Us Kuuche Ke Har Zarre Se Aagaah
Udhar Se Muddaton Aayaa Gaya Hoon

Dil E Muztar Se Puuchh Ai Raunaq-E-Bazm
Main Khud Aayaa Nahi Laayaa Gayaa Hoon

Saweraa Hai Bahut Ai Shor E Mahashar
Abhii Bekaar Uthavaayaa Gayaa Hoon

Lahad Men Kyun Na Jaaoon Munh Chhupaye
Bharii Mahafil Se Uthawaayaa Gayaa Hoon

Kujaa Main Aur Kujaa Ai ‘Shad’ Duniyaa
Kahan Se Kis Jagah Laayaa Gayaa Hoon

Shad Azim Abadi

 

 

 

 

 

 

 

 

Zikr Us Parii-Wash Ka, Aur Phir Bayaan Apnaa
Ban Gaya Raqib Aakhir Thaa Jo Raazdaan Apnaa

Mai Wo Kyun Bahut Pite Bazm E Ghair Men Yaarab
Aaj Hi Hua Manzoor, Un Ko Imtihaan Apna

Manzar Ik Bulandee Par Aur Ham Banaa Sakte
‘Arsh Se Udhar Hotaa Kaash K Makaan Apnaa

Den Vo Jis Qadar Zillat Hum Hansi Men Talenge
Baaray Aashna Nikla Unka Paasbaan Apna

Dard E Dil Likhun Kab Tak? Jaaun Unko Dikhlaa Dun
Ungliyaan Figaar Apni Khaamaa Khun_Chakaan Apnaa

Ghiste-Ghiste Mit Jaata Aap Ne ‘Abas Badlaa
Nang E Sajdaa Se Mere Sang E Aastaan Apna

Ta Kare Na Ghammazee, Kar Liya Hai Dushman Ko
Dost Kii Shikaayat Men Hum Ne Hum-Zabaan Apna

Ham Kahaan Ke Daanaa The? Kis Hunar Men Yaktaa The?
Be_Sabab Huaa ‘Ghalib’ Dushman Aasmaan Apnaa

 

 

 

 

 

Yeh Waqt Phir Se Kisii Imtehaan Hi Ka Na Ho
Aur Is Me Abke Zayaan Apni Jaan Hi Ka Na Ho

Suna Hai Bazm Men Sab Ki Chhalak Pari Aankhen
Kahiin Woh Zikr Meri Daastaan Hi Ka Na Ho

Mere Qareeb Hai Tu Aur Sochtaa Hun Main
K Sab Tamasha Dil E Khush Gumaan Hi Ka Na Ho

Har Ek Lamhaa Ise Kori Manzilon Ki Lagan
Ajeeb Sar Hai, Kabhi Saaibaan Hi Ka Na Ho

Har Ek Sitam Pe Yeh Imkan Paalte Rahna
K Is Me Haath Kisii Mehrbaan Hi Ka Na Ho

Bas Ek Khyaal Se Dil Khauf Khane Lagta Hai
Sitam Zareef Mere Khaandaan Hi Ka Na Ho

Dil Ki Baat Labon Per Laa Kar Ab Tak Hum Dukh Sahte Hain
Hum Ne Sunaa Tha Is Basti Me Dil Waale Bhi Rahte Hain

Beet Gaya Saawan Ka Mahina, Mausam Ne Nazren Badleen
Lekin In Pyasi Aankhon Me Ab Tak Aansu Bahte Hain

Ek Hamain Aawaara Kahnaa Koi Baraa Ilzaam Nahin
Duniya Waale Dil Waalon Ko Aur Bahut Kuchh Kahte Hain

Jin Ki Khaatir Shahr Bhi Chhora, Jin K Liye Badnaam Hue
Aaj Wohi Hum Se Begaane Bagaane Rahte Hain

Woh Jo Abhi Is Raah Guzar Se Chaak Garebaan Guzraa Tha
Us Aawaara Deewaane Ko ‘Jalib’ ‘Jalib’ Kahte Hain

(Habib Jalib)

Kaisa Maazi Tha Kya Hai Haal Apna
Dekhnaa Tha Hamain Zawaal Apna

Aur Bhi Ho Gaye Hain Hum Tanhaa
Ek Zara Aaya Tha Khayaal Apna

Dasht Ho Baaz-Gasht  Se Aabaad
Koyee Duhrayee To Sawaal Apna

Yeh Safar Khatm Yun Nahi Hoga
Raasta Badlen Mah O Saal Apna

Dekh Hum Phir Jala Rahe Hain Chiragh
Ae Hawa Hauslaa Nikaal Apna

Shahr Yar

Ishq Daam O Diram Se Sharminda

Hum Teri Chashm E Nam Se Sharminda

Har Taraf Be-Hisii Ka Pahraa Tha

Hum Hue Apne Dam Se Sharminda

Naa’ra E Khalq Hai Mazid, Mazid!

Aap Dast E Karam Se Sharminda

Khushk Saali Ki Aahaten Paake

Ashk Hain Fart E Gham Se Sharminda

Meri Majruh Ungliyan Ab Hain

Zulf E Janan Ke Kham Se Sharminda

Amir E Shahr Se Sayil Bara Hai
Bahut Naadaar, Lekin Dil Bara Hai

Lahoo Jamne Se Pahle Khun-Baha De
Yahaan Insaaf Se Qatil Bara Hai

Chataanon Men Ghira Hai, Aur Chup Hai
Samumdar Se Kahin Saahil Bara Hai

Kisi Basti Men Hogi Such Ki Hurmat
Hamare Shahr Men Baatil Bara Hai

Jo Zil-Lul-Lah Per Eemaan Laye
Wohi Danaon Men Aaqil Bara Hai

Use Kho Kar Bahaaye-Dard Paayii
Zayaan Chhota Tha Aur Haasil Bara Hai

Amir E Shahr Se Sayil Bara Hai
Bahut Naadaar, Lekin Dil Bara Hai

Lahoo Jamne Se Pahle Khun-Baha De
Yahaan Insaaf Se Qatil Bara Hai

Chataanon Men Ghira Hai, Aur Chup Hai
Samumdar Se Kahin Saahil Bara Hai

Kisi Basti Men Hogi Such Ki Hurmat
Hamare Shahr Men Baatil Bara Hai

Jo Zil-Lul-Lah Per Eemaan Laye
Wohi Danaon Men Aaqil Bara Hai

Use Kho Kar Bahaaye-Dard Paayii
Zayaan Chhota Tha Aur Haasil Bara Ha

Azaab Yeh Bhi Kisi Aur Par Nahi Aaya
K Ek Umr Chale Aur Ghar Nahi Aaya

Us Ek Khaab Ki Hasrat Men Jal Bujhi Aankhen
Wo Ek Khaab K Ab Tak Nazer Nahi Aaya

Karen To Kis Se Karen Naarasaiyon Ka Gila
Safar Tamaam Huaa Hum-Safar Nahi Aaya

Dilon Ki Bat Badan Ki Zabaan Se Kah Dete
Ye Chaahte The Magar Dil Idhar Nahi Aaya

Ajib Hi Tha Mere Daur E Gumrahi Ka Rafiq
Bichhaar Gaya To Kabhi Laut Kar Nahi Aaya

Harim E Lafz O Ma’aani Se Nisbaten Bhi Rahin
Magar Saliqa E Arz E Hunar Nahii Aaya

Ek Pari-Ru Ko Munh Zabaani Huin
Meri Ghazlen To Ghair Faani Huin

Jin Ke Hone Se Khush Bayaan The Hum
Daastaanen Woh Sab Puraani Huin

Din Dhala, Thak Ke Hum Bhi Laut Gaye
Dukh Ki Parchhaiyaan Syaani Huin

Ab Muqaffal Naye Makaan Men Hain
Saari Cheezen Jo Khaandaanen Huin

Sharm, Shokhi, Rijhaao, Bhola Pan
Rangaten Us Ki Pur Ma’aani Huin

Sach Hai, Ghaafil Mizaaj Thi Duniya
Aafaten Bhi To Naagihaani Huin

Namazen Parhna Aadat Ho Gayii Hai
Bahut Sastii  Ibaadat  Ho Gayii Hai

Use Aane Men Kya Majburi Hogi 
Hamin Se Koyi Ghaflat Ho Gayii Hai

Lahoo Maen Ab Vo Sachchayii Kahan Hai
K Woh Surf E Shahaadat Ho Gayii Hai

Arab Ki Sar Zameen Pakeeza Kab Thi 
Muhammad Ki Badaulat Ho Gayii Hai

Khuda Ko Jab Se Pahchana Hai  ‘Alavi’
Hamain Sab Se Muhabbat Ho Gayii Hai

(By: Muhammad Alvi)

 

 

 

 

 

 

 

 

 

 

 

Namazen Parhna Aadat Ho Gayii Hai
Bahut Sastii  Ibaadat  Ho Gayii Hai

Use Aane Men Kya Majburi Hogi 
Hamin Se Koyi Ghaflat Ho Gayii Hai

Lahoo Maen Ab Vo Sachchayii Kahan Hai
K Woh Surf E Shahaadat Ho Gayii Hai

Arab Ki Sar Zameen Pakeeza Kab Thi 
Muhammad Ki Badaulat Ho Gayii Hai

Khuda Ko Jab Se Pahchana Hai  ‘Alavi’
Hamain Sab Se Muhabbat Ho Gayii Hai

(By: Muhammad Alvi)

Kasheeda Sar Se Tawaqqo’ Abas Jhukaao Ki Thi
Bigar Gayaa Hun  K Surat Yahi Banaao Ki Thi

Woh Jis Ghamand Se Bichhra Gila To Is Ka Hai
K Saari Baat Muhabbat Me Rakh Rakhaao Ki Thi

Woh Mujh Se Pyar Na Karta To Waar Kya Karta
K Dushmani Men Bhi Shiddat Usi Lagaao Ki Thi

Magar Yeh Dard E Talab Bhi Saraab Hi Niklaa
Wafaa Ki Lahr Bhi Jazbaat Ke Bahaao Ki Thi

Akele Paar Utar Ke Yeh Nakhuda Ne Kaha
Musaafiro Yahi Qismat Shikastaa Naao Ki Thi

Chiragh E Jan Ko Kahan Tak Bacha Ke Hum Rakhte
Hawaa Bhi Tez Thi, Manzil Bhi Chal Chalaao Ki Thi


Main Zindagi Se Naburd Aazma Raha Hun ‘Faraz’
Main Jaantaa Tha, Yahi Raah Ek Bachaao Ki Thi

Pur Shikaston Ki Na Chhero Daastaan  Is Martabaa
Baith Jaye Ga Yeh Khastaa Aasmaan Is Martabaa

Dha Chuki Mera Kharaabaa Lekin Ae Reg E Rawaan
Itna Gham Tu Le Ke Jaye Gi Kahaan Is Martabaa

Baat Karna Jurm Hai  Im-Saal Mere Shahr Men
Aur Zoron Par Meri Tab’ E Rawaan Is Martabaa

Kya Khabar Abke Bhanwar Se Hath Nikle Ya Nahi
Dekhiye Kya Gul Khilaye Badbaan Is Martabaa

Be Salaakh Ab Aik Bhi Khirki Nahi Rah Jayegi
Her Taraf Se Uth Rahi Hain Aandhiyaan Is Martabaa

Wo Dareechaa Band Hai Pichhle Baras Aisa Na Tha
Door Kitni Ho Gyee Hai Kahkashaan Is Martabaa

Ae ‘Muzaffar’ Jam’a Hongai Saari Basti Ke Chiraagh
Aag Se Bachnaa Nahi Koyii Makaan Is Martabaa

Ab Kya Hai Jo Tere Paas Aaun
Kis Maan Par Tujhko Aazmaaun

Zakhm Ab Ke To Saamnehi Khaaaun
Dushman Se Na Dosti Burhaaaun

Titli Ki Tarah Jo Ur Chuka Hai
Wo Lamha Kahan Se Khoj Laaaun

Girvi Hain Samaa’aten Bhi Ab To
Kya Teri Sadaa Ko Munh Dikhaaaun

Ae Mere Liye Na Dukhne Waale
Kaise Tere Dukh Samet Laaaun

Yun Teri Shanaakht Mujh Men Utre
Pahchaan Tak Apni Bhool Jaaaun

Tere Hi Bhalay Ko Chaahti Hun
Main Tujh Ko Kabhi Na Yaad Aaun

Qaamat Se Bari Salib Paa Kar
Dukh Ko Kyun Kar Gale Lagaaaun

Deewar Se Bel Barh Gyee Hai
Phir Kyun Na Main Bhi Phail Jaaaun

Raqs  Karne Ka Milaa Hukm  Jo Dariyaaon Men

 

Humne Khush Hoke Bhanvar Baandh Liye Paaon Men

 

Jo Bhi Aataa Hai, Bataata Hai Naya Koi Ilaaj

 

Bat Na Jaaye Tera Beemaar Maseehaaon Men

 

Jis Barahman Ne Kaha Hai K Ye Saal Achchha Hai

 

Us Ko Dafnaao Mere Haath Ki Rekhaaon Men

 

Woh Khuda Hai Kisi Toote Hue Dil Men Hoga

 

Masjidon Men Use Dhoondho Na Kaleesaaon Men

 

Humko Aapas Men Muhabbat Nahi Karne Dete

 

Bas Yehi Aib Hai Is Shahr Ke Daanaaon Men

Jane Kyun Pairahan Pe Dhool Na Thi
Yeh Musafat To Be Husool Na Thi

Jazba E Dil Ko Kab Pata Tha Use
Itni Waraftagi Qubool Na Thi

Meri Chahat Men Sard Waqfe The
Bewafaayi Teri Fazool Na Thi

Dukh Hua, Jab Wo Meri Haalat Par
Dil Giraftaa Na Thi, Malool Na Thi

Maut Dhoke Se Le Gayi Jaan Ko
Zindagi Bhi To Ba Usool Na Thi

Aur Kya Zindagi Rah Gayi

Ek Musalsal Kami Rah Gayi

Waqt Phir Darmiyan Aa Gaya

Baat Phir Un-Kahi Rah Gayi

Paas Jangal Koii Jal Gaya

Raakh Har Su Jami Rah Gayi

Zar Ka Eendhan Bani Fikr E Nau

Shaaiiri Adh-Mari Rah Gayi

Main Na Roya, Na Khul Ker Hansa

Har Nafas Tashnagi Rah Gayi

Tum Na Aaye Meri Zindagi

Raah Takti Huii Rah Gayi

Paas E Dariya Dili Rakh Liya

Laakh Tashna Labi Rah Gayi

Phir Fana Ka Payaam Aa Gaya

Aik Umeed Thee, Rah Gayi

Aap ‘Ahmed’ Kahaan Reh Gaye

Aur Kahaan Zindagi Rah Gayi

Dil Ki Barbaadi Ka Koi Silsilaa Pahle Se Tha

Is Chiragh E Shab Pe Altaaf E Hawa Pahle Se Tha

Us Ke Yun Tark E Muhabbat Ka Sabab Hoga Koi

Ji Nahi Yeh Maanta Wo Bewafaa Pahle Se Tha

Donon Apni Zindagi Ke Chhutpute Men Hain Magar

Is Tarah Milna Muqaddar Me Likha Pahle Se Tha

Ab To Zakhm E Dil Namak Khaar E Tawajjoh Hai Tera

Naam Par Jari Tere Harf E Dua Pahle Se Tha

Raasta Bhoola Nahi Abke Parinde Khushkhabar

Aur Kuchh Ujra Hua Shahr E Sabaa Pahle Se Tha

Tere Aane Se To Bas Zanjeer Hi Badli Gayi

Hum Asiiron Pe Jafaa Ka Baab Waa Pahle Se Tha

Tark E Muhabbat Kar Baithe Hum, Zabt E Muhabbat Aur Bhi Hai

Ek Qyaamat  Beet Chuki Hai,  Ek Qyaamat Aur Bhi Hai

Hum Ne Usi Ke Dard Se Apne Saans Ka Rishta Jor Liya

Wana Shahr Me Zindaa Rahne Ki Ek Surat Aur Bhi Hai

Doobta Suraj Dekh Ke Khush Rahna Kis Ko Raas Aaya

Din Ka Dukh Sah Jaane Walo, Raat Ki Wahshat Aur Bhi Hai

Sirf Ruton Ke Saath Badalte Rahne Par Mauqoof Nahi

Us Me Bach_Chon Jaisi Zid Karne Ki Aadat Aur Bhi Hai

Meri Bheegti Palkon Par Jab Us Ne Donon Haath Rakhe

Phir Yeh Bhed Khula In Ashkon Ki Kuchh Qeemat Aur Bhi Hai

Us Ko Ganvakar ‘Mohsin’us Ke Dard Ka Qarz Chukaana Hai

Ek Aziyyat Maand Pari  Hai, Ek Aziyyat Aur Bhi Hai

(Mohsin Naqvi)

Nigaah O Dil Ke Pas Ho Wo Apna Aashnaa Rahe

Hawas Hai Ya K Ishq Hai Yeh Kaun Sochta Rahe

Woh Mera Jab Na Hosaka To Phir Yahi Saza Rahe

Kisi Ko Pyar Jab Karun Woh Chhup Ke Dekhta Rahe

Mana To Us Ko Lun Magar Yeh Silsila Bhi Kya Rahe

Alag Hai Is Ka Zaaiqa K Woh Khincha Khincha Rahe

Mashaam E Jaan Pe Khushbuon Ki Jab Phuwar Hi Na Ho

Hazaar Baat Baat Men Woh Phool Tsanktsa Rahe

Shaguftan E Jamaal Ko Hijaab E Lams Chaahiye

Faseel E Shab Ki Oat Men Chiraagh Yeh Jala Rahe

Na Itni Door Jaaiye  K Log Poochhne Lagain

Kisi Ko Dil Ki Kya Khabar, Ye Hath To Mila Rahe

Yaad Aaye Hain Ahd E Junun Ke Khoye Hue Dildaar Bahut

 

Un Se Door Basaali Basti Jin Se Hamain Tha Pyaar Bahut

 

Ek Ek Kar Ke Khili Thin Kaliyaan, Ek Ek Kar Ke Phool Gaye

 

Ek Ek Karke Hum Se Bichhre Baagh E Jahaan Men Yaar Bahut

 

Husn Ke Jalwe Aam Hain Lekin Zauq E Nazaaraa Aam Nahi

 

Ishq Bahut Mushkil Hai Lekin Ishq Ke Daavedaar Bahut

 

Zakhm Kaho Yaa Khilti Kaliyaan Haath Magar Guldastaa Hai

 

Baagh E Wafa Se Hum Ne Chune Hain Phool Bahut Aur Khaar Bahut

 

Jo Bhi Mila Hai Le Aaye Hain Dagh E Dil Ya Daagh E Jigar

 

Waadi Waadi, Manzil Manzil, Bhatke Hain ‘Sardar’ Bahut

 

(Ali Sardar Ja’fari)

Qaa’r E Gumnaami Se Nikle To Khabar Men Aaye

Teergi Kaat Ke Hum Chaand Nagar Men Aaye

Dil Men Is Tarh Utarte Hain Tamanna K Parind

Jaise Khushhaali Achanak Kisi Ghar Men Aaye

Kaash Aisa Ho K Aabaad Rahe Sab Ka Makaan

Roushni Aaye To Har Sehn Me Dar Men Aaye

Naqsh E Paa Se Tere Mil Jaaye Suraagh E Manzil

Tu Jo Guzre To Chamak Raah Guzar Men Aaye

Din Ke Hangaame Teri Yaad Se Ghafil Rak_Khen

Shaam Hote Hi Tera Dard Jigar Men Aaye

Hum Salaamat Rahe Yeh Uski Nawazish Hi To Hai

Tuti Patwaar Liye Beech Bhanwar Men Aaye

Yeh Taqaazaa To Zaruri Nahi ‘Tariq Sahab’

Aap Ka Naam Bhi Arbaab E Hunar Men Aaye

Ghaniim Se Bhi Adaawat Men Had Nahi Maangi

K Haar Maan Li,  Lekin,  Madad Nahi Maangi

 

Hazaar Shukr K Hum Ahl E Harf E Zindaa Ne

Mujaaweraan E Aab Se Sanad Nahi Maangi

 

Bahut Hai Lamha E Maujood Ka Sharaf Bhi Mujhe

So Apne Fan Se Baqaay E Abad Nahi Maangi

 

Qubool Woh Jise Karta Woh Iltejaa Nahi Ki

Du’aa Jo Woh Na Kare Mustarad Nahi Maangi

 

Main Apne Jamaa E Sad Chaak Se Bahut Khush Hun

Kabhi Abaa O Qabaa E Khirad Nahi Maangi

 

Shaheed Jism Salamat Uthaye Jaate Hain

Jabhi To Gor Kanon Se Lahad Nahi Maangi

 

Main Sar Barahna Phira Bhi Sar Kashiida Raha

Kabhi Kulaah Se Tauqeer E Qad Nahi Maangi

 

Ataa E Dard Men Woh Bhi Nahi Tha Dil Ka Gharib

‘Faraz’ Main Ne Bhi Bakhshish Men Had Nahi Maangi

Tu Ne Kuchh Bhi Na Kaha Ho Jaise

Mere Hii  Dil Ki  Sadaa Ho Jaise   !!!

Yun Teri Yaad Se Jii Ghabraayaa

Tu Mujhe Bhool Gaya Ho Jaise

Is Tarah Tujh Se Kiye Hain Shikwe

Mujh Ko Apne Se Gilaa Ho Jaise

Yun Har Ek Naqsh Pe Jhukti Hai Jabin

Tera Naqsh E Kaf E Paa Ho Jaise

Tere Honton Ki Khafii Si Larzish

Ek Haseen She’r Hua Ho Jaise

* By – Sufi Tabassum *

Kuchh Gham E Jaanaan Kuchh Gham E Dauraan, Dono Meri Zaat Ke Naam

Ek Ghazal  Mansoob Hai  Tujh Se  Ek  Ghazal   Haalaat Ke  Naam

Mauj E Balaa  Deewaar E Shahar Par Ab Tak Jo Kuchh Likhti Rahi

Meri Kitaab E Zeest Ko Parhiye!!, Darj Hai Sab Sadmaat Ke Naam

Sehraa,  Zandaan, Tauq, Salaasil, Aatish, Zahr Aur Daar O Rasan

Kya Kya Hum Ne De Rak_Khe Hain Aap Ke Ehsaanaat K Naam

Us Ki Gali Se Maqtal E Jaan Tak, Masjid Se Maikhaane Tak

Uljhan, Pyaas, Khalish, Tanhaayi, Karb Zada Lamhaat Ke Naam

Girte Kheeme, Jalti Tanabain, Aag Ka Dariya, Khoon Ki Nahr

Aise Munazzam Mansoobon Ko Doon Kaise Aafaat Ke Naam

Roushan Chehraa, Bheegi Zulfain, Doon Kis Ko Kis Par Tarjeeh

Ek Qaseeda Dhoop Ka Lik_Khun, Ek Ghazal Barsaat Ke Naam

Jin Ke Liye Mar Mar Ke Jiye Hum, Kya Paayaa Un Se ‘Manzur’

Kuchh Ruswaayi, Kuchh Badnaami, Hum Ko Mili Saughaat Ke Naam

 Malik Zada Manzur Ahmad

Too Paas Bhii Ho To Dil Beqaraar Apnaa Hai
K Ham Ko Teraa Nahiin Intazaar Apnaa Hai


Mile Koyii Bhi Teraa Zikr Chher Dete Hain
K Jaise Saaraa Jahaan Raazdaar Apnaa Hai


Vo Door Ho To Bajaa Tark E Dostii Ka Khayaal
Vo Saamane Ho To Kab Ikhtiyaar Apnaa Hai


Zamaane Bhar Ke Dukhon Ko Lagaa Liya Dil Se
Is Aasare Pe K Ek Gham-Gusaar Apanaa Hai


‘Faraz’ Raahat E Jaan Bhii Vohii Hai Kyaa Kiije
Vo Jis Ke Haath Se Siinaa Figaar Apnaa Hai …!!

 

 

Kisi Ka Dard Ho  Dil Be-Qaraar Apna Hai
Hava Kahin Ki Ho Siinaa Figaar Apna Hai


Ho Koi Fasl Magar Zakhm Khil Hi Jate Hain
Sadaa Bahaar Dil E Daghdaar Apna Hai


Jo Shaad Phirte The Kal Aaj Chhup Ke Rote Hain
Hazaar Shukr Gham E Paaidaar Apna Hai


Na Tang Kar Dil E Mehzun Ko Ae Gham E Duniya
Khudai Bhar Men Yehi Gham Gusaar Apna Hai


Wo Koi Apne Siwaa Ho To Us Ka Shikwa Karun
Judaayii Apni Hai, Aur Intezaar Apna Hai

Kab Yaaron Ko Tasleem Nahi Kab Koi Ado Inkaari Hai

Is Kooye Talab Men Hum Ne Bhi Dil Nazr Kiya Jaan Waari Hai

Jab Saaz E Salasil Bajte The Hum Apne Lahoo Me Sajte The

Woh Reet Abhi Tak Baqi Hai Yeh Rasm Abhi Tak Jaari Hai

Kuchh Ahl E Sitam Kuchh Ahl E Hasham Maikhaana Girane Aaye The

Dahleez Ko Choom Ke Chhor Diya Dekha K Yeh Pat_Thar Bhaari Hai

Jab Parcham E Jaan Le Kar Nikle Hum Khaak Nashin Maqtal Maqtal

Us Waqt Se Le Ke Aaj Talak Jallad Pe Haibat Taari Hai

Zakhmon Se Badan Gulzaar Sahi Par Unke Shikastaa Teer Gino

Khud Tarkash Wale Kah Denge Yeh Baazi Kis Ne Haari Hai

Kis Zo’m Me The Apne Dushman Shaayad Yeh Unhen Malum Na Tha

Yeh Khaak E Watan Hai Jaan Apni, Aur Jaan To Sab Ko Pyaari Hai

Naaz E Begaangi Men Kya Kuchh Tha
Husn Ki Saadgi Men Kya Kuchh Tha

Laakh Raahain Thin Laakh Jalwe The
Ahd E Aawaargi Men Kya Kuchh Tha

Aankh Khulte Hi Chhup Gayi Har Shai
Aalam E Be-Khudi Men Kya Kuchh Tha

Yaad Hain Marhalay Muhabbat  Ke
Haye Us Be-Kali Men Kya Kuchh Tha

Kitne Beete Dinon Ki Yaad Aayee
Aaj Teri Kami Men Kya Kuchh Tha

Kitne Manoos Log Yaad Aaye
Subh Ki Chandni Men Kya Kuchh Tha

Raat Bhar Ham Na So Sake ‘Nasir’
Parda E Khaamushi Men Kya Kuchh Tha

{ From :  Barg E Nai }

Kabhi Ae Haqeeqat E Muntazar Nazar Aa Libaas E Majaaz Men


K Hazaaron Sajday Tarap Rahay Hain Meri Jabeen E Neyaaz Men


Tarab Aashnaa-E-Kharosh Ho, To Nawaa-E-Mahram E Gosh Ho


Wo Suror Kya K Chupa Hua Ho Sukoot E Parda E Saaz Men


Tu Bacha Bacha Ke Na Rakh Ise, Tera Aa-I-Naa Hai Wo Aa-I-Naa


K Shikastaa Ho To Azeez Tar Hai Nigaah E Aa-I-Naa Saaz Men


Dam E Tauf E Kirmak E Sham’a Ne Yeh Kaha K Ab Woh Asar Kahaan


Na Teree Hikayat E Soz Men, Na Meri Hadees E Gudaaz Men


Na Kahin Jahaan Men Amaan Mili, Jo Amaan Mili To Kahaan Mili


Mere Jurm E Khaanaa Kharaab Ko Tere ‘Afw E Bandaa Nawaaz Men


Na Woh Ishq Men Rahin Garmiyaan, Na Wo Husn Men Rahin Shokhiyaan


Na Woh Ghaznavi Men Tarap Rahi, Na Woh Kham Hai Zulf E Ayaz Men


Jo Main Sar-Ba-Sajdaa Hua Kabhi, To Zameen Se Aane Lagi Sadaa


Tera Dil To Hai Sanam Aashna, Tujhe Kya Milega  Namaaz Men

Khelo Phaag Langoti Men
Uljhe Daarhi Choti Men

Bikta Dekha Hai Eemaan
Do Boti  Ek Roti Men

Sach_Che Dar Sach_Che Hain Hum
Saaraa Khot Kasoti Men

Sab Apnon Ka Hissa Hai
Meri Tikka Boti Men

Aaj ‘Muzaffar’ Chaand Hue
Kal Tak The Kajloti Men

Shaam Ne Apnee Zulfain Kholin Phaila Saayaa Saayaa Ghar


Kya Jaane Kya Dil Par Beetii  Aaj Bahut Yaad Aayaa Ghar  !!!


Is Se Achchha Tha Sapnon Ki Chhat K Neeche Rah Lete


Rait Pe Diwaren Uthwayiin Pani Par Banwaayaa Ghar


Mitti Tujh Se Kya Rishta Hai Jis Din Hum Ne Chhora Gaon


Dair Talak Diwaaren Royin, Door Talak Saath Aayaa Ghar


Socha Tha Maidaan Men Shayad Kuchh Din Chain Se Cut Jayen


Dil Bhi Kaisa Hai Bunjaaraa Sath Utha Kar  Laayaa Ghar


Kya Karte! Diwaar O Dar Ki Kuchh Tahzeeb Hi Aisi Thii


Apna Ghar Mahsus Hua Hai Aksar Hamain Paraayaa Ghar


Tor Ke Ek Pholon Ki Dali Baithe Sehra Ke Us Paar


Ae Jaan Teri Yaad Ne Aakar Aaj Bahut Mahkaayaa Ghar

( Zafar Gorakhpuri )

Tere Milne Ko Bekal Ho Gaye Hain
Magar Yeh Log Pagal Ho Gaye Hain

Bahaaren Le Ke Aaye The Jahaann Tum
Woh Ghar Sunsaan Jangal Ho Gaye Hain

Yahan Tak Barh Gaye Aalaam E Hasti
K Dil Ke Houslay Shal Ho Gaye Hai N

Kahaan Tak Taab Laaye Naatawaan Dil
K Sadme Ab Musalsal Ho Gaye Hain

Nigaah E Yaas Ko Neend Aarahi Hai
Mizaa Par Ashk Bojhal Ho Gaye Hain

Inhain Sadiyon Na Bhoolega Zamana
Yahan Jo Hadsay Kal Ho Gaye Hain

Jinhain Hum Dekh Kar Jite The ‘Nasir’
Wo Log Aankhon Se Ojhal Ho Gaye Hain

(Burg E Nai Se Makhooz)

Chhoro Ab Us Chiraagh Ka Charchaa  Bahut Hua
Aapna Bhi Shab Ke Haathon Khasaaraa Bahut  Hua

Milne Diyaa Na Us Se Hamain Jis Khayaal Ne
Socha To Us Khayaal Se Sadmaa Bahut Hua

Baithe Rahe K Tez Bahut Thi Hawaaye Shauq
Dasht E Hawas Ka Gar-Che Iraadaa Bhaut Hua

Kya Be-Sabab Kisi Se Kahin Oobte Hain Log
Baawar Karo K Zikr Tumhaaraa Bahut Hua

Achchha To Ab Safar Ho Kisi Aur Samt Men
Yeh Roz O Shab Ka Jaagna Sona Bahut Hua

Aakhir Ko Uth Gaya Tha Jo Ek Bat Kah Ke Woh
Sunte  Hain Phir Usi Ka E’aadaa Bahut Hua

(By :  Ahmad Mahfooz)

Hum K Minnat Kash E Saiyyaad Nahin Hone Ke
Woh Jo Chaahe Bhi To Aazaad Nahin Hone Ke


Dekh Aa Kar Kabhi Un Ko Bhi Jo Tere Haathon
Aise Ujre Hain  K Aabaad  Nahin Hone Ke


Wasf E Mai Aur Sifat E Yaar Ke Mazmun Ke Siwa
Naasehaa!! Tere Sukhan Yaad Nahin Hone Ke


Yaar Bad-Ahd Ka Kitna Bara Ehsaan Hai K Hum
Ab Kisi Ke Liye Barbaad Nahin Hone Ke


Us Jafa Kash Ko Du’aa Do K Agar Wo Na Raha
Phir Kisi Se Sitam Eejaad Nahin Hone Ke


Aaj Phir Jashn Manaayaa Gayaa Aazaadi Ka
Kal Gharon Per Kayii Afraad Nahin Hone Ke


Etne Aaram Talab Ho To Muhabbat Men ‘Faraz’
‘Meer’ Bun Jaaoge ‘Farhaad’ Nahin Hone Ke

Chandni Tha K Ghazal Tha K Sabaa Tha – Kya Tha
Main Ne Ek Baar Tera Naam  Sunaa Tha – Kya Tha

Ghar Men Too Bhi To Nahi Jo Koyi Bartan Tute
Ye Jo Kamre Men Abhi Shor Hua Tha – Kya Tha

Khudkushi Kar Ke Bhi Bistar Se Utha Hun Zindaa
Main Ne Kal Raat Men Jo Zahr Piyaa Tha – Kya Tha

Ab Ke Bhichhre Hain To Lagta Hai K Kuchh Toot Gaya
Mera Dil Tha K Tera Ahd E Wafaa Tha – Kya Tha

Zid Nahin Hai K Isay Tu Bhi  Ta’lluq  Samjhe
Wo Jo Ek Din Mujhe Diwana Kaha Tha – Kya Tha

Tum To Kahte The Khuda Tumse Khafa Hai ‘Qaisar’
Doobte Waqt Jo Ek Haath Barhaa Tha – Kya Tha

(Qaisar Ul Ja’fari)

Mila Hai Kaise Nashe Ka Suraagh Ab Ke Baras
Bhare Gaye Hain Lahoo Se Ayaagh Ab Ke Baras

Azaab Utraa Hai Kaisa K Gulshan E Dil Men
Shajar Shajar Hai Khazaan Deeda Zaagh Ab Ke Baras

Hamari Aankhon Men Utra Hai Jugnuon Ka Juloos
Kisi Ne Di Hai Woh Soughat E Daagh Ab Ke Baras

Woh Jis Ke Naqsh E Qadam Se Bahaar Thi Mansoob
Milaa Na Uska Kahin Bhi Suraagh Ab Ke Baras

Siine Men Jalan, Aankhon Men Toofaan Sa Kyun Hai

Is Shahr Men  Har Shakhs Preshaan Sa Kyun Hai

Dil Hai To Dharakne Ka Bahaanaa Koi Dhundhay

Pat_Thar Ki Tarah Be-His O Be-Jaan Sa Kyun Hai

Tanhaayi Ki Yeh Kaun Si Manzil Hai Rafeeqo??

Ta Hadd E Nazar, Ek Bayaabaan Sa Kyun Hai

Hum Ne To Koi Baat Nikaali Nahi Gham Ki

Vo Zood Pashemaan, Pashemaan Sa Kyun Hai

Kya Koi Nayi Baat Nazar Aati Hai Hum Men

Aayeena Hamen Dekh Ke Hairaan Sa Kyun Hai

( Shahr Yaar K Kalaam Se Intekhaab)

Tere Ishq Ki Inteha Chaahta Hoon
Meri Saadgi Dekh Kya Chaahta Hoon

Sitam Ho K Ho Wadaa E Be-Hijaabi
Koi Baat Sabr-Aazma Chaahta Hoon

Yeh Jannat Mubarak Rahe Zaahidon Ko
K Main Apka Saamna Chaahta Hoon

Zara Sa To Dil Hoon Magar Shauq Itna
Wohi Lantaraani Suna Chaahta Hoon

Koi Dum Ka Mehmaan Hoon Ae Ahl E Mahfil
Chirag E Sehar Hoon Bujha Chaahta Hoon

Bhari Bazm Men Raaz Ki Baat Kahdi
Bara Be-Adab Hoon Sazaa Chaahta Hoon

( By: Allama Iqbal )

Dil Akelaa Hai Bahut Laalaa E Sehraa Kii Tarah

Tum Ne Bhi Chhor Diya Hai Mujhe Duniyaa Kii Tarah

Chhor Ke Jaao Na Yuun Ahd E Guzishtaa Kii Tarah

Ban Ke Ummeed Raho Waadaa E Fardaa Kii Tarah

Tum Havaa Ho To Bikhero Mujhe Saahil Saahil

Mauj E Mai Ho To Bahaa Do Mujhe Dariyaa Kii Tarah

Paas Rahte Ho To Aataa Hai Judaayi Kaa Khayaal

Tum Mere Dil Men Ho Andeshaa E Fardaa Kii Tarah

Biich Men Kuchh To Rah O Rasm E Ta’alluq Rakkho

Ajnabii Yun Nahin Milate Hain Shanaasaa Kii Tarah

Ishq Minnat Kash E Qaraar Nahi
Husn Majboor E Intezaar Nahi

Teri Ranjish Ki Intehaa Maloom
Hasraton Ka Miri Shumaar Nahi

Apni Nazren Bikher De Saaqee
Mai Ba-Andaazaa E Khumaar Nahi

Zer E Lab Hai Abhi Tabassum E Dost
Muntashir Jalwa E Bahaar Nahi

Apni Takmeel Kar Raha Hun Main
Warna Tujh Se To Mujh Ko Pyar Nahi

Charaa E Intezaar Kaun Kare
Teri Nafrat Bhi Ustawaar Nahi

‘Faiz’ Zinda Rahen Wo Hain To Sahi
Kya Huaa Gar Wafa Shu’aar Nahi

Hanse To Aankh Se Aansu Ravaan Hamare Hue
K Hum Pe Dost Bahut Mehrbaan Hamare Hue

Bahut Se Zakhm Hain Aise Jo Unke Naam Ke Hain
Bahut Se Qarz Sar E Dostaan Hamare Hue

Kahin To Aag Lagi Hai Wajood Ke Andar
Koi To Dukh Hai K Chehre Dhuaan Hamare Hue

Garaj Baras Ke Na Hum Ko Dubo Sake Baadal
To Yeh Hua K Wohi Baadbaan Hamare Hue

‘Faraz’ Manzil E Maqsood Bhi Na Thi Manzil
K Hum Ko Chhor Ke Saathi Ravaan Hamare Hue

Jab Dahr Ke Gham Se  Amaan Na Milii,  Hum Logon Ne Ishq Eejaad Kiya


Kabhi Shahr E Butaan Me Kharaab Phire Kabhi Dasht E Junun Aabaad Kiya


Kabhi Bastiyaan Ban, Kabhi Koh O Daman, Raha Kitne Dinon Yahi Ji Ka Chalan


Jahaan Husn Mila Wahaan Baith Rahe, Jahaan Pyar Mila Wahan Saad Kiya


Shab E Maah Me Jab Bhi Yeh Dard Utha, Kabhi Bait Kahe (Likhi ‘Chand Nagar’)


Kabhi Koh Se Jaa Sar Phor Mare,  Kabhi Kabhi Qais Ko Jaa Ustaad Kiya


Yahi Ishq  Bil-Aakhir Rog Banaa, K Hai Chaah K Saath Bijog Banaa


Jise Ban_Na Tha Aish Woh Sog Banaa, Bara Man Ke Nagar Me Fasaad Kiya


Ab Qurbat O Sohbat E Yaar Kahaan, Lab O Aariz O Zulf O Kinaar Kahan


Ab Apna Bhi  ‘Meer’  Sa Aalam Hai,  Tuk Dekh Liya,  Ji Shaad Kiya

*Chand Nagar – Insha Ji Ka Majmaua E Kalam

Dil  E Naadaan  Tujhe  Huaa  Kya  Hai

Aakhir  Iss  Dard  Kii  Davaa  Kya  Hai

Hum  Hain  Mushtaaq  Aur  Woh  Bezaar

Yaa  Ilaahee  Yeh  Maajraa  Kya  Hai

Main  Bhi  Munh  Me  Zabaan  Rakhta  Hun

Kaash Poochho  K Muddu’aa  Kya  Hai

Jab  K  Thujh  Bin  Naheen  Koi  Maujood

Phir Yeh  Hangaamaa  Ae  Khuda  Kya  Hai

Yeh  Paree  Chehra  Log  Kaise  Hain

Ghamza O  Ishwa O  Adaa  Kya Hai

Shikan E Zulf E Anbareen  Kyun  Hai

Nigah  Chashm E  Surma  Sa  Kya  Hai

Sabza O Gul  Kahaan  Se  Aaye  Hain

Abr  Kyaa  Cheez  Hai,  Havaaa  Kya  Hai

Hum  Ko  Un Se  Wafa  Ki  Hai  Ummeed

Jo  Naheen  Jaante  Wafa  Kya  Hai

Haan  Bhala  Kar  Tera  Bhala  Hogaa

Aur  Darvaesh  Kee  Sadaa  Kya  Hai

Jaan  Tum  Par  Nissaar  Karta Hoon

Main Naheen Jaanta Du’aa  Kya  Hai

Main  Ne  Mana  K  Kuchh  Nahi  ‘Ghalib’

Muft  Haath  Aaye  To  Buraa  Kya  Hai

Haalat E Haal Ke Sabab, Haalat E Haal Hi Gayi

Shauq Men Kuch Nahin Gaya, Shauq Ki Zindagi Gayi

Ek Hi Haadsaa To Hai Aur Vo Yeh K Aaj Tak

Baat Nahi Kahi Gayi, Baat Nahi Suni Gayi

Baad Bhi Tere Jaan E Jaan Dil Men Rahaa Ajab Samaan

Yaad Rahii Teri Yahaan,  Phir Terii Yaad Bhi Gayi

Uske Badan Ko Di Namud Hamne Sukhan Men Aur Phir

Uske Badan Ke Vaaste Ek Qabaa Bhi Si Gayi

Uskii Ummid E Naaz Kaa Hamse Ye Maan Tha Ke Aap

Umr Guzaar Deejiye,  Umr Guzaar Di Gayi

Uske Visaal Ke Liye, Apne Kamaal Ke Liye

Haalat E Dil, K Thi Kharaab, Aur Kharaab Ki Gayi

Teraa Firaaq Jaan E Jaan Aish Thaa Kyaa Mere Liye

Yaanii Tere Firaaq Men Khuub Sharaab Pi Gayi

Uski Gali Se Uth Ke Main Aan Paraa Thaa Apne Ghar

Ek Gali Ki Baat Thi,   Aur Gali Gali Gayi

Be Minnat E Khizr E Raah Rahnaa
Manzuur Hamen Tabaah Rahnaa

Yaaron Ko Nasiib Sar-Faraazii
Mujhko Terii Gard E Raah Rahnaa

Dil Aik Ajiib Ghar Hai Pyaare
Is Ghar Men Bhi Gaah Gaah Rahnaa

Gar Yunhi Rahii Dilon Ki Ranjish
Mushkil Hai Baham Nibaah Rahnaa

Bhar Aayegii Aankh Bhii Kisii Din
Khaalii Nahiin Sirf Aah Rahnaa

Main Haath Nahi Use Lagaya
Ae Begunahi Gawaah Rahna

‘Nasir’ Ye Vafaa Nahin Junun Hai
Apna Bhi Na Khair Khaah Rahnaa

Sar E Baam E Hijr Diya Bujha To Khabar Hui
Sar E Shaam Koi Judaa Hua To Khabar Hui


Mera Khush Kharam Balaa Ka Tez Kharam Tha
Meri Zindagi Se Chala Gaya To Khabar Hui


Mere Saare Harf, Tamaam Harf Azaab The
Mere Kam Sukhan Ne Sukhan Kiya To Khabar Hui


Koi Baat Ban Ke Bigar Gayi To Pata Chala
Mere Bewafaa Ne Karam Kiya To Khabar Hui


Mere Hamsafar Ke Safar Ki Samt Hi Aur Thi
Kahin Raastaa Koi Gum Hua To Khabar Hui


Mere Qissa Go Ne Kahan Kahan Se Barhayi Baat
Mujhe Daastaan Ka Siraa Mila To Khabar Hui


Na Woh Mausam E Rang Rez, Na Dil, Na Main
Koi Khaab Tha K Bikhar Gaya To Khabar Hui

( From: Harf E Baaryaab )

Hawa Mahak Uthi Rang E Chaman Badalne Laga

Woh Mere Saamne Jab Pairahan Badalne Laga

Bahum Hue Hain To  Ab Guftagu Nahi Hoti

Bayaan E Haal Men Tarz E Sukhan Badalne Laga

Andhere Men Bhi Mujhe Jagmaga Gaya Hai Koi

Bas Ik Nigaah Se Rang E Badan Badalne Laga

Zara Si Dair Ko Barish Ruki Thi Shaakhon Per

Mizaaj E Susan O Sarv O Saman Badalne Laga

Faraz E Koh Pe Bijli Kuch Is Tarah Chamki

Libaas E Vaadi O Dasht O Daman Badalne Laga

( Taken From:  Inkaar )

Kya Zamana Tha K Har Roz Mila Karte The

Raat Bhar Chand K Hamraah Phira Karte The

Jahaan Tanhaaiyaan Sar Phor K So Jati Hain

Un Makaanon Men Ajab Log Raha Karte The

Kar Diya Aaj Zamaane Ne Unhen Bhi Majbur

Kabhi Yeh Log Mere Dukh Ki Dawa Karte The

Dekh Kar Jo Hamain Chup Chap Guzar Jata Hai

Kabhi Us Shakhs Ko Hum Pyar Kiya Karte The

Ittefaaqaat E Zamana Bhi Ajab Hain ‘Nasir’

Aaj Woh Dekh Rahe Hain Jo Suna Karte The

Hai Bhare Darakhton Ke Baa Wajood Ban Tanha
Roz O Shab K Hangaame Phir Bhi Anjuman Tanha


Ratjagon Ke Woh Saathi Kis Jahaan Men Baste Hain
Kya Hamin Tak Aayegi Subh Ki Kiran Tanha


Rah Gayin Kahaan Pichhe Gesuuon Ki Barsaaten
Mere Ghar Tak Aayihai Boo E  Yasman Tanha


Wo To Khair Yun Kahiye, Zauq E Husn Hamdam Tha
Jooye Sheer Kya Laataa Azm E Kohkan Tanha


Haaye Yeh Shab E Vaadaa, Dil Ka Haal Kya Kahiye
Hujla E Uroosii Men Jis Tarah Dulhan Tanha


Jaane Kis Shabistaan Men Kaun Jaagta Hoga
Nisf Shab Ko Nikli Hia Ek Gulbadan Tanha

 

Dil O Nigaah Pe Kis Taur Ke Azaab Utray
Wo Maahtaab Hi Utra, Na Uske Khaab Utray

Kahaan Woh Rut K Jabeenon Pe Aaftaab Utray
Zamana Beet Gaya Unki Aab O Taab Utray

Main Usse Khul Ke Milun, Soch Ka Hijaab Utray
Woh Chahta Hai Meri Rooh Ka Naqaab Utray

Udaas Shab Men, Kari Dopaher Ke Lamhon Men
Koi Charaagh,  Koi Suurat E Gulaab Utray

Kabhi Kabhi Tere Lehje Ki Shabnami Thandak
Samaa’aton Ke Darichon Pe Khaab Khaab Utray

Faseel E Shehar E Tamanna Ki Zard Bailon Per
Tera Jamaal Kabhi Surat E Sahaab Utray!

Teri Hansi Men Naye Mausamon Ki Khushbu Thi
Naveed Ho K Badan Se Puraane Khaab Utray

Supurdagi Ka Mujassam Sawaal Ban Ke Khilun
Misaal E Qatra E Shabnam Tera Jawaab Utray

Teri Tarah, Meri Aankhen Bhi Mo’tabar Na Raheen
Safar Se Qabl Hi Raston Men Woh Saraab Utray!!

Badan Ki Qaid Bahut Saazgaar Bhi To Nahi
Magar Yahaan Koi Raah E Faraar Bhi To Nahi

Yeh Kis Nadi Men Utaari Hain Kashtiyaan Humne
Ba Qadr E Shouq Thaperon Ki Maar Bhi To Nahi

Hamara Ghar Bhi Yahaan Tha Karega Kaun Yaqeen
K Mutthiyon Men Hamare Ghubaar Bhi To Nahi

Kis Ehtiyaat Se Phoote Hian Aable Abke
Lahoo Ki Boond Sar E Nok E Khaar Bhi To Nahi

To Kis Umeed Pe Toren Tilism E Zulmat E Shab
K Chandni Kahin Dariyaa Ke Paar Bhi To Nahi

Sadaayen Deti Hai Dehleez Kyun Mujhe Sar E Shaam
K Dil Ko Ab Khalish E Intezaar Bhi To Nahi

Bandhe Hain Uski Muravvat Ki Rassiyon Se ‘Zafar’
Hum Apni Saans Len Yeh Ikhteyaar Bhi To Nahi

Jin Ke Dil Me Rakhshindaa Hain Ilhaami Aayaat!!

Waqt Ke Bhari Shaanon Pe Wo Rakh Ke Dekhen Apna Haath

Beej Namak Ke Bone Wale Kheti Men Masroof

Abke Jaane Kab Tak Thahre Zakhmon Ki Barsaat

Hum Kya Unki Nazr Karen Ab Chehre Pe Aankhen Hi Nahi

Pahle Dekar Khush Hote The Ashkon Ki Soughat

Subh Ka Tarkaa Hote Hote Ur Jaate The Lafzon K Sab Rang

Jaag Ke Tujh Ko Khat Likhte The Aadhi Aadhi Raat

Aaj Hua So Hona Tha (Main Oonche Ghar Ki Beti Hun)

Dekho Phir Mat Karna Aisi Waisi Baat

Kitnaa Garm Lahoo Hai Apna Duniyaa Ko Bhi Dekhne Den

Rakhna Hont Pe Hont Aur Dena Haath Me Haath!!

Dil Men Laavaa Ubal Raha Hai Kya?
Koi Kuhsaar  Jal Raha Hai Kya??

Khaab! Fard E Zamin Pe Zahir Ho
Meri Aankhon Men Pal Raha Hai Kya

Chashm E Shabnam, Safir E Ghuncha Ban
Yun Hawa Ban Ke Chak Raha Hai Kya

Aa Shareek E Gham E Khudaayi Ho
Apni Wahdat Men Gal Raha Hai Kya

Itne Aasoodaa Kyun Hain Ahl E Safar
Sar Se Toofaan Tal Raha Hai Kya?

Kis Liye Bad Hawaas Hain Taare
Koi Suraj Nikal Rahaa Hai Kya?

Kaat Kar Phenk De Inhen ‘Amjad’
Aise Haathon Ko Mal Raha Hai Kya

( By – Amjad Islam Amjad )

Yaad Aataa Hai Roz O Shab Koi

Hum Se Rutha Hai Be Sabab Koi

Lab E Joo Chhaaon Me Darakhton Ki

Woh Mulaaqaat Thi Ajab Koi!!

Jab Tujhe Pahli Baar Dekhaa Tha

Woh Bhi Tha Mausam E Tarab Koi

Kuchh Khabar Le K Teri Mahfil Se

Door Baitha Hai Jaan Ba Lab Koi

Na Gham E Zindagi Na Dard E Firaaq

Dil Men Yunhi Si Hai Talab Koi

Yaad Aati Hain Door Ki Baaten

Pyaar Se Dekhta Hai Jab Koi

Chot Khaayi Hai Baarhaa Lekin!

Aaj To Dard Hai Ajab Koi

Jin Ko Mitna Tha Mit Chuke ‘Nasir’

Un Ko Ruswaa Kare Na Ab Koi

Kahin Se Kuchh Hikaayat Chhor Di Hai
Bas Is Had Tak Riwaayat  Chhor Di Hai

Kahaan Hum Darbadar Dhote Vo Githri
Havelii Men  Amaanat Chhor Di Hai

Nijaat Us Ne To Paali Apni Kah Kar
Meri Khaatir Qyaamat Chhor Di Hai

To Kya Ab Kuchh Kahin Baaqi Nahi Hai?
To Kya Sab Ne Muhabbat Chhor Di Hai?

Shab E Gham Dhoondh Le Dar Aur Koi
Ab Is Dil Ne Sakhaavar Chhor Di Hai

Lahoo Ki Cheekh Le Jaaye Jahaan Ab
Suno!! Hum Ne Shikaayat Chhor Di Hai

‘Zafar’ Tum To Bare Qaayal The Uske
Yeh Kyun Saahab Salaamat Chhor Di Hai

Uth Aur Phir Se Rawanaa Ho Dar Zeyaadaa Nahin
Bahut Kathin Sahi Manzil Safar Zeyaadaa Nahin

Byaan Me Apne Sadaaqat Ki Hai Kami Warnaa
Ye Raaz Kya Hia K Us Par Asar Zeyaadaa Nahin

Mujhe Kharab Kiya Usne Haan Kiya Hoga
Usi Se Poochhiye Mujh Ko Khabar Zeyaadaa Nahin

Suna Hai Wo Mere Baare Me Sochta Hai Bahut
Khabar To Hai Hi Magar Mo’tabar Zeyaadaa Nahin

Yeh Justaju To Rahe Kaun Hai Wo Kaisa Hai
Suraagh Kuchh To Milega Agar Zeyaadaa Nahin

Abhi Rawana Hun Yeksuyi Se Main Dasht Ba Dasht
K Rahguzaar E Safar Men Shajar Zeyaadaa Nahin

Jabhi To Khaar E Dil E Dostaan Nahin Hun Abhi
K Aib Mujh Men Bahut Hain Hunar Zeyaadaa Nahin

Dinon Ki Baat Hai Ab Kiimiyaa Gari Apni
K Rah Gayi Hai Zara Si Kasar Zeyaadaa Nahin

‘Zafar’ Hum Aapko Gumraah To Nahin Kahte
Yahi K Hain Bhi Agar Raah Par Zeyaadaa Nahin

Kuchh Is Tarah Khushi Ko Mujassam Utha Liya

Jo Mil Raha Tha Us Se Zara Kam Utha Liya

Taqseem Horahe The Chaman Men Gul E Muraad

Main Ne Bhi Ek Nageenaa E Shabnam Utha Liya

Bhaari Tha Do Jahaan Pe Magar Jhoomte Hue

Nok E Palak Pe Main Ne Tera Gham Utha Liya

Shoreedgi Ka Hukm Chalega Zamaane Men

Zarron Ne Gard Baad Ka Parcham Utha Liya

Zakhmon Ke Vaaste Hai Namakdaan Hi Bahut

Mere Sitam Zareef Ne Marham Utha Liya

Ek Jhurjhuri Si Door Talak Li Zameen Ne

Bach_Chi Ne Shaakh E Gul Se Bandha Bam Utha Liya

Mahfil E Raftagaan Men Zikr E Aayindgaan Bahut Raha
Baar E Giraan The Aur Bhi Par Yeh Giraan Bahut Raha

Aawaargaan E Dasht E Shab, Nikle Baraay E Gasht E Shab
Roz Ke Bar Khilaaf Raat, Shor E Sagaan Bahut Raha

Jitne The Aafiyat Talab,  Zid Men Usi Taraf Gaye
Dasht Men Nisbatan Jidhar Khatraa E Jaan Bahut Raha

Yun To Hai Kaarobaar E Dil, Sood O Zayaan Se Be Neyaaz
Lekin Na Jaane Abke Kyun, Us Men Zayaan Bahut Raha

De Na Saki Zara Panah, Un Ko Faseel E Seem O Zar
Jinke Saron  Men Muddaton, Zo’m E Gumaan Bahut Raha

Milne Ko Un Se Mil Liye!!!  Hone Ko Baat Bhi Hui
Lekin Wahaan Se Aane Par, Dil Men Dhuaan Bahut Raha

Kuu E Malamat Ek Din, Aakhir Ko Chhorna Para
Pahle Bhi Ranj The Bahut, Magar Baad Az Aan Bahut Raha

( By :  Anjum Irfani  )

Zindagi Se Nazar Milaao Kabhi  –  Haar K Baad Muskuraao Kahi

Tark E Ulfat K Baad Umeed E Wafa  –  Ret Par Chal Saki Hai Naao Kabhi

Ab Jafaa Ki Sarahatain Bekaar  –  Baat Se Bhar Saka Hai Ghaao Kabhi

Shaakh Se Mauj E Gul Thami Hai Kahin  –  Baat Se Bhar Sakaa Hai Ghao Kabhi

Andhe Zehnon Se Sochne Waalo  –  Harf Men Raushni Milaao Kabhi

Barishen Kya Zamin K Dukh Banten  –  Aansuon Se Bujhaa Alaao Kabhi

Apne Spain Ki Khabar Rakhna  –  Kashtiyaan Tum Agar Jalaao Kabhi

Joan’!! Guzasht E Waqt Ki Halat E Haal Par Salaam
Us Ke Firaaq Ko Duaa!! Us Ke Visaal Par Salaam

Teraa Sitam Bhi Tha Karam, Tera Karam Bhi Tha Sitam
Bandagi Teri Tegh Ko!! Aur Teri Dhaal Par Salaam

Sood O Zayaan K Farq Ka Ab Nahi Hum Se Waastaa
Subh Ko Arz E Kornish!! Shaam E Malaal Par Salaam

Ab To Nahi Hai Lazzat E Mumkin E Shauq Bhi Naseeb
Roz O Shab Zamaanaa E Shauq E Mahaal Par Salaam

Hijr E Sawaal Ke Hain Din!! Hijr E Jawaab Ke Hain Din
Us Ke Jawaab Par Salaam!! Apne Sawaal Par Salaam

Jaane Woh Rang E Mastii E Khaab O Khyaal Kya Hui?
Ishrat E Khaab Ki Sana!! Aish E Khyaal Par Salaam

Apna Kamaal Tha Ajab!! Apna Zawaal Tha Ajab!!
Apne Kamaal Par Darood!! Apne Zawaal Par Salaam

Yaad Aataa Hai Roz O Shab Koi

Hum Se Rutha Hai Be Sabab Koi

Lab E Joo Chhaaon Me Darakhton Ki

Woh Mulaaqaat Thi Ajab Koi!!

Jab Tujhe Pahli Baar Dekhaa Tha

Woh Bhi Tha Mausam E Tarab Koi

Kuchh Khabar Le K Teri Mahfil Se

Door Baitha Hai Jaan Ba Lab Koi

Na Gham E Zindagi Na Dard E Firaaq

Dil Men Yunhi Si Hai Talab Koi

Yaad Aati Hain Door Ki Baaten

Pyaar Se Dekhta Hai Jab Koi

Chot Khaayi Hai Baarhaa Lekin!

Aaj To Dard Hai Ajab Koi

Jin Ko Mitna Tha Mit Chuke ‘Nasir’

Un Ko Ruswaa Kare Na Ab Koi

Kahin Se Kuchh Hikaayat Chhor Di Hai
Bas Is Had Tak Riwaayat  Chhor Di Hai

Kahaan Hum Darbadar Dhote Vo Githri
Havelii Men  Amaanat Chhor Di Hai

Nijaat Us Ne To Paali Apni Kah Kar
Meri Khaatir Qyaamat Chhor Di Hai

To Kya Ab Kuchh Kahin Baaqi Nahi Hai?
To Kya Sab Ne Muhabbat Chhor Di Hai?

Shab E Gham Dhoondh Le Dar Aur Koi
Ab Is Dil Ne Sakhaavar Chhor Di Hai

Lahoo Ki Cheekh Le Jaaye Jahaan Ab
Suno!! Hum Ne Shikaayat Chhor Di Hai

‘Zafar’ Tum To Bare Qaayal The Uske
Yeh Kyun Saahab Salaamat Chhor Di Hai

Uth Aur Phir Se Rawanaa Ho Dar Zeyaadaa Nahin
Bahut Kathin Sahi Manzil Safar Zeyaadaa Nahin

Byaan Me Apne Sadaaqat Ki Hai Kami Warnaa
Ye Raaz Kya Hia K Us Par Asar Zeyaadaa Nahin

Mujhe Kharab Kiya Usne Haan Kiya Hoga
Usi Se Poochhiye Mujh Ko Khabar Zeyaadaa Nahin

Suna Hai Wo Mere Baare Me Sochta Hai Bahut
Khabar To Hai Hi Magar Mo’tabar Zeyaadaa Nahin

Yeh Justaju To Rahe Kaun Hai Wo Kaisa Hai
Suraagh Kuchh To Milega Agar Zeyaadaa Nahin

Abhi Rawana Hun Yeksuyi Se Main Dasht Ba Dasht
K Rahguzaar E Safar Men Shajar Zeyaadaa Nahin

Jabhi To Khaar E Dil E Dostaan Nahin Hun Abhi
K Aib Mujh Men Bahut Hain Hunar Zeyaadaa Nahin

Dinon Ki Baat Hai Ab Kiimiyaa Gari Apni
K Rah Gayi Hai Zara Si Kasar Zeyaadaa Nahin

‘Zafar’ Hum Aapko Gumraah To Nahin Kahte
Yahi K Hain Bhi Agar Raah Par Zeyaadaa Nahin

Kuchh Is Tarah Khushi Ko Mujassam Utha Liya

Jo Mil Raha Tha Us Se Zara Kam Utha Liya

Taqseem Horahe The Chaman Men Gul E Muraad

Main Ne Bhi Ek Nageenaa E Shabnam Utha Liya

Bhaari Tha Do Jahaan Pe Magar Jhoomte Hue

Nok E Palak Pe Main Ne Tera Gham Utha Liya

Shoreedgi Ka Hukm Chalega Zamaane Men

Zarron Ne Gard Baad Ka Parcham Utha Liya

Zakhmon Ke Vaaste Hai Namakdaan Hi Bahut

Mere Sitam Zareef Ne Marham Utha Liya

Ek Jhurjhuri Si Door Talak Li Zameen Ne

Bach_Chi Ne Shaakh E Gul Se Bandha Bam Utha Liya

Mahfil E Raftagaan Men Zikr E Aayindgaan Bahut Raha
Baar E Giraan The Aur Bhi Par Yeh Giraan Bahut Raha

Aawaargaan E Dasht E Shab, Nikle Baraay E Gasht E Shab
Roz Ke Bar Khilaaf Raat, Shor E Sagaan Bahut Raha

Jitne The Aafiyat Talab,  Zid Men Usi Taraf Gaye
Dasht Men Nisbatan Jidhar Khatraa E Jaan Bahut Raha

Yun To Hai Kaarobaar E Dil, Sood O Zayaan Se Be Neyaaz
Lekin Na Jaane Abke Kyun, Us Men Zayaan Bahut Raha

De Na Saki Zara Panah, Un Ko Faseel E Seem O Zar
Jinke Saron  Men Muddaton, Zo’m E Gumaan Bahut Raha

Milne Ko Un Se Mil Liye!!!  Hone Ko Baat Bhi Hui
Lekin Wahaan Se Aane Par, Dil Men Dhuaan Bahut Raha

Kuu E Malamat Ek Din, Aakhir Ko Chhorna Para
Pahle Bhi Ranj The Bahut, Magar Baad Az Aan Bahut Raha

( By :  Anjum Irfani  )

Zindagi Se Nazar Milaao Kabhi  –  Haar K Baad Muskuraao Kahi

Tark E Ulfat K Baad Umeed E Wafa  –  Ret Par Chal Saki Hai Naao Kabhi

Ab Jafaa Ki Sarahatain Bekaar  –  Baat Se Bhar Saka Hai Ghaao Kabhi

Shaakh Se Mauj E Gul Thami Hai Kahin  –  Baat Se Bhar Sakaa Hai Ghao Kabhi

Andhe Zehnon Se Sochne Waalo  –  Harf Men Raushni Milaao Kabhi

Barishen Kya Zamin K Dukh Banten  –  Aansuon Se Bujhaa Alaao Kabhi

Apne Spain Ki Khabar Rakhna  –  Kashtiyaan Tum Agar Jalaao Kabhi

 ‘Joan’!! Guzasht E Waqt Ki Halat E Haal Par Salaam
Us Ke Firaaq Ko Duaa!! Us Ke Visaal Par Salaam

Teraa Sitam Bhi Tha Karam, Tera Karam Bhi Tha Sitam
Bandagi Teri Tegh Ko!! Aur Teri Dhaal Par Salaam

Sood O Zayaan K Farq Ka Ab Nahi Hum Se Waastaa
Subh Ko Arz E Kornish!! Shaam E Malaal Par Salaam

Ab To Nahi Hai Lazzat E Mumkin E Shauq Bhi Naseeb
Roz O Shab Zamaanaa E Shauq E Mahaal Par Salaam

Hijr E Sawaal Ke Hain Din!! Hijr E Jawaab Ke Hain Din
Us Ke Jawaab Par Salaam!! Apne Sawaal Par Salaam

Jaane Woh Rang E Mastii E Khaab O Khyaal Kya Hui?
Ishrat E Khaab Ki Sana!! Aish E Khyaal Par Salaam

Apna Kamaal Tha Ajab!! Apna Zawaal Tha Ajab!!
Apne Kamaal Par Darood!! Apne Zawaal Par Salaam

Fusuun E Harf Le Gaya, Tilism E Khaab Le Gaya

Waraq Waraq Usi Ka Tha Wohi Kitaab Le Gaya

Abhi Nigah Jhuki Na Thi, K Main Ne Hont Rakh Diye

Sawaal Woh Na Karsaka, Magar Jawaab Le Gaya

Mujhe Pata Tha Raah Men Chiraagh Jal Na Paayega

Wahaan Gaya To Apne Saath Maahtaab Le Gaya

Frogh E Jism E Taazaa Se Khumaar Rang E Ghazaa Se

Nasha Bahut Barha Gaya, Magar Sharaab Le Gaya

Meri Azal Ki Tishnagi!! Bujhaa Gaya Wo Narm Dil

Nishaat E Aab De Gaya, Gham E Sarab Le Gaya

Tha Dekhne Men Saadaa Dil, Magar Bara Zaheen Tha

Mujhe Gunaahgaar Kar Ke Woh Sawaab Le Gaya

Nigaah E Imtiyaaz Ka Shikaar Main Hua ‘Imam’

Yahaan Woh Khaa De Gaya, Wahaan Gulaab Le Gaya

Kam Kam Kaho, Sanbhal Ke Kaho, Shaan Se Kaho
Roodaad E Shouq Zabt Ke Unwaan Se Kaho

Is Men Kuchh Apne Pyaar Ki Izzat Ka Hai Sawaal
Aa Jaaye Raah Par Dil E Naadaan Se Kaho

Tark E Wafaa Jahaan Men Koi Jurm To Nahi
Kya Tum Wafaa Shu’aar Ho? Eemaan Se Kaho

Us Dar Pe Ahl E Dil Ko Nahi Puuchhta Koi
Tum Ek Rayees E Shahr Ho! Darbaan Se Kaho

Kyun Le Rahe Ho Hazrat E Naaseh Ka Imtehaan
Jo Dil Ki Baat Hai Kisi Insaan Se Kaho

Humne Banaa Liyaa Hai Naya Phir Se Aashiyaan
Jaao Yeh Baat Phir Kisi Toofaan Se Kaho

Kis Munh Se Ab ‘Qateel’ Pe Dharte Ho Tohmaten
Yeh Sab Hikaayaten Kisi Anjaan Se Kaho

Rah Navard E Bayabaan E Gham, Sabr Kar Sabr Kar

Kaarvaan Phir Milenge Baham, Sabr Kar Sabr Kar

Be Nishan Hai Safar, Raat Saari Pari Hai Magar

Aa Rahi Hai Sadaa Dam Ba Dam, Sabr Kar Sabr Kar

Teri Faryaad Goonjegi Dharti Se Aakaash Tak

Koi Din Aur Sah Le Sitam, Sabr Kar Sabr Kar

Tere Qadmon Se Jaagenge Ujre Dilon K Khutan

Paa Shikastaa Ghazaal E Heram, Sabr Kar Sabr Kar

Shahr Ujre To Kya!! Hai Kushaada Zameen E Khuda

Ek Naya Ghar Basaayenge Hum, Sabr Kar Sabr Kar

Yeh Mahallat E Shaahi Tabaahi K Hain Muntazair

Girne Waale Hain In Ke Alam, Sabr Kar Sabr Kar

Daf Bajaayenge Barg O Shajar Saf Ba Saf, Har Taraf

Khushk Mitti Se Phootega Nam, Sabr Kar Sabr Kar

Lahlahaayengi Phir Khhetiyaan, Kaarvan Kaarvaan

Khul Ke Barsega Abr E Karam, Sabr Kar Sabr Kar

Dard Ke Taar Milne To De, Hont Hilne To De

Saari Baaten Karenge Raqam, Sabr Kar Sabr Kar

Dekh ‘Nasir’ Zamaane Men Koi Kisi Ka Nahin

Bhool Jaa Us Ke Qaul O Qasam, Sabr Kar Sabr Kar

.

Ajab Junoon E Musafat Men Ghar Se Nikla Tha
Khabar Nahin Hia K Suraj Kidhar Se Nikla Tha

Ye Kaun Phir Se Unhin Raaston Men Chhor Gaya
Abhi Abhi To Azaab E Safar Se Nikla Tha

Yeh Teer Dil Men Magar Be Sabab Nahi Utraa
Koi To Harf Lab E Chaaraagar Se Nikla Tha

Yeh Ab Jo Aag Bana Shahr Shahr Phaila Hai
Yahi Dhuaan Mere Deewar O Dar Se Nikla Tha

Main Raat Toot K Royaa To Chain Se Soyaa
K Dil Ka Zahr Mere Chashm E Tar Se Nikla Tha

Ye Ab Jo Sar Hain Khamidaa, Kulaah Ki Khatir
Ye Aib Bhi To Hum Ahl E Hunar Se Nikla Tha

Wo Qais Ab Jise Majnun Pukaarte Hain ‘Faraz’
Teri Tarah Koi Deewaanaa Ghar Se Nikla Tha

Main Kisi Kuu E Aziyyat Se Nahi Aaya Hun
Nargha E Sang E Malaamat Se Nahi Aaya Hun


Apni Pahchaan Banaayi Hai To Aaya Hun Yahaan
Main Kisi Baab E Riyaayat Se Nahi Aaya Hun


Apni Aankhon Men Chupaale K Tera Aks Hun Main
Kisi Aayinaa E Zulmat Se Nahi Aaya Hun


Main Bhi Ek Khaak Ka Putlaa Hun Tere Hi Jaisa
Kisi Dozakh, Kisi Jannat Se Nahi Aaya Hun


Teri Shirin Sukhani Khiinch Ke Laayi Hai Mujhe
Yaar Main Apni Zaroorat Se Nahi Aaya Hun


Itni Begaangi Achhi Nahi ‘Tariq’ Saahab
Main Kisi Shahr E Adaavat Se Nahi Aaya Hun

Dardmand E Ishq Hain, Gham Se Na Ghabraayenge Hum
Shaairy Karte Rahenge!!  Aur Mar Jaayenge Hum

Hum To Deewaane Hain Humko Maslehat Se Kya Gharaz
Apni Chaadar Se Bhi Zeyaadaa, Paaon Phailayenge Hum

Ishq Ki Barbaadiyaan, Qismat Se Hoti Hain Naseeb!!
Jis Qadar Bigrenge Utnaa Hi Sanwar Jaayenge Hum

Hoshiyaaron Ko Mubaarak Teri Mahfil Ae Khirad!!
Subh Aayenge Tere Dar Par Na Shaam Aayenge Hum

Apne Aansoo Hi Jawaab E Purshish E Ahwaal Hain
Khud Nahi Samjhe To Kya Auron Ko Samjhaayenge Hum

Ab Ke Phir Barsaat Men Ganj E Shaheedaan Par Chalen
Aasmaan Royegaa Aur Apni Ghazal Gaayenge Hum

Yunhi Be Yaqeen, Yunhi Be Nishaan, Meri Aadhi Umr Guzar Gayi

Kahin Ho Na Jaaun Main Raayegaan, Meri Aadhi Umr Guzar Gayi

Kabhi Saaeban Bhi Na Tha Baham, Kabhi Kahkashaan Thi Qadam Qadam

Kabhi Be Makaan!! Kabhi Laa Makaan, Meri Aadhi Umr Guzar Gayi

Kabhi Zikr E Hurmat E Harf Men, Kabhi Fikr E Aamad O Sarf Men

Yunhi Rizq O Ishq Ke Darmiyaan, Meri Aadhi Umr Guzar Gayi

Use Paaliyaa Use Kho Diyaa, Kabhi Hans Diya Kabhi Ro Diya

Bari Mukhtasar Si Hai Daastaan, Meri Aadhi Umr Guzar Gayi

Kahaan Kayenaat Men Ghar Karun, Main Yeh Jaan Lun To Safar Karun

Isi Soch Men Tha K Naagehaan, Meri Aadhi Umr Guzar Gayi

[  Ghazal By :  Irfan Sattar ]

Ae Iraado!!!  Mujhe Takmeel Ki Taaseer Dikhaao

Khab Main Dekh Chuka Hun Mujhe Taa’beer Dikhaao

Kaahisho!! Aankh Se Bahti Hui Hasrat Na Bano

Waqt Badla Hai To Badli Hui Tasveer Dikhaao

Raasto!! Mere Liye Manzilen Aasaan Kardo

Tum Mere Zer E Qadam Rahne Ki Tauqeer Dikhaao

Waahimo!! Hadd E Yaqeen Pe Mujhe Hairaan Na Karo

Arsaa E Shak Se Guzar Jaane Ki Tadbeer Dikhaao

Hauslo!! Jang Ki Haalat Ko Badal Kar Dekho

Main Sipar Dekh Chuka Hun Mujhe Shamsheer Dikhaao

Zaaviyo!! Husn E Lab O Chasm Nahi Hai Kaafi

Qaid Karne Ke Liye Duusri Zanjeer Dikhaao

Faaslo!! Qurb Ke Lamhon Me Yeh Doori Kaisi

Yahi Hoga To Mujhe Safha E Taqdeer Dikhaao

Faislo!! Baar E Virasat Hai Mere Shaanon Par

Jis Ka Haqdaar Hun Mujh Ko Wohi Jaageer Dikhaao

Raunaqo!! ‘Azm’ Ki Aankhon Me Chamakne K Liye

Is Bayaabaan Men Kisi Shahr Ki Taameer Dikhaao

Kisi Ki Nabz, Us Ki Azmat E Kirdaar Girti Hai
Masihaa Saamne Hai Surat E Bimaar Girti Hai

Prosi Ki Siyaasat Men Khasaara Main Uthata Hun
Mere Aangan Me Aksar Ret Ki Divaar Girti Hai

Agar Tum Noor Ke Meenaar Se Lipte Rahe To Kya
K Is Ki Roushni To Jheel Ke Us Paar Girti Hai

Hum Apne Aablon Se Raaste Gulnaar Karte Hain
Hamaare Paaon Pe Qaus E Qazah Bekaar Girti Hai

Agar Bijli Ko Girnaa Hai Gire Dasht O Bayaabaan Par
Mere Phalte Darakhton Pe Hi Kyun Har Baar Girti Hai

Wo Zaalim Dekh Leta Hai To Dil Par Teer Chalte Hain
Palak Jhapkaaye To Talwaar Pe Talwaar Girti Hai

‘Muzaffar’ Woh Mere Fan Ki Bulandi Dekhte Kaise
Idhar To Dekh Kar Naqqaad Ki Dastaar Girti Hai

Aa Ke Pat_Thar To Mere Sehn Men Do Chaar Gire

Jitne Is Prr Ke Phal The, Pas E Deewaar Gite

Aisi Dahshat Thi Fezaaon Men Khule Paani Ki

Aankh Jhapki Bhi Nahi Haath Se Patwaar Gire

Mujhe Girna Hai To Main Apne Hi Qadmon Pe Giron

Jis Tarah Saayaa E Deewaar Pe Deewaar Gire

Teergi Chhor Gaye Dil Me Ujaalon K Khutoot

Yeh Sitaare Mere Ghar Toot K Bekaar Gire

Kya Hawaa Haath Men Talwaar Liye Phirti Hai

Kyun Mujhe Dhaal Banaane Ko Ye Chhatnaar Gire

Dekh Kar Apne Dar O Baam Laraz Jaataa Hun

Mere Hamsaaye Me Jab Bhi Koi Deewaar Gire

Waqt Ki Dor Khudaa Jaane Kahaan Se Tute!!

Kiss Ghari Sar Pe Yeh Latki Hui Talwaar Gire

Humse Takra Gayi Khud Barh K Andheron Ki Chataan

Hum Sambhal Kar Jo Bahut Chalte The Laachaar Gire

Kya Kahun Deeda E Tar Yeh To Mere Chehraa Hai

Sang Kat Jaate Hain Baarish Ki Jahaan Dhaar Gire

Haat Aaya Nahi Kuchh Raat Ki Dal Dal K Siwaa

Haay Kis Mor Pe Khaabon Ke Parastaar Gire

Woh Tajalli Ki Shuaayen Thin K Jalte Hue Teer

Aayine Toot Gaye, Aayinaa Bardaar Gire

Dekhte Kyun Ho ‘Shakeeb’ Itni Bulandi Ki Taraf

Na Uthaayaa Karo Sar Ko K Yeh Dastaar Gire

( By : Shakeeb Jalali )

Thaka Gaya Hai Musalsal Safar Udaasi Ka
Aur Ab Bhi Hai Mere Shaane Pe Sar Udaasi Ka

Wo Koun Keemiyaa Gar Tha K Jo Bikher Gaya
Tere Gulaab Se Chehray Pe Zar Udaasi Ka

Mere Wajood Ke Khalvat Kade Men Koi To Tha
Jo Rakh Gaya Hai Diya Taaq Par Udaasi Ka

Main Tujh Se Kaise Kahun Yaar Mehrbaan Mere
K  Tu Ilaaj Nahin,  Merii Har Udaasi Ka

Ye Ab Jo Aag Ka Darya Mere Wajood Men Hai
Yehi To Pahlay Pahal Tha Sharar Udaasi Ka

Na Jane Aaj Kahan Kho Gaya Sitaar E Shaam
Woh Meraa Dost, Mera Humsafar Udaasi Ka

‘Faraz’ Deeda E Pur Aab Men Na Dhoondh Usay
K  Dil Ki Teh Men Kahin Hai Guhar Udaasi Ka !

Tooti Hai Meri Neend Magar Tumko Is Se Kya?
Bajte Rahen Hawaaon Se Dar, Tumko Is Se Kya?

Tum Mauj Mauj Misl E Sabaa Ghoomte Raho
Kat Jayen Meri Soch Ke Par, Tumko Is Se Kya?

Auron Ka Haath Thaamo, Unhen Raasta Dikhaao
Main Bhool Jaoon Apna Hi Ghar, Tumko Is Se Kya?

Abr E Gurez Paa Ko Barasne Se Kya Gharaz
Seepi Men Ban Na Payen Gohar Tumko Is Se Kya?

Le Jayen Mujhko Maal E Ghanimat Ke Saath Udu
Tum Ne To Daal Di Hai Sipar, Tumko Is Se Kya?

Tumne To Thak Ke Dasht Men Khiime Laga Liye
Tanha Kate Kisi Ka Safar, Tumko Is Se Kya?

Tooti Hai Meri Neend Magar Tumko Is Se Kya?
Bajte Rahen Hawaaon Se Dar, Tumko Is Se Kya?

Tum Mauj Mauj Misl E Sabaa Ghoomte Raho
Kat Jayen Meri Soch Ke Par, Tumko Is Se Kya?

Auron Ka Haath Thaamo, Unhen Raasta Dikhaao
Main Bhool Jaoon Apna Hi Ghar, Tumko Is Se Kya?

Abr E Gurez Paa Ko Barasne Se Kya Gharaz
Seepi Men Ban Na Payen Gohar Tumko Is Se Kya?

Le Jayen Mujhko Maal E Ghanimat Ke Saath Udu
Tum Ne To Daal Di Hai Sipar, Tumko Is Se Kya?

Tumne To Thak Ke Dasht Men Khiime Laga Liye
Tanha Kate Kisi Ka Safar, Tumko Is Se Kya?

Kis Liye Phirtaa Hun Tanha!! Na Kisi Ne Poochhaa

Kyun Kahin Ji Nahin Lagta!! Na Kisi Ne Poochhaa

Zehn Aawaaraa, Dil Aawaaraa, Nazar Aawaaraa

Kaise Is Haal Ko Pahuncha? Na Kisi Ne Poochhaa

Kaun Hai, Aayaa Hai Kis Des Se, Kis Se Milne

Sab Ne Dekha Magar Itna Na Kisi Ne Poochhaa

Jaane Kya Kahte!! Agar Puchhtaa Ahwal Koi

Khair Yeh Bhi Hua Achchha Na Kisi Ne Poochhaa

Be Ta’alluq Hue ‘Ruhi’ Ajab Andaaz Se Log

Kis Pe Kya Haadsa Guzra, Na Kisi Ne Poochhaa

 

Tujh Se To Koi Gila Nahin Hai
Qismat Men Meri Sila Nahin Hai


Bichhre To Na Jane Haal Kya Ho
Jo Shakhs Abhi Mila Nahin Hai


Jeeney Ki To Aarzu Hi Kab Thi
Marne Ka Bhi Housla Nahin Hai


Jo Zeest Ko Mo’tabar Bana De
Aisaa Koi  Silsila Nahin Hai


Khushbu Ka Hisaab Ho Chuka Hai
Aur Phool Abhi Khila Nahin Hai


Sarshari-E-Rahbari Men Dekha
Peechhay Mera Qaafila Nahin Hai


Ek Thais Pe Dil Ka Phoot Bahna
Chhunay Men To Aabla Nahin Hai

Tujh Se To Koi Gila Nahin Hai
Qismat Men Meri Sila Nahin Hai


Bichhre To Na Jane Haal Kya Ho
Jo Shakhs Abhi Mila Nahin Hai


Jeeney Ki To Aarzu Hi Kab Thi
Marne Ka Bhi Housla Nahin Hai


Jo Zeest Ko Mo’tabar Bana De
Aisaa Koi  Silsila Nahin Hai


Khushbu Ka Hisaab Ho Chuka Hai
Aur Phool Abhi Khila Nahin Hai


Sarshari-E-Rahbari Men Dekha
Peechhay Mera Qaafila Nahin Hai


Ek Thais Pe Dil Ka Phoot Bahna
Chhunay Men To Aabla Nahin Hai

Asbaab E Gham E Ishq Baaham Karte Rahenge
Veerani E Dauraan Pe Karam Karte Rahenge

Haan Talkhi E Aiyyaam Abhi Aur Barhegi
Haan Ahl E Sitam Mashq E Sitam Karte Rahenge

Manzoor Ye Talkhi Ye Sitam Hum Ko Gavaara
Dam Hai To Madaava E Alam Karte Rahenge

Maikhaana Salaamat Hai To Hum Surkhi E Mai Se
Taz’een E Dar O Baam E Haram Karte Rahenge

Baaqi Hai Lahu Dil Men To Har Ashk Se Paidaa
Rang E Lab O Rukhsaar E Sanam Karte Rahenge

Ek Tarz E Taghaaful Hai So Wo Un Ko Mubaarak
Ek Arz E Tamanna Hai So Hum Karte Rahenge

 

 

 

 

 

 

 

 

 

 

Eh Na Thee Hamari Qismat K Wisaal E Yaar Hota
Agar Aur Jeete Rahtay,  Yehi Intezaar Hota

Tere Waa’de Par Jiyee Ham To Yeh Jaan Chhoot Jana
K Khushi Se Mar Na Jaate!!!  Agar Intezaar Hota

Koi Mere Dil Se Poochhe, Tere Teer E Neem Kash Ko
Yeh Khalish Kahaan Se Hoti, Jo Jigar K Paar Hota

Yeh Kahaan Ki Dosti Hai K Bane Hain Dost Naaseh
Koi Chaaraa Saaz Hota Koi Ghamghusaar Hota

Kahun Kis Se Main K Kya Hai Shab E Gham Buri Bala Hai
Mujhe Kya Bura Tha Marnaa Agar Aik Baar Hota

Hue Mar K Ham Jo Ruswa Hue Kyun Ka Gharq E Dariya
Na Kabhi Janazaa Uthta Na Kahin Mazaar Hota

Yeh Masaael E Tasavvuf, Yeh Tera Bayaan ‘Ghalib’
Tujhe Ham Wali Samajhte Jo Na Baadaakhaar Hota

Hum Sunayain To Kahaani Aur Hai
Yaar  Logon Ki  Zabaani  Aur Hai

Chaaragar Rote Hain Taza Zakhm Ko
Dil Ki Beemari Puraani Aur Hai

Jo Kaha Humne Wo Mazmun Aur Tha
Tarjumaan Ki Tarjumaani Aur Hai

Hai Bisaat E Dil Laho Ki Aik Boond
Chasham E Purkhun Ki Ravaani Aur Hai

Namabar Ko Kuch Bhi Hum Paighaam Dain
Dastaan Us  Ne Sunaani Aur Hai

Aab E Zamzam Dost Laaye Hain Abas
Hum Jo Peetay Hain Wo Paani Aur Hai

Sab Qayamat Qamaton Ko Dehkh Lo
Kya Mere Janaan Ka Saani Aur Hai?

Ahl E  Dil Ki Anjuman Men Aa Kabhi
In Ki Duniya Yaar Jaani Aur Hai

Shairy Karti Hai Ik Duniya ‘Faraz’
Par Teri Saadaa Bayaani Aur Hai

Safar E Manzil E Shab Yaad Nahin
Log Rukhsat Hue Kab Yaad Nahin

Dil Men Har Waqt Chubhan Rahti Thi
Thi Mujhe Kis Ki Talab Yaad Nahin

Wo Sitaara Thi K Shabnam Thi K Phul
Ek Soorat Thi Ajab Yaad Nahin

Aisa Uljha Hun Gam E Duniya Men
Ek Bhi Khaab E Tarab Yaad Nahin

Bhoolte Jaate Hain Maazi Ke Dayaar
Yaad Aayen Bhi To Sab Yaad Nahin

Ye Haqeeqat Hai K Ahbaab Ko Hum
Yaad Hi Kab Thhay Jo Ab Yaad Nahin

Yaad Hai Sair E Charaaghaan ‘Nasir’
Dil Ke Bujhne Ka Sabab Yaad Nahin

Tujhe Hai Mashq E Sitam Ka Malaal Waise Hi
Humaari Jaan Hai, Jaan Par Wabaal Waise Hi

Chala Tha Zikr Zmaane Ki Bewafaayi Ka
So Aa Gaya Hai Tumhara Khayal Waise Hi

Hum Aa Gaye Hain Tah E Daam To Nasib Apna
Wagarna Usne To Phenka Tha Jaal Waise Hi

Main Rokna Hi Nahin Chahta Tha Waar Uska
Giri Nahin Mere Haathon Se Dhaal Waise Hi

Zamaana Humse Bhala Dushmani To Kya Rakhta
So Kar Gaya Hai Humain Paayemaal Waise Hi

Mujhe Bhi Shouq Na Tha Daastaan Sunane Ka
‘Faraz’ Usne Bhi Poocha Tha Haal Waise Hi

Dekhaa Hua Sa Kuchh Hai To Sochaa Hua Sa Kuchh

Har Waqt Mere Saath Hai Uljhaa Hua Sa Kuchh

Hotaa Hai Yuun Bhii Raastaa Khultaa Nahin Kahin

Jangal Sa Phail Jaataa Hai Khoyaa Hua Sa Kuchh

Saahil Kii Geelii Ret Pe Bachchon Ke Khel Saa

Har Lamhaa Mujh Men Bantaa Bikhartaa Hua Sa Kuchh

Fursat Ne Aaj Ghar Ko Sajaayaa Kuchh Is Tarah

Har Shay Se Muskuraataa Hai Rotaa Hua Sa Kuchh

Dhundhlii Sii Ek Yaad,  Kisii Qabr Kaa Diyaa

Aur Mere Aas Paas Chamkataa Hua Sa Kuchh

Hum To Yun Khush The K Ek Taar Grebaan Men Hai


Kya Khabar Thi K Bahaar Iske Bhi Armaan Men Hai


Ek Zarb Aur Bhi Ae Zindagi E Teeshaa Ba Dast


Saans Lene Ki Sakat, Ab Bhi Meri Jaan Men Hai


Main Tujhe Kho Ke Bhi Zinda Hun Ye Dekha Tu Ne


Kis Qadar Hausla Haare Hue Insaan Men Hai


Faasle Qurb K Sho’lon Ko Hawaa Dete Hain


Main Tere Shahr Se Door Aur Tu Mere Dhyaan Men Hai


Sar E Deewaar Frozaan Hai Abhi Ek Chiraagh


Ae Naseem E Sehari, Kuchh Tere Imkaan Men Hai


Dil Dharakne Ki Sadaa Aati Hai Hai Gaaahe Gaahe


Jaise Ab Bhi Teri Aawaaz Mere Kaan Men Hai

 

Hum Hain Mataa-E-Koochaa-E-Baazaar Ki Tarah
Uthtii Hai Har Nigaah Khareedaar Ki Tarah

Is Koo-E-Tishnagi Main Buhat Hai K Aik Jaam
Haath Aa Gaya Hai Daulat-E-Bedaar Ki Tarah

Wo To  Kahin Hain Aur Magar Dil K Aas Paas
Phirti Hai Koi Shay  Nigah-E-Yaar Ki Tarah

Seedhi Hai Raah-E-Shauq Pe Yun Hi Kabhi Kabhi
Kham Ho Gayi Hai Gesoo-E-Dildaar Ki Tarah

Ab Ja K Kuch Khulaa Hunar-E-Naakhun-E-Junun
Zakhm-E-Jigar Hue Lab-O-Rukhsaar Ki Tarah

‘Majruh’ Likh Rahe Hain Wo Ahal-E-Wafaa Ka Naam
Hum Bhi Khare Hue Hain Gunahagaar Ki Tarah

[ Majruh Sultanpuri ]

Apni Dhun Men Rahtaa Hun
Main Bhii  Tere  Jaisaa Hun

O  Pichhlii  Rut Ke  Saathii
Abke Baras Main Tanhaa Hun

Terii Galii Men Saaraa Din
Dukh Ke Kankar Chuntaa Hun

Mujh Se Aankh Milaaye Kaun
Main Teraa Aaeenaa Hun

Meraa Diyaa Jalaaye Kaun
Main Tera Khaalii Kamraa Hun

Tuu Jiivan Kii Bharii Galii
Main Jangal Ka Rastaa Hun

Apni Lahr Hai,   Apnaa Rog
Dariyaa Hun Aur Pyaasaa Hun

Aatii Rut Mujhe Royegii
Jaati Rut Ka Jhonkaa Hun

Nazar Bujhi To Karishmay Bhi Roz O Shab Ke Gaye
K Ab  Talak Nahi Aaye Hain Log  Jabb Ke Gaye

Sunegaa Koun Teri Bewafaaiyon Ke  Gilay
Yahi Hai Rasm-E-Zamana To Ham Bhi Ab Ke Gaye

Magar Kissi Ne Hamain Ham Safar Nahi Jaanaa
Yeh Aur Baat K Ham Saath Saath Sab Ke Gaye

Ab Aaye Ho To Yahaan Kya Hai Dekhnay Ke Liye
Ye Shahr Kab Se Hai Weeran Wo Log Kab Ke Gaye

Giraftaa Dil Thay,  Magar Houslaa Na Haaraa Tha
Giraftaa Dil Hain Magar Housslay Bhi Ab Ke Gaye

Tum Apni Shamm’a Tamanna Ko Ro Rahe Ho ‘Faraz’
In Aandhiyon Men To Pyare Charagh Sab Ke Gaye

Jala Diyaa Shajar E Jaan, K Sabz Bakht Na Tha
Kisi Bhi Rut Me Haraa Ho Ye Wo Darakht Na Tha

Jo Khaab Dekha Tha Shahzaadiyon Ne Pichhle Pahar
Phir Us Ke Baad Muqaddar Me Taaj O Takht Na Tha

Zara Se Jabr Se Main Bhi To Toot Sakti Thi
Meri Tarah Se Tabi’at Ka Woh Bhi Sakhta Na Tha

Andheri Raaton Ke Tanhaa Musaafiron K Liye
Diyaa Jalata Hua Koi Saaz O Rakht Na Tha

Mere Liye To Wo Khanjar Bhi Phool Ban Ke Uthaa
Zabaan Sakht Thi, Lehjaa Magar Karakht Na Tha

Gaye Wo Din K Mujhi Tak Tha Mera Dukh Mahdood
Khabar Ke Jaisaa Ye Afasaana Lakht Lakht Na Tha

Fasaanaa Chherti Hai Shaam Uska
Khalaa Men Gunjtaa Hai Naam Uska


Woh Chauthi Samt Ho Yaa Saatvaan Dar
Chha-Ti His Ne Liya Hai Naam Uska


Musalsal Ek Sada Koh E Nidaa Se
Mujhe Milta Raha Paighaam Uska


Lahu Se Aabyaari Hum Karenge
Chaman Men Gul Khilaanaa Kaam Uska


Hamari Be-Gunaahi Ne Hameshaa
Sar Aankhon Pe Liya Ilzaam Uska


Meri Aankhon Men Ek Surat Basi Hai
Mere Daaman Men Hai In’aam Uska


‘Muzaffar’ Lafz Milke Sochte Hain
Chalo Gharat Karen Aaraam Uska

Badlaa Na Apne Aap Ko Jo The Wohi Rahe
Milte Rahe Sabhi Se Magar Ajnabi Rahe

Har Waqt Har Maqaam Pe Hansna Mahaal Hai
Rone Ke Waaste Bhi Koi Be-Kali Rahe

Duniya Na Jeet Paao To Haaro Na Aap Ko
Thori Bahut To Zehn Me Naaraazgi Rahe

Apni Tarah Sabhi Ko Kisi Ki Talash Thi
Hum Jiske Bhi Qareeb Rahe Door Hi Rahe

Guzro Jo Baagh Se To Dua Maangte Chalo
Jis Me Khile Hain Phool Wo Daali Hari Rahe

Kahaniyan Na Suno Aas Paas Logon Ki
Ke Mera Shaher Hai Basti Udaas Logon Ki

Na Koi Samt Na Manzil So Qaafila Kaisa
Rawaan Hai Bheer Faqat Be-Qayas Logon Ki

Kisi Se Pooch Hi Lete Wafa Ke Baab Men Hum
Kami Nahin Thi Zamaanaa-Shanaas Logon Ki

Muhabbaton Ka Safar Khatm To Nahin Hota
Baja K Dosti Aayi Na Raas Logon Ki

Hamain Bhi Apne Kayi Dost Yaad Aate Hain
Kabhi Jo Baat Chale Na-Sipaas Logon Ki

Karo Na Apni Bala-Noshion Ke Yuun Charchay
K Is Se Aur Bhi Barhti Hai Pyaas Logon Ki

Main Aany Wale Zamaanon Se Dar Raha Hun ‘Faraz’
K Main Ne Dekhi Hain Aankhen Udaas Logon Ki

Kahaniyan Na Suno Aas Paas Logon Ki
Ke Mera Shaher Hai Basti Udaas Logon Ki

Na Koi Samt Na Manzil So Qaafila Kaisa
Rawaan Hai Bheer Faqat Be-Qayas Logon Ki

Kisi Se Pooch Hi Lete Wafa Ke Baab Men Hum
Kami Nahin Thi Zamaanaa-Shanaas Logon Ki

Muhabbaton Ka Safar Khatm To Nahin Hota
Baja K Dosti Aayi Na Raas Logon Ki

Hamain Bhi Apne Kayi Dost Yaad Aate Hain
Kabhi Jo Baat Chale Na-Sipaas Logon Ki

Karo Na Apni Bala-Noshion Ke Yuun Charchay
K Is Se Aur Bhi Barhti Hai Pyaas Logon Ki

Main Aany Wale Zamaanon Se Dar Raha Hun ‘Faraz’
K Main Ne Dekhi Hain Aankhen Udaas Logon Ki

Bagh Saaraa To Bayaabaan Na Hua Tha, So Hua
Jo Khazaan Ka Kabhi Ehsaan Na Hua Tha, So Hua

Hum To Bedaar Hue  Khaab Se  Apne Lekin
Woh Bhi Khaabon Men Preshaan Na Hua Tha, So Hua

Hum Bhi Kuchh Soch K Kar Baithe Bilaakhir Shikwaa
Woh Bhi Pahle To Pashemaan Na Hua Tha So Hua

Mish’alen Sar Ki Sajaayi Gayin Tasht E Zar Men
Kab Se Maqtal Men Chiraaghaan Na Hua Tha, So Hua

Safar E Jaan Ki Hui Ab Kahin Jaa Kar Takmeel
Yaani Main Be Sar O Saamaan Na Hua Tha, So Hua

Dekhte Dekhte Aa Pahunchaa Saron Tak Paani
Ab Tak Andaaza E Toofaan Na Hua Tha, So Hua

Aur Kya Mujh Ko Silaa Milta Khuloos E Dil Ka
Hadaf E Tohmat E Yaaraan Na Hua Tha, So Hua

Doston Men Jo Ta’alluq Tha Woh Baaqi Na Rahaa
Dushmanon Men Koi Paimaan Na Hua Tha, So Hua

Dasht Men Abr To Barsaa Woh Do Ek Boond Sahi
Pahle Itna Bhi To Imkaan Na Hua Tha, So Hua

‘Mohsin’ Achchha Hi Hua Us Ne Palat Di Jo Naqaab
Rang Us Ka Jo Numaayaan Na Hua Tha, So Hua

( Mohsin Zaidi)